1 ጾ̈ሳ̇ ቲ̈ንኬ ማ ሼምፓባር ዎን ጋልዳኬ ዓይቂ̇ኖን ጋልዳ ፊርዳንዳብ ዬይዛ ዬሱ̈ስ ክርስቶ̈ሳ ቲ̈ን፥ ኢ ዬንቲ̇ንዲኬ ኢ ካ̈ቲቲን ቆፓሙታ ዓና̇ ባዚን ቴ ኔ̈ብ ዓዳራ ጋ̈ሬ፤
ታ ኣሳ ናኣ̈ዲ ቴ ባ̈ባ ቦንቺ̇ንባራ፥ ኪታ̇ንቻ̇ንባር ዎልኣ ማ̈ቃር ዬ̈ሬ፤ ዪኖ̇ ኢዝባራ ታ̈ኒ ዎይንቦ ኢንታ̇ ኦ̈ሲንዲፌ̈ን ኢንታ̇ብ ጪጋ̇̈ሬ።
“ፔቲ̇ ቦንቺ̇ንቲኖ ኣስዶ̈ሪ፥ ኢ ካ̈ት ማ̈ቃ̇ር ዬ̈ንዳ̇ብ ጋ̈ሪ ፔቲ̇ ጎት̇ ጋዳ ሉኪ̇ዴ።
ዎቲናካሬ ዪ ና̈ሳ ካ̈ት ማ̈ቃ̇ር ፌ ኣ̈ል ማ̈ቂ̇ ዬይኖፖ̇ ዓኒ ኢ ኢሚ̇ኖ ሚ̈ሺ̇ንባር ኢንቲ ዛልኣር ኣ̈ፊን ታራ̇ፊሲኖኮ ኤራንዳ̇ብ ኮያሪ ታጳ̇ ኣይላን ፌ̈ክ ጼይጊሲዴ።
ኢናፖ̇ ና̈ሳ̈ዲ ዬሱ̈ሳኮ “ጎዳ̈ዶ! ኔ ኔ ካ̈ቲቲንባራ ዬ̈ዚምባራ ታ̈ና ቆፓ̇ቤ!” ጌይዴ።
ኑ̈ኒ ዎርዣ̈ቦ ሳባ̇ካምፔ̈ንኬ ኢ ሼምፓባሮንኬ ዓይቂ̇ኖን ጋልዳ̇ ፊርዳ̇ምፔ̈ኒ ጾ̈ሲ̇ ኢያ ማራ̇ጺኖን ማርኪ̇ታምፔ̈ኒ ኢ ኑና ኪ̈ቲ̇ኔ።
ኢ ፌ ማራ̇ጺኖ ና̈ሳ ጎይባራ ኣላማ ጋልዳ̇ ጺላ̇ ፋራ̇ዲዝ ቃሚ̇ን ኣ̈ንታ̇ኮ ዎሳ̇ኒኔ። ጾ̈ሲ̇ ዪኖ̇ ኣሳ ዎይ̈ቦ̈ ኤርሲኖ̈ዲ ኢያ ዓይቃ ጋርታ̇ፖ̇ ዲንኖ̈ ጎይባራ” ጌይዴ።
ዪና̇ ማ̈ቃ̇ዚንዳ ታ̈ኒ ሶ̈ላዝ ዎጛላ ቃ̈ሊንዲፌ̈ኒ ኣሳን ኦ̈ኖ ሜላ ኣቲ̇ን ጌማ ባዛን ጋልዳ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ፊርዳዝ ቃሚ̇ንባራ።
ዪንታ̇ብ ሼምፓ ማ̈ቂ̇ኖ ክርስቶ̈ሲ ቦንችባራ ቤንታ̇ምባራ ዪንታ̇ሬ ኢባር ዎልኣ ቦንችባራ ቤንቲ̇̈ሬ።
ዪኒፖ ዎሃ ጎዳ ዬሱ̈ሲ ፌ ኖ̈ኒን ጋርታፖ ኬስካ̇ዝ ፌ̈ኒ̇ንባር ኢያ ይሲ̇ዛ̈ዲኬ ቦንችባራ ቤንታ̇ሪ ይሲዛ ዉጫ ና̈ሳ ቤንቲ̇̈ሬ።
