Lukas 5:12 - Fanawbuid tagsibaliwas Fakayabian

¹² Gina Isus si sik furuan, sik taw tagabangbang andasug. Ay kanya nu nalag Isus, namalub, ay get te, “Ku Fun, nu kaylat o, fafiai angku laman masine kwan.”

Lukas 5:12 Iomraidhean Croise

Fakasigadan 18:14

O nunda Yawi e fagyudun mafakamulun? Kata ku longan te, kafoli kyay ban stie sat fadogan fag banwa, kata katsi fag buknga, ay Sara namasalug ban sik munama.”

1 Fun 18:39

Ay fagayu taw nu nalag, namalub ay glong te, “Yawi wan Dius! Yawi wan Dius!”

2 Fun 5:1

Talun Aram at fun gsuyu Naaman fag fun tagfawayan, aroro Yawi nagbilug Naaman laman gfababo ngay taw Aram. Kanya sik maseganama fag tagfawayan, dewa katanya, kanya gabangbang.

2 Fun 5:27

Nu katanya, aroro nafakamulun takatanya, Naaman ro at bangbang umtayuk sa emu, anggan ban sa am ngay kasugfunanan kabavn.” Ay Gekasi nu nalao, kanya anke bangbang ay at balat anlaksi.

2 Fun 7:3

Ay e ufatk taw ke bangbang malunggung sis sakbawan furuan, gkamatoan te, “Wain tam fagmalunggungun lang ste nangabul?

1 Krunika 21:16

Ay Dabid natangda ay nalag Yawi at tagbarita nu malindug sis kiwang sis wabilug banwa ay daga. Ay kanya fag tagbarita e bitbitan fiso ay gfatiuan sas Erusalem. Nu katanya, Dabid ay at ngay fagtainan nasulun saku ay natudan laman gfalag te, kabalu.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Nu Galin 4:6

Yawi nalong yangay sas Muisis te, “Fasai am basad lanbung am daluap. Ay Muisis nafaning, ay kanya nu nafasure at daluap, anlaksi aroro antayuk sik maksvn fag fakasaitun sit balat.”

Lebitiku 13:16

Ay kanya fag taw at ngay bangbang nu nfia tua, kanya masine nu nangakbang sa tagfon fanggalangun laman namainsaful.

Mateu 26:6

Ay Isus sis furuan Betanya, sis Simun at bale. Simun ebi ataw gabangbang.

Mateu 9:28

Ay Isus nu nasakbo sa sik bale, anggan kanya fag duama at yud glag ankakbang sa anya. Ay Isus nainto anya te, “O gafanud tuam te, mafafakamulun au tuy?” Ay kafag duama nabalus Isus te, “Sabv em Fun.”

Markus 5:23

ay maksvn nu gfainfanyuan glong te, “Ku baguina gakabulun. Wainyayo, aloi angku, ay fatayuki am daluap sa anya, laman umfia yay ro ay gleleg yay.”

Lukas 17:16

Ay kanya namalub sas Isus at daga salubangan ay gseg anya. Kafag taw siginans talun Samarya.

Lukas 5:13

Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv, kafag taw at bangbang anfia wan.

Deuterunumyu 24:8

Nu saman baliwas bangbang, faningi fia ngay taw Lebi at ngay suguan at fafakamulun sa ayu. Faningi fia ku ngay suguan ku nalong sa anya fagayu.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

Uswe 5:14

Kafag mangama gbalus te, “Duan. Andasug au laman tagfangguna Yawi at ngay tagfawayan.” Ay Uswe namalub sas daga laman kamababaun sa anya ay nainto te, “Ku Fun, nataw am longan sa angku, am fagsuguan?”