Lukas 4:18 - Fanawbuid tagsibaliwas Fakayabian

¹⁸ “Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Lukas 4:18 Iomraidhean Croise

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

2 Krunika 34:27

Nadungug au am darangin ay nu kamababaun o sa ku daga salubangan, gina o nadungug ku longan sabaliwa tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

Alubad. 102:20

laman gdungugan at maubungan fag ngay taw nu guro aroro gidapan, ay laman namalfas at maubungan at fagnamabulun wan.

Alubad. 147:3

Kanya ban gfasun fagayu takabalu. Ay gsifig ngay taw at bangbang laman gfafia.

Alubad. 2:2

Ngay fun ay ngay tagfangguna anful ay gkamatoan laman gfalganan namawayan Yawi ay at nafili fag fun.

Alubad. 2:6

Ay Dius nalong te, “Nafalunggung kwan ku nafili fag fun sat yud e malong fag Buksul Siun.”

Alubad. 34:18

Yawi munakbang tua sa sangay taw at kinmomuy at amatanganan, ay gfalangfe tua at yud e fagsegun ya.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 51:17

At matuyan fag fanggalangun laman sa emu, sik amatanganan takamababaun. Ay di o gaiyan am nafauri fag taw at naubun tua at ngay asalanan.

Isayas 32:3

Ay fagayu ban taw grvbvy Dius ay gdungugan anya.

Isayas 35:5

Ay nu nfasludan ban katanya, sik taw at yud glag, glag tua ban, ay at yud gdungug, gdungug tua ban.

Isayas 42:7

laman at yud glag, glag tua, ay namalfas at ngay maubungan siginans fagmadulumun.

Isayas 45:13

Au at nafili Sirus laman namafasludan ku ngay algan at masine. Ay namafasludan au nusnga setaw at balyawvtan. Ay kanya ban gdog yay nangawat ku furuan, ay namalfas ban ku ngay taw at natabanan sa tibak talun. Kanya ban namakamulun takatanya dewa yud e famayad. Au Yawi at Mabalyanan at nalong takatanya.”

Isayas 49:9

Foyungi ban sat ngay natabanan fag ngay taw Israel, ay sat kinkubung sasad madulum te, ‘Duksuni wan! Nalfas wam!’ Ay kanya ban kata sik ngay tupa tagfangonan sa sangaba dalan, ay sa sangay buksul ebi at yud e gtugbung.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 59:21

“Ay katatuy ku nasadian sa ayu: wa ban kalyam ku Falad tagbanwan si ayu, ay anggan ku nafoyung ayu fag ngay longan. Ay foyungi kanya fag ngay longan sa ay ngay sisian, ay katanya yangay sat daga vtv fag ngay gaban ay anggan sat ngay kasugfunanan kabavn. Au, Yawi, taglong tuy.”

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Esekyel 9:4

ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Sefanias 3:12

Dewa katanya, ku fagfasawadun ban fag ngay taw sis Erusalem takamababaun way lang ay at yud e kwa, ay kanya ban fagayu get gubuk sa angku.

Sakaryas 11:11

Ay ginanya fag menit Yawi nafayud e masuad at nasadian. Tagfalao ngay tupa tagdama angku nasaful te, Yawi nafae masuad ku ngay nafakamulun takatanya.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 11:5

Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Mateu 12:18

“Tuy wan ku fagsuguan, ku filian ay ku fakesugun, guseganan au anya. Namon au anya ku Falad, laman ban kanya namoyung sas sangay talun at ngay taw te, Katsi Dius matuyan namagtainan ayu.

Mateu 12:20

ay dewa e sik sigbo malukyukan, di ban ggatvng. Ay dewa sik salung gakarabungun, di ban gfarabung. Ay kanya ban gfataglayun nu gfakamulun yakmay ban nafae fagmatuyanun.

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Lukas 4:17

Ay tagalaga nafon sas Isus, Isayas at nariruk fag fagtapan. Ay Isus nalugde, ay nu nalag at fagrvbvyun fag afud, kanya natap. Katatuy at nalong:

Lukas 6:20

Isus nadama at ngay tagadal ay nalong te, “Mauseganan tuam, am fag ngay taw at yud e kwa, aroro Dius gfagtainan ayu.

Lukas 7:22

Ay Isus gbalus Uan at ngay tagadal te, “Loi wan ay foyungi sas Uan ay nadungug ay ay nalag. Ngay taw yud glag ebi, katsi glag tua, ay ngay yud malao, katsi malao tua, ay ngay tagabangbang katsi anfia tua, ay ngay yud gdungug, katsi gdungug tua, ay ngay kinbul nadog tua naleleg, ay ngay yud e kwa, katsi e nafadungug tua at Masine fag Barita sa anya fagayu.

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 12:46

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Fakamulun 4:26

Ngay fun sas fagdaul daga ay anggan ngay tagfangguna maful laman gfalganan namawayan em Fun, am nafili.’

Fakamulun 4:27

Nu katanya, Erudes ay Pilatu ay at yud Udyu fag ngay taw ay ngay taw Israel ansadi laman namawayan am fagsuguan Isus, am nafili fag Fun.

Kulusas 1:13

Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.