ፊል 1:10 - ኦራ ጫ̈ቃ ማጻ̈ፋ

¹⁰ ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

ፊል 1:10 Iomraidhean Croise

ማ̈ቶ̈ሳ 16:23

ዬሱ̈ሲ ጌዳ ቢሪንቲ̇ ጴ̈ጥሮ̈ሳኮ “ኣን ዓ̈ ሴ̈ጣና! ቴ ላፋፖ̇ ጌዳ ፋካ̇ቤ! ኔ̈ኒ ኣሲ ቆፒ̇ዛ̈ዲፌ̈ንዶኬ ጾ̈ሳ̇̇ ቆፓ̇ዚን ቆፓ̇ባሶኮታ̇ቦ ኔ ታ̈ብ ፊ ማ̈ቃ̇ዴ” ጌይዴ።

ማ̈ቶ̈ሳ 26:33

ጴ̈ጥሮ̈ሲ ኢ̈ኮ “ሜላን ዎይ ኔ̈ና ኣሻ̇ር ሉኪ̇̈ርካሬ ቴ ኔ̈ና ኣባካር ጌይን ኣሻ̇ባሴ” ጋ̈ሪ ሶ̈ሊዴ።

ዋ̈ኒ̇ሳ 1:47

ዬሱ̈ሲ ናቲኔ̈ሊ ኢ̈ክ ዬ̈ዚምባ̇ር ቤቃ̇ሪ “ቤቂ̇ብቴ̇! ማቃ ኤሪባ̈ሶ ኪን ኢስሬ̈ላ ኣስ ዓ̈ዲሼ!” ጋ̈ሪ ኢ ባዝ ሶ̈ሊዴ።

ዋ̈ኒ̇ሳ 3:20

ኦ̈ናካር ማ̈ቂ̇ን ኢ̈ታ ባዝ ኦ̈ዝ ኣሲ ዎይ ፎኢን ኢጺ̇̈ሬ። ኢ ኦ̈ሲን ኢ̈ቲን ቤንታ̇ካ̇ይፌ̈ኒ ፎኢንን ጋልዳ̇ ኬስኪ̇ባ̈ሴ።

ሃዋ̈ራታን ኦ̈ሳ 24:16

ዪ̈ኮታ̇ቦ ጾ̈ሳ̇̈ ቲ̈ንኬ ኣሳ ቲ̈ን ኮሽ̇ ቆፊ ታ̈ብ ዶኣምፔ̈ን ዎይ ጋላስ ሚ̈ጛሬ።

ሮሜ 12:2

ኮሽ̇ ማ̈ቂኖንዲኬ፥ ኡፋ̈ይሳዚን ማ ማዛ ኢዝ ጋልዳ ባዮ̇ን ጾ̈ሳ̇ ቆፊን ኤራንዳ̇ቦ ዪንታ̇ ቡ̈ዲን ኦ̈ራሙታ̇ዶ̈ሪ ዪንታ̇ ኣሲቲንባር ላ̈ሚንቲ̇ብትዶኬ ዓና ኣላሚን ጋልዳ ዎ ኣሳን ማይጻፒ̇ቴ።

ሮሜ 12:9

ዪንታ̇ ካንንዳ ሲሊ̇ፖ̇ ፉዳ ማ̈ቃፖ̇ጋ̈ቤ። ኢ̈ት ባዝ ሺርንቲ̇ብቴ፤ ኮሽ̇ ባዚን ሚ̈ንር ኤ̈ብቴ̇፤

ሮሜ 16:17

ቴ ኢሺንታ̇ን! ዪንቲ̇ ታማ̈ሪኖ ቲሚርቲ̇ን ኢጺ̇ሙታ̇ ዪንታ̇ ጊዳ̇ ፋጊቲ ኤሄዪሙታ̇ ዪንታ̇ ኣማ̇ኒን ጋልዳፖ ዪንታ̇ ቶጛንዳቦ ኮዪዝ ኣሳን ጋልዳፖ ዪንታ̇ ና̈ጊብቴ፤ ኢንታ ጋልዳፖ̇ ጎቲ̇ብቴ̇።

