ፊል 1:1 - ኦራ ጫ̈ቃ ማጻ̈ፋ

¹ ዬሱ̈ስ ክርስቶ̈ሳቦ ኣይላ ማ̈ቃ̇ር ኦ̈ዛን ታ ጳውሎ̈ሳ ጋልዳፔኬ ጢማ̈ቶ̈ሳ ጋልዳፖ፥ ፊልጲሶ̈ሳ ካታሚን ጋርታ ዬሱ̈ስ ክርስቶ̈ሳ ኣማ̇ኒኖ ኣሳንስቦ ዎይ፥ ማ ዎሳ ኬ̈ ጪጛ̈ሻንኬ ዳ̈ቆናንቦ፥

ፊል 1:1 Iomraidhean Croise

ማ̈ርቆ̈ሳ 13:34

ዪና̇ሬ ፌ ኣ̈ሊን ኣሻ̇ሪ ሜላ ጋዳ̇ ሉኪ̇̈ርዶ̈ር ፌ ኣሽካራንቦ ዱማ ዱማ ኦ̈ሳ ኢማ̇ሪ ፌ ኣ̈ሊን ና̈ጊዝ ና̈ሳ̈ባሬ ሚ̈ጚ ና̈ጋምፔ̈ን ሶ̈ላሪ ሉኪ̇ኖ ኣስፌ̈ኒዬ።

ዋ̈ኒ̇ሳ 12:26

ታ̈ብ ኦንዳብ ኮይዝ ኣሲ ዎኮ ቴ ዎሂን ዬጋ̈ቤ፤ ታ̈ብ ኦ̈ዝ ና̈ሳዲ ቴ ዎ ቤሲ̇ን ኢና ዶኢ̈ሬ፤ ታ̈ብ ኦ̈ዛ̈ዳ ቴ ባ̈ባ ኢያ ቦንቺ̇̈ሬ።

ሃዋ̈ራታን ኦ̈ሳ 1:20

“ዪና̇ ማ̈ቂ̇ኖንዳ̇ ማዝሙራ ማጻ̈ፋ ጋልዳ፥ “ ‘ኢ ዶኢ ቤሲ̇ን ካይዝ ማ̈ቆ̇፤ ኦ̈ናካር ኢና ዶኣፖ̇ ጋ̈ቤ’ ማ ‘ኢ ሲልጣ̈ኒን ሜላ ኣሲ ኤኮ̇’ ጋ̈ሪ ጻ̈ፊንቲኖኮታ̇ቦ።

ሃዋ̈ራታን ኦ̈ሳ 20:28

ጌ̈ሻ̇ ኣያ̇ናዲ ፌ ዎርዣ̈ ና̈ጎ ጋ̈̈ር ዪንታ ማራ̇ጺኖ̈ኮታ̇ቦ ዪዚ ዪንቲ̇ ዪንታ ቆሚንዲኬ ዎርዣ ኮሺንቻር ና̈ጊብቴ̇፤ ኢ ፌ ሱ̈ምባር ዎዚኖ ዎ̈ሳ ኬ̈ን ና̈ጊብቴ።

ሃዋ̈ራታን ኦ̈ሳ 9:13

ሃና̈ኖ ኢ̈ኮ “ጎዳ̈ዶ! ዓ ና̈ሳ̈ዲ ዬሩሳ̈ላም ዎ ኣማ̇ኒዝ ኣሳን ጋልዳ ዎዛርፌ̈ን ሜታ ዬልኖን ቴ ዎይሊን ኣሳ ጋልዳፖ̇ ሲስኪኔ̈።

ሮሜ 1:1

ሃዋ̈ራ̈ ማ̈ቃ̇ምፔ̈ን ጼይጊንቲ̇ኖ፥ ጾሳ̇ ዎጛላ ታማ̈ርሳምፔ̈ን ማራ̇ጺንቲ̇ኖ ዬሱ̈ስ ክርስቶ̈ሳ ኣይላ ታ ጳውሎ̈ሳ ጋልዳፖ̇ ኪ̈ቲንቲ̇ኖ ኪ̈ታ።

