1 ጢማ̈ 3:3 - ኦራ ጫ̈ቃ ማጻ̈ፋ

³ ማሲቲባ̈ሶ ኣሲ፣ ዋች ዶሲባ̈ሶ ኣሲ፣ ኣሽክ ማ̈ቂ̇ኖ ኣሲ፣ ኣሳባር ጎይሊባ̈ሶ ኣሲ፣ ሚ̈ሽ ካባ̈ሶ ኣሲ፣

1 ጢማ̈ 3:3 Iomraidhean Croise

ማ̈ቶ̈ሳ 21:13

ማ ኢንታ̇ኮ “ ‘ቴ ኬ̈ዲ ዎ̈ሳ ዎ̈ሲ̇ዝ ኬ̈ ጌዪንቲ̈ሬ’ ጌዪ ጻፊንቲንዶኒ ዪንቲ̇ ኢዞ ሶላ ባዪዝ ጋዊ ማሂዴ” ጌይዴ።

ሃዋ̈ራታን ኦ̈ሳ 20:33

ታ̈ኒ ኦ ቢራካሬ ዎርቃር ማ̈ቂ̇ን ዎይ ኣፊላር ማ̈ቂ̇ን ኢኒ̇ታካ̇ዬ።

ሮሜ 16:18

ዪንፌ̈ኖ ኣሳን ፌ̈ብ ማ̈ቂ̇ዝ ባዛብ ኦ̈ርዶኬ ኑ ጎዳ ዬሱ̈ስ ክርስቶ̈ሳብ ኦ̈ባ̈ሴ። ኖ̈ናባር ማጺና ማ̈ቃ̇ር ኣባክ ኤሪባ̈ሶ ኣሳን ቡ̈ዲን ባሊ̈ሬ።

ኤፍ 5:18

ዪንታ̇ ይሲዝ ጎይ ቲ̈ኒዛኮታ̇ቦ ዎይና ጃ ኡሽኪ ማሲታፒ̇ቴ ዪኖ ዎታናፖ̇ ጌ̈ሻ̇ ኣያ̇ናባር ኩሚብቴ።

1 ታሳ 5:14

ቴ ኢሺንታን! “ቦዝ ኣሳን ጎይሊብቴ፤ ኢ̈ጪ̇ዝ ኣሳን ሚ̈ንብቴ፤ ዳ̈ቡሪኖ ኣሳን ማ̈ዲ̇ብቴ፤ ኣስ ዎይባራ ዳንዳኣባር ዬብቴ” ጌዪ ኑ ዪንታ̇ ዞሪ̈ሬ።

1 ጢማ̈ 3:8

ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።

2 ጢማ̈ 3:2

ኣሳን ፌ̈ናሙታ ካዛን፣ ሚ̈ሻ̇ቦ ጋንዲ̇ዛን፣ ፌ ባዝ ኬርፊዛን፣ ኦቲርቂ̇ዛን፣ ኣስ ቆ̈ዛን፣ ፌ̈ና ዬሊኖንቦ ኪ̈ቲንቲ̇ባ̈ሶን፣ ኣሲ ኢንታ̇ብ ኮሽ ኦ̈ኖምቦ ጾ̈ሲ ኢሞ̇ ጋ̈ባሶን፣ ጌ̈ሺቲ ባዮ̇ን፣

ቲ̈ታ̇ 1:11

ኢንቲ ማቃባር ኣባክ ዲጛንዳብ ኮያሪ ታማ̈ርሳንዳቦ ኮሺባ̈ሶ ቲሚርታ ታማ̈ርሲሙታ̇ ፌ ኣ̈ላባር ኮሽ̇ ዎ ኣሳን ኢ̈ሲ̇ዛኮታ̇ቦ ዪንፌ̈ኖ ኣሳን ዪ̈ዲፌ̈ኖ ባዝ ሶ̈ላካ̇ይፌ̈ኒ ኢንታ̇ ካያንዳ̇ብ ኮሺ̈̇ሬ።