ሮሜ 2:18

“ታ̈ኒ ጾ̈ሳ̇ ኮያዝ ባዚን ኤራ̈ሬ፤ ሂጊ̇ን ታማ̈ሪኖኮታ̇ቦ ኮሽ ባዝ ኦ̈ዚን ኤራ̈ሬ፤

ሮሜ 7:16

ዪዚ ታ̈ኒ ኦ̈ዚንዳ ቴ ኮያባሶ ባዚን ማ̈ቄ̇ጌዪንዶ ሂጎ̇ ኮሽ̇ ማ̈ቂ̇ኖን ታ ማርኪ̇ታ̈ሬ።

ሮሜ 7:22

ታ̈ኒ ቴ ቡዳባር ጾ̈ሳ̇ ሂጊ̇ምባር ኡፋይታ̈̇ሬ።

ሮሜ 8:7

ኢ ኣሲቲን ኢ̈ክ ጋ̈ዝ ባዚምቦ ሙታ̇ ቆፒ̇ዝ ኣሲ ጾ̈ሳ̇ ሂጋ̇ቦ ኪ̈ቲ̇ንቲባሶኮታ̇ብኬ ኪ̈ቲ̇ንታንዳቦ ዳንዳኢባ̈ሶኮታ̇ቦ ኢ ጾ̈ሳ̇̇̈ቦ ጻላታ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

1 ቆሮ 10:32

ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ።

1 ቆሮ 8:13

ዪዚ ቴ ሞ̈ዝ ባዚንዳ ቴ ኢሻ̈ ና̈ጋራ ኦ̈ሳ̈ርኮ ቴ ኢሻ ናጋራ ኦ̈ሳካዮ̈ዲፌ̈ን ቴ ዉርሳ ኣይሽ ጌይዝ ባዝ ሞ̈ብዳ።

2 ቆሮ 1:12

ኑ̈ና ኬርፊሲዝ ፔቲ̇ ባዚ ዎ ዪ̈ናሬ፤ ኑ̈ኒ ዓኒ ኣላሚን ጋልዳ ማ ዎይ̈ፖ ሺ ዪንታ̇ባራ ኑ̈ብ ዎ ፔቲ̇ቲን ጋርታ ኑ̈ኒ ጾ̈ሳ̇̇ ጋልዳፖ ዲጚኖ ጌ̈ሺ̇ቲንባርኬ ኣሽኪቲንባራ ዪንታ̇ባር ዶኢኖን ኑ ቡ̈ዲን ኑ̈ቦ ማርኪታ̈ሬ። ዪ̈ና̇ ኣሳ ኤራባራ ጊዳካ̇ይዶን ጾ̈ሳ̇̇ ኮሺ̇ቲባር ማ̈ቂ̇ኖባዜ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 6:3

ኑ ኦ̈ሲን ኣሳ ቲ̈ን ኢ̈ት ማ̈ቃር ቤንታ̇ካ̇ይፌ̈ኒ ኣባካር ማ̈ቂ̇ን ኑ̈ኒ ኦ̈ባካር ፊ ማ̈ቂ̇ባዳ።

2 ቆሮ 8:8

ዓት̇ ዓና̇ ታ ጋ̈ዚንዳ ዪንታ̇ ኪ̈ታ̇ባሴ። ዎቲናካሬ ሜላን ኢማ̇ዚን ቤቃ̇ንዳብኬ ዪንቲ̇ ኢማ̇ዚን ቤቃ̇ምባራ ዪንታ̇ኮ ካንን ኪን ማቂ̇ኖን ኤራንዳቦ።

ጋላ̈ታ 5:11

ቴ ኢሺንታን! ቴ ዓኖ̇ ዬላ̇ር ዪንታ̇ “ኣሲ ጺላ̇ንዳቦ ጋራ̇ዚንታንዳ ኮሺ̇̈ሬ” ጌያሙታ ሳባካ̈ርኮ ኣሲ ታ̈ና ኣባብ ዳኪ̇̈ራ? ጋራ̇ዚንቲ̇ዛ ኮሺ̇̈ሬ ጌይኖኮ ዎኒ ክርስቶ̈ሳ ማስቃ̇ሊን ጎይ ቴ ሳባ̇ኪኖን ኣማ̇ናንዳቦ ኣሳንቦ ፊ ማ̈ቃ̇ባሴ።