ሮሜ 1:7

ጾ̈ሲ ካኖንኬ ኢያይ ማ̈ቃምፔ̈ኒ ኢ ጼይጊኖ ሮ̈ማ ካታማ ጋርታ ዎ ኣሳን! ጾ̈ሳ̇̈ ኑ ባ̈ባፔኬ ኑ ጎዳ ዬሱ̈ስ ክርስቶ̈ሳፖ ኢ ኮሺቲንዲኬ ኢ ሳሪቲን ዪንታ̇̇ብ ማ̈ቆ̇ጋቤ።

1 ቆሮ 16:10

ጢማ̈ቶ̈ሲ ዪንታ̇̇ክ ዬዬጌዪን ኢ̈ች ቤይ ዪንታ̇̇ባር ዶኣምፔ̈ን ኢያ ማ̈ዲ̇ብቴ፤ ኢያሬ ታናፌ̈ን ጎዳ ኦ̈ሲን ኦ̈ሬ።

2 ቆሮ 1:1

ጾ̈ሳ̇̇̈ ቆፊፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሳኬ ኑ ኢሻ ጢማ̈ቶሳክ ዎልኣ ቆሮንቶ̈ሳ ካታማ ጋርታ ዎ ዬሱ̈ሳ ኣማ̇ኒዝ ኣሳንኬ ማ ኣካ̈ያ ጋዳ̇ ዎ ኣማ̇ኒዝ ዎርዣ ዎይቦ፥

ጋላ̈ታ 1:10

ዪዶኮ ዓት ታ̈ኒ ኮሼ̇ ጌዪንታ̇ንዳብ ኮያዚን ኣሳን ቲ̈ንቤ ዎይ ጾ̈ሳ̇ ቲ̈ና? ዎይ ታ̈ኒ ኣስ ኡፋይሳ̇ንዳብ ዋያ̈ራ? ታ ኣስ ኡፋይሳ̇ንዳብ ዋያ̈ርፌ̈ንኮ ክርስቶ̈ሳ ኣይላ ማ̈ቃ̇ንዳብ ዳንዳ̈ኣባሴ።

ጋላ̈ታ 3:26

ዪንቲ̇ ዎይን ዬሱ̈ስ ክርስቶ̈ሳ ኣማ̇ኒኖኮታ̇ቦ ዪንቲ̇ ጾ̈ሳ̇ ናኤ።

ጋላ̈ታ 3:28

ዪንቲ̇ ዎይ ክርስቶ̈ሳባር ፔታ̇ን ማ̈ቂ̇ኖኮታ̇ቦ ዪንታ̇ ጊዳ̇ ኣይሁዳ፣ ኣይሁድ ባዮ̇ ኣሲ፣ ኣይላ፣ ኣይላ ጊዳካዮ̇ ኣሲ፣ ኣቲና ማጫ̇ ጌዪ ፋጊዝ ባዚ ባዬ̇።

ኤፍ 1:1

ዬሱ̈ስ ክርስቶ̈ሳ ኣማ̇ኒኖ ጾ̈ሳ̇ ዎርዣ [ኤፊሶ̈ና ዎን!] ጾ̈ሳ̇̇ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሲ፥ ጾ̈ሳ̇ ኑ ባ̈ባዲኬ ኑ ጎዳ ዬሱ̈ስ ክርስቶ̈ሳ ኮሺ̇ቲንዲኬ ሳሪቲን ዪንታ̇̇ብ ማ̈ቆ̇ ጋ̈ሬ።

