ፊል 1:11 - ኦራ ጫ̈ቃ ማጻ̈ፋ

¹¹ ማ ጾ̈ሳ̇̇̈ቦ ቦንች̇ኬ ጋላታኬ ማ̈ቃ̇ምፔ̈ኒ ዪንቲ ዬሱ̈ስ ክርስቶ̈ሳ ዎልቃባር ቤንቲ̇ዝ ኮሻ̇ ኦ̈ሳባራ ኩማሪ ቤንታምፔ̈ኒዬ።

ፊል 1:11 Iomraidhean Croise

ማ̈ቶ̈ሳ 5:16

ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ዋ̈ኒ̇ሳ 15:2

ኢያሬ ቴ ጋልዳ̇ ዎ ኣፍ ካጺ̇ባ̈ሶ ሻቃን ዎይ ቃጻ̇ር ቶጚ̈ሬ፤ ኣ̈ፍ ካጺ̇ዝ ሻቃን ዎይ ኮሺንቺ̇ ኣ̈ፍ ካጻ̇ምፔ̈ን ሳሂ̈ሬ።

ዋ̈ኒ̇ሳ 15:8

ዪንቲ̇ ዎይሊን ኣፍ ካጼጌይን ዪኒ̇ባር ቴ ባ̈ባ ቦንቺ̇ንቲ̈ሬ፥ ዪንታ̇ር ታ̈ብ ታማ̈ሪ ማ̈ቂ̇ኖን ዪና̇ ኢዝባራ ቤይሲ̈ሬ።

ሮሜ 15:28

ዪ̈ኮታ̇ቦ ዪና̇ ሺ̈ቂኖ ሚ̈ሺ̇ን ዬሩሳ̈ላም ካታማ ኤጛ ኢሚ̇ኖፖ ዓኒ ዪንታ̇̇ክ ኣ̈̇ራ ጎይስ ኢዝባራ ኢስፓይና ጋዳ̇ ሉካ̇ንዳ።

ሮሜ 6:22

ዓት ዪንቲ̇ ናጋራብ ኣይላ ማ̈ቃ̇ር ዎን ጋርታፖ ኬስካ̇ሪ ጾ̈ሳ̇ ኣይላ ማ̈ቂ̇ኖኮታ̇ቦ ጌ̈ሺ̇ቲ ዪንቲ̇ ዲጚ̈ሬ። ባዝ ዪና̇ ኢዝ ዉርሲንዳ ሜናብ ሼምፓባር ዶኢ።

1 ቆሮ 10:31

ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ።

2 ቆሮ 9:10

ዜርቂዛቦ ዜር፣ ሞ̈ንዳቦ ኣሳብ ፊ̈ሺ ኢሚ̇ዝ ጾ̈ሳ̇̈ዲ ዪንቲ̇ ዜርቃ̇ዝ ዜርን ዎይሊሳር ዪንታ̇ብ ኢሚ̇̈ሬ፤ ዪዚ ዪንቲ̇ ሺ ኮሽባዝ ኦ̈ምፔ̈ኒ ማ̈ሲ̈ሬ።

ኤፍ 1:12

ዪና̇ ማ̈ቂ̇ኖንዳ ኑ ቲ̈ኒታሪ ክርስቶ̈ሳ ጋልዳ ታስፋ ጋዲ̇ኖን ኑ ጎይባራ ጾ̈ሳ̇ ጋላቲንታ̇ምፔ̈ኔ።

ኤፍ 1:14

ዪ ማይታማ̈ዲ ጾ̈ሴይ ማ̈ቂ̇ኖ ኣሳን ዎይ ኢያ ኣማ̇ኒዝ ዲራስ ጊዳክ ኑ ኤካ̇ዝ ቤሲ̇ምቦ ዓት ቃብዳ ኑ̈ብ ኢሚ̇ኔ። ዪና̇ሬ ኢ ቦንቺ̇ንቦ ጋላታ ማ̈ቃ̇ምፔ̇̈ኔ።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ኤፍ 5:9

