Usea 10:4 - Fanawbuid tagsibaliwas Fakayabian

⁴ Kanya fagayu garingang way lang, dewa katanya, we fakamulun. Kanya fagayu kamuag nu gfatuyanan, ay dewa e nasadian, wa gfafasludan. Ay nu katanya, at ngay mamalong kata way sik maganga fag makmak tagtugbung sit naali fag daga.

Usea 10:4 Iomraidhean Croise

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Amus 5:7

Afanyuan am! Aroro abat ngate am gfae masuad at fagmatuyanun, gfakamulun wayam at mauri!”

Amus 6:12

O ay nunda sik kabayu manantarung sas wa gang? O ay nunda sik baka maali sanya? Duan! Dewa katanya, nafalingun am ngay taw siginan nu gfawabilugan am, ay wam gfae masuad at matuyan.

Fakamulun 8:23

Aroro nasaful au te, gfangalabian o ay gafagsuguanan fagmauriun.”

Ruma 1:31

ay fagyudun matogdungug, ay takamabo, ay fagyudun kafanyu at iba.

Deuterunumyu 29:18

Tuyani fia te, nusdi sadi si ayu, dewa mangena ay mangama, anggan ay ngay kalongan, ay fagayu ay gaban, di ban kamabo Yawi, ay di ban nanseg tibak talun at ngay fagsegan, laman ban diam umkata sik lalid at menal ay at maganga.

Deuterunumyu 31:16

Ay nalong sas Muisis te, “Munakbang wan nu kabul o ay nu nangalo o am ngay mangaguyang. Nu nbul ban o, ngay taw ban nanseg tibak fagsegan, sa ban at fakadasugan fag talun at ngay fagsegan. Kanya ban fagayu gtalyuyan angku, ay namayud ban e masuad ku nawat fag nasadian laman sa anya fagayu.

Deuterunumyu 31:17

Ginanya ban fag menit, nangauri au ay nangaiyan anya fagayu, ay gtalyuyan kban laman ban kanya fagayu umkamin. Ngayu ban fag faurianan ay fag fagidapun takadasug, ay kanya ban fagayu ginto te, ‘Ay wain? O nunda Yawi wa gufud ya antam at fagindasugun sa antam takatatuy fag ngay fagidapun?’

2 Timuteu 3:3

Ay saman ya takatanya, we fakesugun, ay wa kalyam tibak taw at asalanan sa anya, ay kamuag glong sabaliwa at iba, ay wa saful gfaragang at sadili, ay masakit gfangauri, ay kauri nusnge wain at masine,

Ebreu 12:15

Madiriani tua galay am at sadi laman nusnga sinu si ayu di ban natalyuyan Dius at fagmagalangun. Dirii tua laman ban nusnga sinu am diam kata sik menal fag tanum tagtugbung ay tagfaidapan ay tagfauri ngayuk taw.