ኤፍ 4:15

ዪኖ̇ ኣሻ̇ሪ ኑ̈ኒ ኪን ማ̈ቂ̇ኖባዚን ካንባር ሶ̈ሊሙታ̇ ባዝ ዎይ̈ባራ ዎይ̈ፖ̇ ሾ̈ክ ጋር ቆ̈ም ማ̈ቂ̇ኖ ክርስቶ̈ሳክ ዲጪ̇ስቶ።

ኤፍ 5:10

ዪዚ ጎዳ ኡፋይሲ̇ዝ ባዝ ኦ̈ንዳብ ኮዪብቴ።

ኤፍ 5:27

ዪል ዎታክ ጌ̈ሻ̇ሪ ኢዝ ጋልዳ ኣባክ ማዛ ባዮ̇ ጌ̈ሽ̇ኬ ቆይሲዝ ዎ̈ሳ ኬ̈ ማሃር ፌ̈ክ ሺ̈ሺ̇ንዳቦ።

ኤፍ 6:24

ኑ ጎዳ ዬሱ̈ስ ክርስቶ̈ሳ ዛ̈ኪ̇ባ̈ሶ ካዛንባራ ካዝ ኣሳንቦ ጾ̈ሳ̇ ኮሺ̇ቲ ኢንታ̇ባር ማ̈ቆ።

ፊል 1:16

ታ̈ኒ ቃቺ ኣ̈ል ጌሊኖንዳ ዎጛላ ሳባ̇ኪኖኮታ̇ቦ ማ̈ቂ̇ኖን ኢንቲ̇ ኤሪዛኮታ̇ቦ፤ ዪን ኪን ቡ̈ዳባር ጾ̈ሳ̇ ዎጛሊን ሳባ̇ኪዛን ካንቦ ጌዪ ሳባ̇ኪ̈ሬ።

ፊል 1:6

ዪኖ̇ ኮሽ ኦ̈ሲን ኦ̈ምፔ̈ን ዪንታ̇ባር ማ̈ቃ̇ር ዣማ̇ሪኖ ጾ̈ሳ̇̇̈ዲ ዬሱ̈ስ ክርስቶ̈ሲ ማ̈ቃ̇ር ዬይዝ ቃሚ̇ን ዬሊ̇ዝ ዲራስ ፎታዚን ቴ ኣማ̇ና̈ሬ።

ፊል 2:16

ዪ̈ዳር ማ̈ቂ̇ዛ̈ዲ ሼምፓ ኢማ̇ዝ ቃ̈ሊን ዪንቲ̇ ሚ̈ንር ኤ̈ጌይንዶ። ዪዚ ዪንቲ̇ ዪኖ̇ ዎቴጌይንዶ ቴ ዎንዳ ዎይ ታ ዳ̈ቡርሲንዳ ሜላ ኣታካ̇ዮኮታ̇ቦ ክርስቶ̈ሲ ዬይዝ ጋላስ ዪና̇ ታ̈ና ኦቲርሲ̇ዛ ማ̈ቃ̇̈ሬ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

1 ታሳ 5:21

ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ።

1 ታሳ 5:23

ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ።

1 ዋ̈ኒ̇ 4:1

ቴ ኢሺንታ̇ን! ኣላሚን ዓኒ̇ ጋልዳ ኣስ ባሊዚ ማቃ ማቂ̇ዝ ናባን ኬስኪ̇ኖኮታ̇ቦ ኣያ̇ና ዎይ ኪን ጌዪ ኤካፒ̇ቴ፤ “ጾ̈ሳ̇ ጋልዳፖ ዬይኖ ኣያ̇ናቤ ኢ̈ታ ኣያ̇ና” ጋ̈ሪ ጌ̈ዚንር ቆፓ̇ር ቤቂ̇ብቴ።

ሳጻ 2:2

ኔ ኦ̈ሲንዶ፣ ኔ ዋ̈ዪንዲኬ ኔ ጋርዢን ታ̈ኒ ኤራ̈ሬ፤ ኢ̈ት ኦ̈ዝ ኣሳን ቤቃ̇ራ ሜላ̇ ኣሻ̇ር ኣ̈ካዮንዶ፥ ማ ሃዋ̈ራታ ባዪዶሪ ፌ̈ና ሃዋ̈ራታ ጌይዛን ኮሺንቻ ቤቃ̇ራ ኢንታ ማቃ ማቂ̇ዝ ኣስ ማ̈ቂ̇ኖን ኔ ዲጚኖን ቴ ኤራ̈ሬ።