Lukas 15:4 - Fanawbuid tagsibaliwas Fakayabian

⁴ “Nu sik sandan ay tupa, ay nu nalyam at sadi, gubun yayam at siamk safulu e siam sis talun laman nanrvbvy am at nalyam.

Lukas 15:4 Iomraidhean Croise

Alubad. 119:176

Kata au sik tupa at nalyam yud nasaful dalan, nu katanya, rvbvyi angku am fagsuguan, aroro dakdi nalyam am ngay suguan.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Eremyas 33:13

Ay umkayu ban ngay fagbaugun tagsi sangay buksul fag ngay furuan, sis fakayabian fag ngay fun buksul, sis talun Negeb, sis taw Benamin at daga, si sangay furuan tagsis ligung Erusalem, ay sis Uda fag ngay furuan. Au, Yawi, taglong tuy.”

Eremyas 50:6

“Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Esekyel 34:31

“Am wan ku ngay taw takata sik tupa tagsi ku fagfafangonan, ay au wan ay Dius. Au, Fun Dius Yawi taglong tuy.”

Esekyel 34:4

Wam gfabitsug ya at ngay mamomuy, ay wam gfafia ya at ngay ke ngay fakasaitun ay wam gtustus ya at ngay tagtiklay, ay wam nanrvbvy ya at nalyam. Nu bunway gfauri wayam anya.

Esekyel 34:8

Au, Fun Dius Yawi gfatuyanan au te, kafanud nu gleleg au, tagsis talun fag ngay mangilafang nasakbo ay naon ku ngay tupa aroro wam naulit, ay wam narvbvy anya ay ay naalaga ay ngay sadili way.

Mateu 12:11

Ay Isus nabalus sanya fag ngay taw te, “O nunda wam namul ya ay tupa nu ntong sasad lusung gina Famiangalay fag Menit?

Lukas 13:15

Ay tam Fun nabalus te, “Am fag ngay takamaningan, fagayu am gluas way am ay baka ay ay kabayu siginans fagfangonan, dewa sis Famiangalay fag Menit, laman nantaban sas fagfainuman, o kin.

Lukas 15:3

Ay Isus nafoyung sik faydayuanan te,

Lukas 19:10

Aroro au, Taw at Baguama, ku fagindasugun, laman nanrvbvy au ay namalangfe fagayu at nalyam.”

Ruma 2:1

Ay anggan o, wo yangay e fanlonganan ya, o fag taw taglong te, am iba gfakamulun at mauri. Aroro anggan o nu gfakamulun wayo takatanya, gfaurianan way o am sadili. Aroro nu nalong o te, am iba gfakamulun at mauri, gfakamulun yangay o takatanya.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.