Usea 8:7 - Fanawbuid tagsibaliwas Fakayabian

⁷ Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Usea 8:7 Iomraidhean Croise

Fakasigadan 41:23

Ay fitu yangayk raug yud e bilug ansure sanya ginan yay fia fag bilugan. Sik masugba fag tagmara siginans fakamenitan nafaitut kafag fituk raug.

2 Fun 15:19

Gina Tiglat-Pileser, Asirya at fun, nalao laman namawayan Israel, Menakem nafon anya tuluk safulu e limak fabudbungguan salapi laman kasadi sa anya ay kaaksvn nu gfunan sis Israel.

2 Fun 15:29

Gina Peka gfunan, Asirya at fun Tiglat-Pileser nasakbo sas Israel ay kanya naago ngay furuan Iyun, Abel-Bet-Maaka, Anuak, Kedes ay Kasur, ay kanya naago yangay Gilyad, Galilea ay fagdaul talun Naftali. Ay nataban sas Asirya fagayu tagbanwan sanya fag ngay furuan.

Ub 4:8

Sa ku nalag ay ku nasaful, ngay taw tagfakamulun at mauri, kanya ban fagayu umfaurianan.

Fangatulun 22:8

At nafasigad fagmauriun umfaurianan, ay karagang wan nu gfauri at ngay iba.

Takamoyung 5:16

Ay katatuy ya at mauri nu kamatang gina tam kasalug wa tam e buba, ay anggan ban gina tam kabul wa tam yangay e buba. Nu katanya, nataw ya ban famangsi tam nainlufuyan? Wa ban e masuad takatanya kata way nu gfafalo tam tagmara.

Isayas 17:11

at natugbung oma ay at nasariksik gina am gtanum fag menit, wam e faggutluun, abat ngate, nangidapan way ban am sat yud kafia fag anini.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Eremyas 12:13

Ku ngay taw natanum trigu, dewa katanya, at faggutluun ban dugi way. Ay kanya fagayu maksvn nu gfakamulun dewa katanya, wa ban e nagbulan. Kanya ban fagayu gumutlu fakaplaun aroro sa ku dotama at maksvn.”

Takabalu 5:2

Tibak talun at taw nagbilug em ngay daga, ay em ngay bale.

Usea 2:9

Nu katanya, gina ban fanggutluan gbul kyay ku nafon fag ngay rawvg ay fag fanlangu. Ay gbul kyangay ban ku nafon fag ngay lanbung at mawatan siginans tupa at sigyu, ay at masine fag ramit laman fantabun at fagmalulasanun.

Usea 7:9

Tibak talun we fagmabitsugun ya, dewa katanya, wa kasalag ya. Ay kata yangay sik taw at nangae ubanun, dewa katanya, wa kasalag ya.

Usea 9:16

Kanya fagayu kata sik tanum at kin-gong at lalid ay nu katanya, wa grawvg ya. Ay dewa ban gfafion, gfabul au at ngay fakesugun fag ngay sisian.”

Naum 1:3

Yawi di vtv gfangadotama, dewa katanya, mabalyanan tua, ay gfaurianan fagayu tagfakamulun mauri. Ay nu nadalan, kata sik tagridribudan fag tagmara ay at maksvn fag fulug. Ay linyabu kata lukbu nu kanus sit darafa.

Agay 1:6

Ngayu oma ay natanum, dewa katanya, alay way ay gutluan. E fakonun oma am, dewa katanya, wa kasakan. E fanginum oma am, dewa katanya, kadanum yayam. E lanbung oma am, dewa katanya, karios yayam. E bulan oma am, dewa katanya, kamin way vtv.

Galasya 6:7

Lag am kamuag, aroro Dius di gadayan. Nusnga setaw sik taw at natanum, katanya yangay ban at faggutluun.

Galasya 6:8

Ay nusnga sinu fag taw at fagugatanun gtanum nu sa way at bilug at fakaylatun, umdasug ban sas faurianan. Dewa katanya, tagugatan tua gtanum sabaliwa at Masine fag Falad, kanya ban gumutlu leleg at yud e fakatabuan siginan at Masine fag Falad.

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.