ኔ̈ኒ ኦ̈ዝ ባዝ ዎይባራ ፔታ̈ናዳ ፔታ̈ናፖ ሺሻር ቤኣካ̇ይዶራ ዓና̇ ቴ ኔ̈ብ ኢሚ̇ኖ ዞሪን ዎይ ኦ̈ሳ ጋልዳ ፌ̈ሻ̇ምፔ̈ኒ ጾ̈ሳ̇ ቲ̈ን፣ ዬሱ̈ስ ክርስቶ̈ሳ ቲ̈ንኬ ማ ማራ̇ጺንቲ̇ኖ ኪ̈ታንቻ̈ን ቲ̈ን ቴ ኔ̈ቦ ዓዳ̈ራ ጋ̈ሬ።
ዪና̇ ኢ ካንንዳ ኑ̈ና ፋዛ ዬሱ̈ስ ክርስቶ̈ሲ ዬይን ዓት ቤንታ̇ዴ። ኢያሬ ዓይቃ ዎልቂን ይሳ̇ሪ ዎጛላ ጎይባራ ዓይቂ ባዮ̇ ሜና̈ቦ ሼምፓባር ዶኢ ኑ̈ና ቤይሲዴ።
ማ ዪን ባዛን ኢንታ̇ብ ሚ̈ንር ቆፊሳቤ፤ ቃ̈ላ ጎይ ዋጫካ̇ዮዲፌ̈ን ጾ̈ሳ̇ ቲ̈ን ኢንታ ዞራቤ፤ ዪኒ̇ፌ̈ኖ ዋቺ̇ንዳ ሲስኪ̇ዝ ኣሳን ይሳ̇̈ርዶኬ ኣባካር ማ̈ዳ̇ባሴ።
ጎዳ ታ̈ና ኢ̈ታ ባዝ ዎይ ጋልዳፖ ቡ̈ቲሲ̈ሬ፤ ኣፎ ካ̈ቲቲምቦ ታ̈ና ዬል̈ሬ፤ ሜናብ ኢ̈ብ ቦንች ማ̈ቆ̇! ኣሚንኤ።
ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።
ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።
ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።
ዎቲናካሬ ኢንቲ̇ ሼምፓባሮን ጋልዳኬ ዓይቂ̇ኖን ጋልዳ ፊርዳ̇ንዳብ ጊ̈ጊንቲ̇ኖ ኢ̈ቦ ማ̈ልሳ ኢሚ̈̇ሬ።
ዪንቲ ዪኖ̇ ዎቴጌይንዶ ጴቻ ዎይ ኣቂሲዝ ጎዳ ዬ̈ዚምባራ ሜናብ ዶኢዝ ቦ̈ንች ኣኪሊላ ዪንቲ̇ ኤኪ̇̈ሬ።
ዪኒ̇ ጎይባራ ሜናብ ዶኣዝ ኑ ጎዳ̈ዲኬ ኑ ጋ̈ላ̇ ዬሱ̈ስ ክርስ̇ቶ̈ሳ ካ̈ቲቲን ጋርታ ጌላንዳቦ ኩም ሲልጣ̈ና ዪንታ̇ብ ኢሚንቲ̇̈ሬ።
ኣፋፖ “ቴ ኢባር ኡፋይቲዛ ቴ ካዝ ናኣ ዓ̈ዳ!” ጌይዝ ጊርሲ ኢ̈ብ ዬይኖምባራ ኢ ጾ̈ሳ̇ ባ̈ባ̈ ጋልዳፖ ቦንችኬ ጴቺቲ ዲጚኔ።
ዪዚ ታ ና̈ኣን! ዪንቲ ክርስቶ̈ሲ ዬ̈ዚምባ̈ራ ኢ ቲ̈ን ዬልቃካ̇ዮ̈ዲፌ̈ንኬ ኢ̈ች ቤዪ ኢያ ቤቃ̇ምፔ̈ኒ ኢባራ ዶኢብቴ።
ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።