Jọshụa 9:21 - Kịrịkẹnị Baịbụl

²¹ Ye ini ḍumo, ọkụma ini chịn pẹlẹ pịkị mengi ḍu wa pịrịpịrịḅịa.” Mịn ama sẹnịapụma se anị ḍuko ọkụ-ẹ.

Jọshụa 9:21 Iomraidhean Croise

Jerimaya 46:22

Ijipt mị oruwu ḅie de ọkụ dema mangị mẹ, ini nwọ ḅoarị tarakapụma ọmụarụ kụlọ mị ọrị ananga. Ini apala ma na ini gbẹịnmachịẹmẹ, tomoni eje pẹlẹgbin-ọkụ

Maịnkarama Oloko 29:10

“Mịmgba Nyanaḅọ ọ́mịna Tamụnọ Ḅe tọrụkuḅu ọ́ chịẹ waraḅẹ—ọ́mịna tịḅịnịma na pịkị fịrịnwẹngịapụma na, ọ́mịna owuapụma na,

Maịnkarama Oloko 29:11

eremeni ma na, pịkị awọmẹnịma na, pịkị ọ́mịna ḅie anga igoniapụma na, anị chịn pẹlẹ pịkị mengi ḍu ọ́ pịrịarị apụma na.

Jọshụa 10:1

Adonaị-Zidẹk, Jerusalẹm amanyanaḅọ ḅe naamẹ na Jọsụwa ḅe Eaị mị ọkị se okorona okorona anị kansin pịkị anịa amanyanaḅọ ḅe ḅaasam, anị ò se Jẹriko mị na pịkị anịa amanyanaḅọ ḅe na mịẹọkụ mị. Ọ̀ pịkị naamẹ na Gibiọn apụma ini Izrẹlapụma na deinma mịẹsam se pịkị inia ḅie anga waraḅẹ.

Jọshụa 9:15

Jọsụwa ḅe na Gibiọn apụma na deinma ḅịpịogbosọ nyana se ini ini wẹrịso se ini ḍumomẹ. Izrẹlapụma inia ama sẹnịapụma kụrọma yekarị fịmẹ na deinma ḅịpịogbosọ mị ini anị kokoḅịa.

Jọshụa 9:20

Wa ini wẹrịso se ini ḍumoḅịa wa ḅereni ini pịrịsaye mị ẹrẹchị; wa ọkọ mịẹkẹ ḅẹḅẹ, Tamụnọ Ḅe ò fomuḅara se wa pịrịḅịa.

Jọshụa 9:23

Ọ́ mịn mị mịẹye gose, Tamụnọ Ḅe ò worinime se ọ́mịna ọgọnọ gbanasam. Ọ́mịna tomonima ini omoniapụsọ gbasoḅịa, ini chịn pẹlẹ pịkị mengi ḍu ị̀ Tamụnọ Ḅe warị mị pịrịpịrịḅịa.”

Jọshụa 9:27

Ọkụma ori ini se omoniapụ mịẹmẹ. Ini chịn pẹlẹ pịkị mengi ḍu Izrẹlapụma pịrịpịrịmẹ pịkị Nyanaḅọ Ḅe agbamịẹ ẹbẹ mị na. Ọkịḅo mịmgba la sọnị Nyanaḅọ Ḅe sẹlẹọkị na mị ini ọ̀ tẹkẹḅịa anga-ẹ nwọḅẹ nyọ goyegoye mị fịrị mị sime ini pịrịmẹ.