ኤፍ 1:15

ዪ̈ኮታ̇ቦ ዪንቲ̇ ጎዳ ዬሱ̈ሳ ኣማ̇ናዚንዲኬ ዪንቲ̇ ጾ̈ሳ̇ ዎርዣ ዎይ ካዚን ቴ ሲስኪኖንፖ̇ ኤራ፥

ኤፍ 6:24

ኑ ጎዳ ዬሱ̈ስ ክርስቶ̈ሳ ዛ̈ኪ̇ባ̈ሶ ካዛንባራ ካዝ ኣሳንቦ ጾ̈ሳ̇ ኮሺ̇ቲ ኢንታ̇ባር ማ̈ቆ።

ፊል 2:19

ታ̈ኒ ዪንታ̇ ባዝ ሲስካ̇ራ ኡፋይታ̇ምፔ̈ኒ ኤሊ̇ራ ጢማ̈ቶሳ ዪንታ̇ክ ሚሻንዳብ ዳንዳኣዚን ጎዳ ዬሱ̈ሳባራ ኣማ̇ኒንታ̇̈ሬ።

ፊል 2:5

ዬሱ̈ስ ክርስቶ̈ሳብ ዎ ቆፊን ዓና̇ ዪንታ̇ ጋርታ̇ር ዶኣንዳብ ኮሻ̇̈ሬ።

ፊል 3:12

ዪን ባ̈ዛን ዎይ ቢ̈ርቲ ቴ ዲጛ̈ካዬ ዎይ ቴ ጋልዳ ኣባክ ኣቲ̇ኖ ባዚ ባዬ ጌንት ጊዳካ̇ዬ፤ ማ̈ቂ̇ናካሬ ዬሱ̈ስ ክርስቶ̈ሲ ታ̈ና ፌዪ ማሃር ታ̈ብ ጊጊሲኖ ሺልማ̈ቲንዶ ኤካ̇ንዳቦ ሚጛር ዎጻ̇̈ሬ።

ፊል 3:3

ኑ̈ኒ ኣያ̇ናባር ጾ̈ሳ̇ ጎሽቲ̇ዛንኬ ኣ̈ፍባር ቤንቲ̇ዝ ኣሳ ዎጋባር ጊዳካ̇ይዶን ዬሱ̈ስ ክርስቶ̈ሳባር ኬርፊዛን ማ̈ቂ̇ኖኮታ̇ቦ፤ ኑ̈ኒ ኪን ጋራ̇ዚንቲ̇ኖ ኣሴ።

ፊል 3:8

ጎ̈ዳ ዬሱ̈ስ ክርስቶ̈ሳ ኤራዚምፖ ሺዝ ባ̈ዚ ኣባካር ባዮ̇ን ቴ ኣማ̇ኒኖንኮታ̇ ባዝ ዎይዳ ፋባ̈ሶ ባዝፌ̈ን ፋይዲኔ። ቴ ኢ ጊሻ̇ቦ ጋ̈ራ ዎይ ባዝ ኣሺ̇ኔ፤ ክርስቶ̈ሳ ዲጛ̈ንዳቦ ጋ̈ራ ዎይ ባዝ ቶጚቲኖ ፒቲፌ̈ን ፋይዲኔ።

1 ታሳ 1:1

ጾ̈ሳ̇ ባ̈ባ̈ዴይኬ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታማ ጋርታ ዎ ጾ̈ሳ̇ ዎርዣ̈ዶ! ጾ̈ሳ̇ ኮሺ̇ቲ̈ዲኬ ኢ ሳሪቲ ዪንታ̇ባር ማ̈ቆ̇። ዓና̇ ኪ̈ቲንዶ ታ ጳውሎ̈ሳፖ፣ ሲላ̇̈ሳፔኬ ጢማ̈ቶ̈ሳ ጋልዳፖ ዪንታ̇ብ ሚሺኔ።

1 ታሳ 2:2

ዪንቲ ኤራዚንድፌ̈ኒን ዓኒ̇ፖ ቲ̈ን ኑ̈ኒ ፊልጲሶ̈ሳ ካታሚን ጋርታ ዎ ኬሊ̇ንባራ ዎይሊን ሜታኬ ቆ̈ሳክ ኑ̈ና ዬሊ̇ኔ፤ ጴች ዳሲ̇ ኑ̈ና ዬሊ̇ናካሬ ታሳሎንቃ ሉካ̇ሪ ጾ̈ሳ̇ ዎጛሊን ዪንታ̇ብ ማርኪታምፔ̈ኒ ጾ̈ሳ̇̇ ኑ ቡ̈ዲን ሚ̈ንኔ።

