Jọshụa 9:8 - Kịrịkẹnị Baịbụl

⁸ Ini nwọse Jọsụwa ḅe ḅẹmẹ, “Mine ị́ya fịrịnwẹngịapụ-ẹ.” Jọsụwa ḅe nwọse ini gbelamẹ, “Ómine tapụ? Nde anga ó sime ḅo?”

Jọshụa 9:8 Iomraidhean Croise

2 Amanyanapụ 10:5

Anịẹrẹchị amanyanaḅọ warị ḍikiḍikiarị tịḅịnịḅọ ḅe na pịkị opuama mị ḍikiḍikiarị tịḅịnịḅọ ḅe na ama tịḅịdapụ ma na, pịkị amanyanaḅọ furo mị ḍikiḍikiarị apụma na gboloma se mị oku mị seni Jẹhu ḅe sẹịnmamẹ: “Mine ị́ya fịrịnwẹngịapụ-ẹ wa pịkị ḅụ karakaramamẹ ị́rị́ ḍukoye goyegoye nwọ mịẹ. Ọkụma gbọrịḅọ sọnị wa seni amanyanaḅọ mịẹ ẹkẹ; ị́rị́ ị́ ḅụḅẹlẹtẹịn ḅara nwọ mịẹ.”

Maịnkarama Oloko 20:11

Ini nemikase ama mị anịa ḅọkọ ma finji se ḅara dekichịẹmamẹ ḅẹḅẹ, inimgba ini ọ́mịna omoniapụ sọḅịa pịkị ọ́ tọn ini pịrị kụrọ-a fịrịma nwẹngị ọ́ pịrịḅịa.

Jọshụa 10:6

Gibiọn apụma ḅịpị se Jọsụwa ḅe fịrịmamẹ Gilgalị mị ḅie ini ikowarịma pike sime nyọ mị ḅụ, se nwọse ọ̀ ḅẹmẹ: “Mine ị́ya fịrịnwẹngịapụma se sarakoromama! Saramaḅo ḅarachụa wa pịrị se wa ḍụaḅọrọma! Chịngị ma ọgọnọ sime Amọraị apụ mamgba inia owunima ọkịḅo gboloma se owuse wa pakasam!”

Jọshụa 9:11

Mịna ama sẹnịapụma na pịkị mịna sẹ mị ḅie sime apụ mamgba na nwọse wa ḅẹmẹ na wa se ateli nwẹngịḅịa fịaye wa nwọ karakarama se ḅo ómine na ịrịa. Ini nwọse wa ḅẹmẹ na wa mịnaḅụ se ọ́ ḅarachụa pịkị ómine na deinma ḅịpịogbosọ nwọ nyana.

Jọshụa 9:23

Ọ́ mịn mị mịẹye gose, Tamụnọ Ḅe ò worinime se ọ́mịna ọgọnọ gbanasam. Ọ́mịna tomonima ini omoniapụsọ gbasoḅịa, ini chịn pẹlẹ pịkị mengi ḍu ị̀ Tamụnọ Ḅe warị mị pịrịpịrịḅịa.”

Jọshụa 9:25

Mịọkụ ị́ ḅara ḅie wa omi-ẹ, ị́ ḅụḅẹlẹḅara se wa mịẹ.”

Jọshụa 9:27

Ọkụma ori ini se omoniapụ mịẹmẹ. Ini chịn pẹlẹ pịkị mengi ḍu Izrẹlapụma pịrịpịrịmẹ pịkị Nyanaḅọ Ḅe agbamịẹ ẹbẹ mị na. Ọkịḅo mịmgba la sọnị Nyanaḅọ Ḅe sẹlẹọkị na mị ini ọ̀ tẹkẹḅịa anga-ẹ nwọḅẹ nyọ goyegoye mị fịrị mị sime ini pịrịmẹ.