Usea 4:6 - Fanawbuid tagsibaliwas Fakayabian

⁶ Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 4:6 Iomraidhean Croise

2 Krunika 15:3

Ngaduge wan ngay taw Israel nu gbanwan nu yud si anya at matuyan fag Dius, ay nu yud e ngay tagfon fanggalangun tagfoyung anya fagayu, ay nu yud e fagaloan suguan.

Ub 36:12

Ay kanya fagayu nu dway gfaning, umbul ban yud e fagsafulun.

Alubad. 119:139

Maksvn nu kadotama au, aroro ku ngay fawayan wa nafaning am ngay longan.

Alubad. 119:153

Damai ku fagidapun ay falangfei angku, aroro kdi nalyam am faugali.

Alubad. 119:61

At mauri fag ngay taw, dewa nasiuk angku, kdi ban kalyam am faugali.

Alubad. 18:27

Ay gfalangfe tuo takamababaun, dewa katanya, gfababa o takamatungudun fag ngay taw.

Fangatulun 10:21

Ngayu tua tagdungugan at matuyan fag taw at aringang, dewa katanya, at yud e fagsafulun umbul, aroro wa gtogdungug.

Fangatulun 19:2

Dewa ngap o mabitsug, nu dway o e fagsafulun we tungkul, ay nu mafangabanganan way o, masakit way nu gsalan o.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 29:12

Ay nu namatap o sa sik taw yud saful gtap, kanya lumong te, “Duan, kwa saful gtap.”

Isayas 3:12

Yawi nalong te, “Ku ngay taw, ay ngay baguama kata way sik ngay sisian gfaidapan ayu. Sik ngay mangena way lang tagfangguna ayu. Ay ay ngay tagfangguna gtaban way ayu sat yud matuyan fag dalan.”

Isayas 45:20

Yawi glong yay te, “Fagayu am at nalagyu siginan tibak talun, afuli ay akbangi sa angku. Ngay taw tagbuba at ngay fagsegan fag ngay kayu we fagsafulun. Kanya gdarangin sat ngay fagsegan at yud mafalangfe anya.

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Esekyel 44:23

Kanya fagayu gfoyung sa ku ngay taw te, inday at matuyan ay at yud matuyan, ay at yud e malong, ay at ke malong.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 2:13

Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Usea 4:14

Dewa katanya, kwa ban gfaurianan ay ngay baguina ay ay nugang fag ngay mangena, dewa nafakamulun takatanya, aroro am fag ngay mangama, nanamataladan yangay am takamatugtug fag ngay mangena, sis fagnansegan fag bale, gina am gfon ngay fanggalangun. Nu katanya, gfaurianan kban ayu aroro wam nasaful at matuyan.

Usea 5:4

Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Usea 6:6

Aroro ku fakaylatun, nu kesug tuam angku, bundi ay ngay fanggalangun. Ku fakaylatun, nu gtoglag am angku gtungud yap tua ay ngay fagirugun fag ngay fanggalangun.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 7:9

Tibak talun we fagmabitsugun ya, dewa katanya, wa kasalag ya. Ay kata yangay sik taw at nangae ubanun, dewa katanya, wa kasalag ya.

Usea 8:1

Uyupi ay ngay budyung laman sik famararang sa ku ngay taw, aroro at ngay fawayan namawayan anya fagayu kasakit sik bio, aroro ku ngay taw wa nafae masuad em nasadian ay wa nafaning ku ngay foyungan.

Usea 8:12

Ngayu ku nafariruk suguan laman at fagnamaningun, dewa katanya, kanya fagayu nu glong, wa sa anya nu gfon au kafag suguan, sa way tibak taw.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Usea 9:17

Usea nalong te, “Ku Dius gaiyan ngay taw Israel aroro wa gfaning anya. Nu katanya, kanya fagayu gsaruayan waban sa tibak talun.

Mateu 1:6

Ese at baguama, fun Dabid, ay fun Dabid at baguama, Sulumun, siginan Uryas at fagbubayun.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

Mateu 15:8

‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.

1 Samwel 2:12

Eli at baguama fagdua mauri ay wa gfaning Yawi.