2 ታሳ 1:1

ጾ̈ሳ̇ ኑ ባ̈ባዴይኬ ጎዳ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታሚን ጋርታ ዎ ኣማ̇ኒዝ ኣሳንቦ ታ ጳውሎ̈ሳ ጋልዳፖ፣ ሲላ̇̈ሳ ጋልዳፔኬ ጢማ̈ቶ̈ሳ ጋልዳፖ ሚሺኖ ኪ̈ታ፦

2 ታሳ 1:10

ኢንቲ̇ ፊርዲንታ̇ዚንዳ ኢ ፌ ጌ̈ሻ ኣሳንባር ቦንቺንታ̇ንዳብኬ ኢያ ኣማ̇ኒኖ ኣሳን ኢያ ሾክ ሾክ ዎታምፔ̈ን ዬይዝ ጋላሴ። ዪንታ̇ር ኑ ማርኪቲን ሲስካ̇ሪ ኢያ ኣማ̇ኒኖኮታ̇ቦ ዪንታ̇ሬ ዪን ኣማ̇ኒኖ ኣሳንባራ ዎልኣ ኢና ቤንቲ̇̈ሬ።

1 ጢማ̈ 3:8

ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።

ቲ̈ታ̇ 1:1

ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦

ቲ̈ታ̇ 1:7

ዎ̈ሳ ኬ ቲ̈ኒዝ ጪጛሺ ጾ̈ሳ̇ ኦ̈ሲን ኦ̈ንዳቦ ዓዳ̇ራ ኤኪ̇ኖ ኣስ ማ̈ቂ̇ኖኮታ̇ቦ ኣሲ ኢያ ጌስቲ̇ዝ ኣስ ማ̈ቃ̇ንዳቦ ኮሺ̇ባ̈ሴ፤ ማ ኦትርቂ̇ባሶ ኣሲ፥ ኤሊ̇ር ጎይሊባ̈ሶ ኣሲ፥ ማሲቲባ̈ሶ ኣሲ፥ ዋጪባ̈ሶ ኣሲ፥ ቢራብ ጋንዲ̇ባ̈ሶ ማ̈ቃ̇ንዳብ ኮሺ̇̈ሬ።

ፊልሞ̈ና 1:1

ዬሱ̈ስ ክርስቶ̈ሳኮታ̇ቦ ቃሺንቲ̇ኖ ታ ጳውሎ̈ሳፕኬ ኑ ኢሻ ጢማ̈ቶ̈ሳፖ ካንቲ̇ኖ ኑ ኢሻ ኑባ̈ር ዎልኣ ዎጛላ ኦ̈ሳ ኦ̈ዛ ፊ̈ልሞ̈ና፥

ኢብ 13:23

ኑ ኢሻ ጢማቶ̈ሲ ቃሺ ኣ̈ላፖ ኬስኪ̇ኖን̇ ዪንቲ ኤራምፔ̇̈ን ቴ ኮያሬ፤ ኢ ኤሊር ዓይዲ ዬይዶኮ ቴ ኢባር ዎልኣ ሉካ̇ራ ዪንታ̇ ቤቃ̇ንዳ።

ዓይ 1:1

ሳ̈ዝ ኤ̈ሻ̇ ዎይ ጋልዳ ዳርጊንታ̇ር ዎ̈ ጎዳ ዬሱ̈ሳ ክርስቶ̈ሳ ኣማ̇ኒ̇ኖ ታጶ ናምኢ ኣይሁድ ኮ̈ራን! ጾ̈ሳ̇̇̈ብኬ ጎዳ ዬሱ̈ስ ክርስቶ̈ሳብ ኣይላ ታ ዓይቆ̈ቢ ዪንታ̇ ሳሮ̈ ጋሬ̈።

