Kịẹnḅịpị Ma 5:3 - Kịrịkẹnị Baịbụl

³ Mịna fịafịakapụ mamgba ómine ini sin sikima mịẹse ini ó pike sime nyọ mị pụlama-ẹka ọkụ, anị àrị ị̀ya tomonima ogboku anga àrị nyọ mị.”

Kịẹnḅịpị Ma 5:3 Iomraidhean Croise

Fịafịa Nime 68:18

Ori iwo gele-a nyọma mun aḅẹ, ò kun ikoliapụma na ori na; nyanaḅereni ọ̀ pịrịka apụma ḅara ò ḍiepịrịaye ọkịḅịa. Nyanaḅọ Tamụnọ Ḅe anịnyọ ori angaḅịa.

Pakaso 25:8

Tomonima ini osiḅụ sime ikowarị nama ị̀ pịrịḅịa, mịẹse àrị inia ogboku angaḅịa ọkụ.

Pakaso 29:45

Àrị Izrẹlapụma ogboku sime, se inia Tamụnọ sọḅịa.

Aịzaya 12:6

Ye Zaịyọn ḅie angaḅọ goyegoye oloku ḅieḅẹlẹ nime chu! Izrẹl fịafịa Tamụnọ Ḅe ọ̀ ḍụḅamẹ, ọ̀ pịkị oria tomonima ogboku angamẹ.”

Agbamịẹ Apụ 14:8

Tomoniḅọ ḅe ori oria ḅụchụayema sịkịrị, ọ̀ ḅụ inime mamgba sẹịnsin, se mengi ḅiriḅịa, anịsịkị re mị ọ̀ fịafịasaye-ẹ. Ori ineda so ini pike ịnyọsara sime nyọ mị munḅịa, ọkụma oria ikowarị mị ḅie ọ̀ sọka mun sọnọma ḍin nwọ laḅịa.

Agbamịẹ Apụ 15:31

Nyanaḅọ Ḅe nwọse Moziz ḅe ḅẹmẹ na ori Izrẹlapụma ḅeri jine inia ḅụ fịafịaka mị gbolomaye ḅụ, mịẹse ini ọ̀ tọrụkuḅu sime Ikowarị mị pụlama ẹka ḅara, anị ini pike ịnyọsara sime nyọ mị ogboku simeye mị. Mịẹse ini fị ẹka ḅara, inia ḅụ mịẹ fịafịamaka mị gose.

Kịẹnḅịpị Ma 16:3

Ini ḅo koḅiriamẹ Moziz ḅe na Erọn ḅe na tọrọkọ ḅụ se nwọse ini ḅẹmẹ, “Ó sime laḅiri opuma ḅọlọsam! Bebe sẹ mị mgba sime Nyanaḅọ Ḅe pịrịmẹ, Nyanaḅọ Ḅe pịkị minemgba na omi-ẹ. Nde anịọkụma, Moziz, ị́rị́ gose ị́ ḅụ dekichịẹma Nyanaḅọ Ḅe sẹ mị pịrịarị ọkụ?”

Kịẹnḅịpị Ma 19:22

Fịafịakaḅọ ḅe ḅarase lamaye goyegoye fịafịakẹ, pịkị ḅarase anị lamaḅọ goyegoye nụḅọ fịafịaka ḅụ sime mun sasoḅiri laḅịa.

Kịẹnḅịpị Ma 35:34

Ómine anga amakiri mị ómine anị pụlamama, anịatịḅị ị̀rị̀ anị Nyanaḅọ Ḅe-ẹ, Izrẹlapụma ḅie à pịkị angamẹ.”

Kịẹnḅịpị Ma 5:4

Izrẹlapụma ḅịpịpoki ḅụ ini inimgba depakụmamẹ ini koḅirima sime nyọ mị ḅụ.

Maịnkarama Oloko 23:14

Ó pikesime nyọ mị ọ́ nwọ mịẹfịafịama, anịatịḅị Nyanaḅọ ọ́mịna Tamụnọ Ḅe ori ó mine na omi-ẹ, ọ́ pịkị ó ḍikiḍikiḅịa, se ọ̀ mịẹ sarasarama ọ́ pịrịḅịa ómine ómine na tarakapụma nẹngịmaḅịa. Ọ́ ḅụgbẹịnkaye mịẹma Nyanaḅọ Ḅe ḅofa ó se sarakoroma.

Maịnkarama Oloko 23:15

“Nemikase omoniḅọ ọ̀ nyanaḅọ ḅe anịkanịka ọ̀ nyanaḅọ ma ḅụ mangịso ḅo ị́ ḅara ịnyasọmẹ ḅẹḅẹ, ò de ọ̀ nyanaḅọ ḅe fịrịmama.

2 Tẹsalonịka 3:6

Wa Nyanaḅọ Jizọs Kraịst Ḅe ẹrẹ ḅụ wa tọn ọ́ pịrịaḅẹ mịna mịnapụ, ini nwọ ikula ḍumo kọn-arị apụma ḅụ ọ́ ḅụsin, anị wa se ini pịrị tetema ma ọkị ḍụkụka apụma.

Taịtọs 3:10

Nwọ pua deki ḅoḅo ḅọ ḅe, iderimatẹịntẹịn mama sịkị se ò ḅerijine, se ḅarị ori na jịn mịẹgboloma nyana ma.

Ḍieḅelema Yema 21:27

Fịafịaka gbọrịye sọnị opuama mị ḅie sọ ẹkẹ. Ḅụgereremaye mịẹḅọ na, iruokọnḅọ na sọ anịa ḅie sọ ẹkẹ. Ini Anana Tọkụ Ḅe ḍumo ḍiri mị ḅie ẹrẹ gịẹịn sa apụma kẹngẹ mị opuama mị ḅie sọḅịaye-ẹ.

Ḍieḅelema Yema 21:3

Amanyanaḅọ ngada mị ḅụ ọkwẹịn àrị gele pụkọ à nwọ naamẹ: “Mịọkụ, Tamụnọ Ḅe ò ḅo tomoni na anga-ẹ ḅosam! Ori ini na angaḅịa, anịsịkị ini pịkị oria tomoni sọḅịa. Tamụnọ Ḅe na mịnaḅụ na ori ini na sime se inia Tamụnọ nwọ sọḅịa.