Lukas 4:41 - Fanawbuid tagsibaliwas Fakayabian

⁴¹ Ay Isus naiyan yangay at mauri fag ngay falad siginan ngayuk taw. Ay kafag ngay falad gina gduksun, guro sas Isus te, “O wan Dius at Baguama!” Dewa katanya, Isus nasalag laman wa garingang, aroro kafag ngay falad saful te, Isus, Dius at nafili fag Fun.

Lukas 4:41 Iomraidhean Croise

Mateu 26:63

Ay Isus wa garingang. Ay tiba tungud fag tagfon fanggalangun nalong yangay sas Isus te, “Balusi emi sa tagleleg fag Dius at daga salubangan, o o wan Dius at nafili fag Fun, Dius at Baguama?”

Mateu 4:3

Ay Tagfaskud andasug wan ay glong sas Isus te, “Nu Dius tuo at Baguama, longi stae fag ngay gang te, Akawati sik fakonun.”

Mateu 8:16

Ay nu gakayabiun wan, e nanantabanan sa anya ngay taw at ke mauri fag falad. Ay siginan way sik aringang Isus naiyan kafag ngay mauri fag falad sanya ginan fag ngay taw, ay nafafia at ke ngay fakasaitun.

Mateu 8:29

Ay kanya fag duak taw nauro te, “Nataw am fagyafakamulunun ro sa emi, o Dius at Baguama? O am fagnastieun namaidapan o emi, dewa yud yay andasug nu gfaurianan fag menit?”

Mateu 8:4

Ay Isus nalong dayvm anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Markus 1:25

Ay Isus maksvn nu gsalag te, “Lag garingang. Ubuni wan kanya fag taw.”

Markus 1:32

Nu gakayabiun wan, ngay taw nanamuba sas Isus at ke ngay fakasaitun ay at ke mauri fag falad.

Markus 1:34

Ay Isus nafafia ngayuk taw, nusnga setaw fag fakasaitun ay naiyan ngayuk mauri fag falad. Isus gsalag kafag ngay mauri fag falad nu garingang, aroro toglag anya.

Markus 3:11

Ay at mauri fag ngay falad nu nalag Isus, namalub sit daga salubangan ay guro te, “O wan Dius at Baguama.”

Lukas 4:39

Ay Isus ankakbang sanya fag mangena at day tigyangan ay nalong te, “Afiai,” ay anfia wan. Ay arodi vtv kanya fag mangena nlindug ay nafalganan sik fakonun laman sas Isus ay at ngay ufud.

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Santiagu 2:19

Gafanud o te, sadi way tam Dius. Matuyan. Anggan ngay bara gafanud yangay ay maksvn nu gtadtaruyan kalimu.