Lukas 8:1 - Fanawbuid tagsibaliwas Fakayabian

¹ Sanya ginan, ay Isus nalo yangay sa sangay furuan ayu daul ay sa sangay furuan ayu sirut, laman nanfamoyung at Masine fag Barita sabaliwas Dius nu gfagtainan. Ay at labi dua galo anya,

Lukas 8:1 Iomraidhean Croise

Mateu 11:1

Ay Isus nu ntabu wan nu gfoyung sat tagadal fag labi dua, kanya nalo sanya ginan laman namoyung sat dayu fag ngay furuan.

Mateu 13:19

Nusnga sinu at nadungug foyungan sabaliwa Dius nu gfagtainan ay nu dway nasaful at masuad, Satanas umdasug ay namul kafag taw at nadungug fag longan, kata kafag bvtang at kintong sasad dalan.

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Mateu 9:35

Ay Isus nalo sa sangay furuan ayu daul ay sa sangay furuan ayu sirut, laman namoyung sanya fag ngay bale fakafulan at masine fag barita sabaliwas Dius nu gfagtainan. Ay Isus nafafia fagayu taw nusnge wain at fakasaitun.

Markus 1:39

Ay Isus gdalanan fagdaul furuan Galilea ay gfoyung sa sangay taw Udyu sa sangay bale fakafulan, ay gaiyan at mauri fag ngay falad.

Lukas 1:80

Ay kafag sisian an-gurang wan ay anbitsug at amatanganan, ay kanya nanamanwan sas talun at yud e taw yakmay namoyung wan sa sangay taw Israel.

Lukas 20:1

Sik menit kaduge Isus gfoyung at Masine fag Barita sa sangay taw sis Dius at bale, ngay fun tagfon fanggalangun ay ngay tagfoyung Muisis at Faugali ay anggan ngay fagtainan nanangakbang sa anya.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Lukas 9:6

Ay at ngay tagadal nalo ay nadalan sa sangay furuan ay nafoyung at Masine fag Barita, ay nafafia ngay taw at fakasaitun, sas fagayu at fakadasugan.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 13:32

“Ay katsi ste ami laman namoyung sa ayu at Masine fag Barita, Dius at nafatuyanan sa tam ngay mangaguyang.

Ruma 10:15

Ay tain ro nu mananfamoyung nusnga sinu fag taw nu dway e gsugu anya? Kata at Rirukan te, “At kasine sik taw at darafa nu nalo laman namoyung at Masine fag Barita.”