Lukas 9:5 - Fanawbuid tagsibaliwas Fakayabian

⁵ Ay nusnga nday fag talun at ngay taw nu dway kaylat ayu, nu glo am sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.”

Lukas 9:5 Iomraidhean Croise

Nemyas 5:13

Ay nafagfag au ku lanbung sa ku fagwan ay nalong au te, “Katatuy yangay ban nangus Dius at fakamulun sa ay bale ay sa ay ngay ramraman nu dway am nafafasludan ay ngay fatuyanan. Dius ban nangus gbul tuy fagayu siginan ayu.” Ay sanya fag ngay taw nabalus te, “Anud,” ay kanya fagayu nafauseganan Yawi. Ay kafag ngay tagfangguna ay ngay fun sirut nafafasludan at fatuyanan.

Mateu 10:18

Ay e tumaban yangay ban ayu sat ngay afud talun at ngay fun ay sat ngay fun, aroro gafanud am sa angku. Ay ginanya ban mafafamoyung am sabaliwa angku sa kafag ngay fun ay sas yud Udyu fag ngay taw.

Markus 6:11

Ay nusnga nday fag talun at ngay taw nu dway kaylat ayu, ay nu dway kaylat gdungugan ayu, nu glo am sanya ginan, fagfagi tagsi ay darafa fag lukbu, laman famasaful te, sanya fag ngay taw wa gfaning.”

Markus 9:37

“Nusnga sinu tua takaylat sik sisian sirut takata tuy fag sisian, aroro kesug angku, kaylat yangay angku, ay nusnga sinu takaylat angku, bundi lang angku at fakaylatun, nu bunway anggan tua at nasugu angku.”

Lukas 10:16

“Nusnga sinu tagdungugan ayu, gdungugan yangay angku. Ay nusnga sinu takauri gdungugan ayu, kauri yangay gdungugan angku. Ay nusnga sinu takauri angku, kauri way anggan at nasugu angku.”

Lukas 5:14

Ay Isus maksvn nu glong anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Lukas 9:4

Ay nusnga nday fag bale nu gsakbo am, banwani yap sanya yakmay am nalo sanya ginan fag furuan.

Lukas 9:48

Ay Isus glong sat ngay tagadal te, “Nusnga sinu tua takaylat tuy fag sisian sirut aroro kesug angku, kaylat yangay angku, ay nusnga sinu takaylat angku, kaylat anggan at nasugu angku, aroro nusnga sinu si ayu tiba daga katsi, kanya tua ban tiba tungud.”

Fakamulun 13:51

Nu katanya, duama nafafagfag lukbu siginan at ngay darafa famasaful sanya fag ngay taw te, kanya fagayu wa gfaning. Sanya ginan, duama nalao wan sas furuan Ikunyu.

Fakamulun 18:6

Dewa katanya, ngay taw Udyu wa naylat Pablu at foyungan abat ngate nafalingun way, nu katanya, Pablu nafagfag at lanbung sik fakatoglagan te, kafag ngay taw mauri. Sanya ginan, kanya nalong sa anya fagayu te, “Ay kakurangan yay ban, nu nfaurianan ban am. Ay siginan ban katsi nu nanfamoyung au, sa ways yud Udyu fag ngay taw.”