Lukas 7:16 - Fanawbuid tagsibaliwas Fakayabian

¹⁶ Ay fagayu taw kalimu ay naseg Dius te, “Sik mabalyanan fag taglong andasug sa antam. Dius andasug sat ngay taw.”

Lukas 7:16 Iomraidhean Croise

Alubad. 65:9

Galaga o ay gfarugme daga laman umke ngay fananumun. Em Dius, gfae familugan o gugat ngay liskung. Nu katanya, ngay taw kae gutluan tua. Kanya fag ngay buknga am nafalganan wan.

Nu Galin 4:31

Ay kanya fagayu nafanud. Ay nu nasaful te, Yawi kafanyu tua anya fagayu, ay nalag at fagidapun, namalub ay naseg Yawi.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Mateu 15:31

Ay kafag ngay taw andulo nu nalag te, at yud maringang, garingang wan, ay at yud mafalelegan at take ay at bitis anfia wan, ay at yud malo, malo wan, ay at yud glag, glag wan. Ay kafag ngay taw naseg taw Israel at Dius.

Mateu 21:11

Ay tibak taw nabalus te, “Kanya Isus, Dius at taglong tagsiginans furuan Nasaret sis talun Galilea.”

Mateu 28:8

Ay kanya fag duena nalo masakit siginans fagfolian, ay nafasaful at nalag sa sangay tagadal. Ay dewa kalimu, guseganan daul.

Mateu 9:8

Ay kafag ngay taw nu nalag, andulo daul, ay gseg Dius aroro kanya nafon fagmabalyananun sas taw.

Lukas 1:65

Fagayu at fasabale andulo maksvn. Ay fagayu taw sis talun buid Udea gfoyung at nadungug.

Lukas 1:68

“Segi tam Fun, taw Israel at Dius, aroro kanya andasug laman namalangfe at ngay taw.

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”

Lukas 2:20

Ay kafag ngay tagalaga noli wan ay maksvn nu gseg Dius, aroro sat nadungug ay at nalag, kata kafag tagbarita at nalong.

Lukas 24:19

Ay Isus nainto te, “Ay nataw nunda at kinfasludan?” Duama nabalus Isus te, “At kinfasludan sabaliwas Isus fag taw Nasaret. Kanya sik taglong at mabalyanan sas Dius ay sa sangay taw at daga salubangan. Ay at fakamulun wan at mabalyanan ay at foyungan tagfatuyan.

Lukas 5:26

Ay fagayu taw andulo ay gseg Dius ay glong te, “Katsi, nalag ami at ngay madulo.”

Lukas 5:8

Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.”

Lukas 7:15

Ay kafag baguama at mabulan anbangkad ay naringang. Ay Isus nafon sat mina.

Lukas 7:39

Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Lukas 8:37

Ay fagayu taw siginans furuan Gerasa, ay siginan at ngay tagligung fag talun, get sas Isus te, “Anin ngatu, loi wan ste ginan,” aroro kanya fagayu garinun kalimu. Nu katanya, Isus nasakay sas sakayan lino ay noli wan.

Lukas 9:19

Ay at ngay tagadal nabalus te, “Tibak taw glong te, o wan Uan Tagfasurung, ay tiba glong te, o wan Dius at taglong Elyas, ay tiba glong te, o wan at sadi Dius at taglong at nadog yay naleleg.”

Uan 1:21

Ay kafag ngay taw nadog yay nainto sas Uan te, “Nu katanya, sinu way o? O o wan Elyas?” Ay Uan nabalus te, “Duan.” Ay kafag ngay taw nadog yay fia nainto te, “O o wan em fagfanyaun fag taglong takadasug ban?” Uan nabalus te, “Duan.”

Uan 1:25

nainto sas Uan te, “Wain am fagfasurungun, ay bunwa o Dius at nafili fag Fun, ay Elyas, ay Dius at nafatuyanan takadasug ban fag taglong?”

Uan 4:19

Kanya fag mangena glong te, “Fagmangama, nu kamatangan, Dius o at taglong at sadi.

Uan 6:14

Ay kafag ngay taw nu nalag Isus at madulo fag fakamulun, nalong te, “Matuyan tuy wa ngaro fia at fatuyanan fag taglong takadasug ban ste swa daga.”

Uan 9:17

Nu katanya, kafag ngay taw gdog yay ginto sat yud dan glag te, “Ay nu sa emu, tain am longan sabaliwa anya, dakngani kanya nafafia am mata?” Kanya gbalus te, “Kanya Dius at taglong.”

Fakamulun 5:5

Ay Ananias nu nadungug, antaygilid way lang ay anbul wan. Ay fagayu taw nu nadungug at kinfasludan, maksvn nu kalimu.

Fakamulun 7:37

“Muisis yay fia at nalong sa sangay taw Israel te, ‘Dius ban gfili sik taglong kata angku siginan ay ngay kasugfunanan.’

Galasya 1:24

Nu katanya, kanya fagayu maksvn nu gseg Dius aroro sat kinfasludan sa angku.

Deuterunumyu 18:15

Ay Dius Yawi nanfili sik taglong kata angku laman sa ayu, siginan ay kaiban fag ngay taw Israel; dungugani ban anya.