ቲ̈ታ̇ 1:7

ዎ̈ሳ ኬ ቲ̈ኒዝ ጪጛሺ ጾ̈ሳ̇ ኦ̈ሲን ኦ̈ንዳቦ ዓዳ̇ራ ኤኪ̇ኖ ኣስ ማ̈ቂ̇ኖኮታ̇ቦ ኣሲ ኢያ ጌስቲ̇ዝ ኣስ ማ̈ቃ̇ንዳቦ ኮሺ̇ባ̈ሴ፤ ማ ኦትርቂ̇ባሶ ኣሲ፥ ኤሊ̇ር ጎይሊባ̈ሶ ኣሲ፥ ማሲቲባ̈ሶ ኣሲ፥ ዋጪባ̈ሶ ኣሲ፥ ቢራብ ጋንዲ̇ባ̈ሶ ማ̈ቃ̇ንዳብ ኮሺ̇̈ሬ።

ቲ̈ታ̇ 2:3

ዪና̇ ኢዝፌ̈ን ዶምዚኖ ማጫ̇ን ኮሽ̇ ጻባያባሮ ኣስ ማ̈ቃ̇ምፔ̈ንዶኬ ኣስ ጌስቲ̇ዝ ኣስኬ ኡሽ̇ ካዝ ኣስ ማ̈ቃካ̇ይፌ̈ንኬ ኮሽ̇ ማ̈ቂ̇ኖ ቲሚርቲ̇ን ታማ̈ርሲዝ ኣስ ማ̈ቃ̇ምፔ̈ኒ ኢንታ ዞራቤ።

ቲ̈ታ̇ 3:2

ማ ኦ ጋልዳካሬ ኢ̈ታባዝ ሶ̈ላካ̇ዮ̈ዲፌ̈ኒ፣ ኣሳባር ሳሪቲባርኬ ኣሽኪቲባራ ዶኣምፔ̈ኒ፣ ኣስ ዎይባራ ፌ̈ና ዪርክ ዎታር ዶኣምፔ̈ኒ ኢንታ ዞራቤ።

ኢብ 13:5

ሚ̈ሽ ካዚን ኣሺ̇ብቴ፤ ዪንታ̇ብ ዎን ጊዳሬ̈፤ ጾ̈ሲ “ውርሳ ቴ ኔ̈ና ቶጛባሴ፤ ውርሳ ቴ ኔ̈ና ኣሻ̇ባሴ” ጌይኔ።

ዓይ 4:1

ዪንታ̇ ጊዳ̇ ዎ̈ ጎይሊንዲኬ̈ ዋቺ̇ን ዎይዲፖ ዬይና? ዪንቲ̇ ኢ̈ት ኦ̈ምፔ̈ን ዪንታ ጋርታ̇ ኦላዝ ኢ̈ት ኢኒ̇ምፖ ባያ?

1 ጴጥ 5:2

ዪንታ̇ቦ ዓዳራባር ኢሚ̇ኖን ጾ̈ሳ̇ ዎርዣ ና̈ጊብቴ፤ ዪንቲ̇ ኢንታ̇ ና̈ጋዚንዳ ዎልቃባር ጊዳካ̇ይዶን ጾ̈ሳ̇ ኮዪዝ ጎይባራ ዶሳባር ማ̈ቆ̇፤ ሚ̈ሻ̇ብ ጋንዲሙታ̇ ጊዳካ̇ይዶን ኦ̈ሲምቦ ጋ̈ሪ ኦ̈ብቴ።

2 ጴጥ 2:3

ዪን ማቃ ኣስታማ̈ራን ሚ̈ሻ̇ቦ ጋንዲ̇ዛኮታ̇ቦ ፌ ጋልዳፖ ኬሲ̇ኖ ማቃ ሶ̈ላ ሶ̈ሊሙታ̇ ዪንታ̇ባዝ ቡሪ̈ሬ፤ ዎይሊን ላይፖ ቲ̈ን ኢንታ̇ብ ፊርዳ ጊ̈ጊኔ፤ ዪ ኢንታ ና̈ጊኔ።

ዪሁ 1:11

ኢንቲ̇ ቃ̈ዬ̈ሊ ዎቲኖንዲፌ̈ኒ ዎቲኖኮታ̇ቦ፥ ሚ̈ሻ̇ቦ ጋንዳ̇ሪ ባ̈ላ̈ሚ ባሊቲ̇ኖንዲፌ̈ኒ ባሊቲ̇ኖኮታ̇ቦ፤ ና̈ሳ ቆ̈ሪ ዉጪታር ዪኖንዲፌ̈ኒ ኢንታ̇ር ዪኖኮታ̇ቦ ኢንታ̇ባዚ ኣዬ̇!

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