ኣባ ጌይን ፎኢንስ ጋርታ̇ ዎ ኣሲ ጺሊቲ̇፣ ኪንቲኬ ኮሺቲ̇ ኣ̈ፍ ኣ̈ፊ̈ሬ።

ፊል 4:17

ቴ ዪና̇ ጌይኖንዳ ዪንቲ ታ̈ቦ ኢማዚ̇ን ኮያራ ጊዳካ̇ይዶን ጾ̈ሳ̇ ቲ̈ን ዪንታ̇ ጋቲን ዪንታ̇ብ ዎይላምፔ̈ን ቆፓ̇ራ ጋ̈ሬ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 1:6

ዪንቲ̇ ዎጛላ ቃ̈ሊን ሲስኪ̇̈ኖንምፔኬ ጾ̈ሳ̇ ኮሺ̇ቲን ኪን ማ̈ቂ̇ኖን ኤሪኖፖ ኤ̈ሪ ዓና̇ ዎጛሊንዳ ዪንታ̇ ጊዳ̇ ኣ̈ፍ ካጺ̇ኖንዲፌ̈ኒ ሳ̈ዝ ኤ̈ሻ̇ ዎይ ጋልዳ ኣ̈ፍ ካጻ̇ሙታ̇ ዲጫ̇ሙታ̇ ዎ።

2 ታሳ 1:12

ዪና̇ ኢዝፌ̈ኒ ኑ ጎዳ ዬሱ̈ሳ ሱሚን ዪንታ̇ ጋልዳ ቦንቺንታ̇ምፔ̈ንኬ ዪንታ̇ሬ ኑ ጾ̈ሳ̇̇ዴኬ ጎዳ ዬሱ̈ስ ክርስቶ̈ሳ ኮሺ̇ቲንባራ ኢባር ቦንቺንታምፔ̈ን ኑ ዎ̈ሲ̇̈ሬ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ኢብ 12:11

ጎይሊ ዎይ ፌ ኬሊ̇ምባራ ሺን̇ ዎቲ̈ርዶኬ ኡፋይሲዛ ማይጺባ̈ሴ፤ ዎቲናካሬ ዎሃ ማ̈ቃ̇ሪ ኢዝባር ሎሲኖ ኣሳንቦ ኣ̈ፍ ካጻ̇̈ሬ ዪና̇ሬ ጺሊ̇ቲኬ ሳሪቲኬ።

1 ጴጥ 2:12

ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

1 ጴጥ 2:5

ዪንቲ̇ ኢ̈ክ ኡካ̇ዚንዳ ሼምፓባሮ ሹቻንፌ̈ኒ ኣያ̇ና ኬ̈ ማ̈ቃ̇ር ኬ̈ጺንታ̇ንዳቦ፤ ዪኒ̇ባራ ዬሱ̈ስ ክርስቶ̈ሳ ጎይባራ ጾ̈ሳ̇ ኡፋይዝ ኣያና ዣርሻ ሺ̈ሻንዳቦ ዪንቲ̇ ጌ̈ሻ ቄ̈ሳ ማ̈ቂ̇̈ሬ።

1 ጴጥ 2:9

ዎቲናካሬ ዪንቲ ም ጋርታፖ ዎይሊን ጋራ̇ሚሲዝ ፎኢንንኮ ዪንታ̇ ጼይጊኖ ጾ̈ሳ̇̇̈ኮን ጴቻ ኦ̈ሲን ሶ̈ላምፔ̈ኒ ማራ̇ጺንቲ̇ኖ ዜ̈ርን፥ ካ̈ታቦ ቄ̈ሳንኬ፥ ጾ̈ሲ ፌ̈ቦ ጌዪ ቆሪ ኬሲ̇ኖ ዎርዣን።

1 ጴጥ 4:14

ዪንቲ ክር̇ስቶ̈ሳ ሱምንኮታ̇ቦ ቆ̈ሲንቴጌይንዶ ቦንች ኣያ̇ና ዪ̈ዳሬ ጾ̈ሳ̇̇ ኣያ̇ና̈ዲ ዪንታ̇ ጋልዳ ሼምፒ̇ዛኮታቦ ኡፋይቲ̇ብቴ።