1 ጴጥ 2:25

ዪንቲ ዪኖ ዶሪፌ̈ን ዣይቲ̇ ኣቲ̇ንዶ̈ን፤ ዎቲናካር ዓት ዪንቲ̇ ዪንታ̇ ሼምፒ̇ን ና̈ጊዛኬኬ ዬ̈ጚዛክ ኢ̈ክ ማ̈ቂ̇ኔ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

ዪሁ 1:1

ዬሱ̈ስ ክርስቶ̈ሳቦ ኣይላ ማ̈ቂ̇ኖ ዓይቆባ ኢሻ ዪሁዳ ጻ̈ፊኖ ኪ̈ታ፥ ጾ̈ሳ̇ባር ጼይጊንቲ̇ኖ፥ ኢ ካንን ጋርታ ዎን ዬሱ̈ስ ክርስቶስባራ ና̈ጊንቲኖንቦ ዎይ፥

ሳጻ 1:1

ዓና̇ ሳጺንዳ ኡክ̇ ኬል̇ባር ማ̈ቃ̇ዝ ባዚን ፌ ኣሽካራንቦ ቤይሳምፔ̈ን ጾ̈ሳ̇̇̈ዲ ዬ̈ሱ̈ስ ክርስቶ̈ሳብ ኢሚ̇ኔ፤ ዬ̈ሱ̈ስ ክርስቶ̈ሳሬ ፌ ኪ̈ታንቻ ሚሻሪ ፌ ኣሽካራ ዋ̈ኒ̇ሳብ ዓና̇ ሳጺን ቤይሲዴ።

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 19:10

ዪኒ̇ባራ ታ̈ናሬ ኪ̈ታንቻ ቲ̈ን ኬዳ̇ራ ኢብ ሞ̈ኪንታ̇ዴ፤ ኢያር ታ̈ኮ “ኣሻ̇ቤ! ዪ̈ፌን ዎታፔ̇! ታ̈ናሬ ኔባርኬ ዬሱ̈ሳባዝ ማርኪቲን ኤ̈ኖ ኔ ኢሺንታ̇ንባር ዎልኣ ጾ̈ሳ̇ቦ ኦ̈ዝ ኣሴ፤ ናባን ካ̈ያ ካ̈ያምፔ̈ን ኢንታ̇ ዳንዳኢሲኖንዳ ዬሱ̈ሲ ቤይሲኖ ኪንንዶ፤ ዪ̈ኮታ̇ቦ ኔ̈ኒ ጾ̈ሳ̇̇̈ብ ሞ̈ኪንታ̇ቤ!” ጌይዴ።

ሳጻ 2:12

ጴርጋሞ̈ና ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ናምኢ ጎይን ዎይ ሌ̈ፊንቲ̇ኖ ማሺ̇ ኤ̈ኖ ሶ̈ሊኖ ሶ̈ላ፤

ሳጻ 2:8

ሴምሪኔ̈ሳ ዎ̈ሳ ኬ̈ ኪ̈ታንቻ̇̈ቦ ዪዝ ጋ̈ር ጻ̈ፋቤ፦ ቲ̈ኖዳሬ ዉርሲዳ̇ር ኢያ ማ̈ቂ̇ኖ፥ ዓይቃ̇ሪ ማ ዓይቃ ጋርታ̇ፖ ዲንዳር ሼምፓባር ዎዲ ሶ̈ሊኖ ሶ̈ላ፤

ሳጻ 22:9

ዎቲናካር ኪ̈ታንቻ ታ̈ኮ “ኣሻ̇ቤ! ዪፌ̈ን ዎታፔ! ታ̈ኒ ኔባራ ኔ ኢሺንታንባራ ናባንባራ ማ ዓና̇ ማጻ̈ፊን ጋልዶን ቃ̈ሊን ና̈ጊዝ ኣሳንባር ዎልኣ ጾ̈ሳ̇̇ብ ኣሽካ̇ራ፤ ጾ̈ሳ̇̇̈ቦ ጎሽታ̇ቤ!” ጌይዴ።