Jọshụa 9:14 - Kịrịkẹnị Baịbụl

¹⁴ Izrẹlapụma inia ḅara kele fịaye da ọkịmẹ, ọkụma ini Nyanaḅọ Ḅe ḅịpị gbelakẹ àrị na gbolomaye ḅụ.

Jọshụa 9:14 Iomraidhean Croise

2 Samụẹl 2:1

Mịn mị ḅo ḅọrọsịkị, Devid ḅe Nyanaḅọ Ḅe gbelamẹ, “Juda amama ḅụ à mun gbọrị ama ḍikiḍiki?” Nyanaḅọ Ḅe nwọ pẹkẹrẹmẹ, “Iin.” Devid ḅe nwọ gbelamẹ, “Nde ama?” “Hibrọn mị-ẹ,” Nyanaḅọ Ḅe nwọ ḅẹmẹ.

2 Samụẹl 5:19

Devid ḅe nwọse Nyanaḅọ Ḅe gbelamẹ, “Filistia apụma à mun owu se ini paka? Ị́ ọmụḅaraiḅi se ị̀ pịrịḅe?” Nyanaḅọ Ḅe pẹkẹrẹmẹ, “Iin, owu se ini paka!” “Àrị ọmụḅaraiḅi se ị́ pịrịḅịa!”

Ẹzra 8:21

Anịnyọ, Ahava Ḅara pu mị aka à kụrọ pịrịmẹ na mine mgba wa ḅuru se mịnaḅụ ḅaamaḅịa, wa pịkị ḅụiderima mịna Tamụnọ Ḅe tẹkẹḅịa, na ọ̀ tọrọkọda wa pịrị, ọ̀ pịkị mine na, mịna awọma na, mịnaye ma na koko wa kọn àrị nwẹngị mị ḅie.

Pakaso 28:30

Ụrịm mị na Tụmịm (agbamịẹapụma se karakaraye mị nemi aye) mị na nwọse ekpe gbẹịnye mị ḅie chụa, mịẹse Erọn ḅe ori àrị dekiḅịa ọkụ ò ḅo ị̀ tọrụkuḅu chịẹḅịa sịkị. Ọkọ sime sịkị goyegoye gbarịmaka ḅaraḅụ mị ekpe gbẹịnye mị ọ̀ nwọ chụaḅịa, mịẹse ori à ḅi ḅara nwọse ḅẹrẹkọn Izrẹlapụma pịrịpịrịḅịa ọkụ.

Kịẹnḅịpị Ma 27:21

Ori Ẹleaza agbamịẹḅọ ḅe ḅụ sẹrẹrẹḅịa, anị Karakaraye ḍọkị ekpe sụkaye Ụrịm mị na pịkị Tụmịm mị na ḅụ à tọn ayema ḍawọḅụ. Mịn ḅara mị ḅụ Ẹleaza ḅe ọ̀ Jọsụwa ḅe na bebe Izrẹl sẹ mị na datekeremaḅịa inia mịẹmịẹaye mamgba ḅụ.”

Jems 1:5

Ọkụma ọ́mịna ḅie nemi nyanakaḅọ omi-ẹ ḅẹḅẹ, ye ọ̀ Tamụnọ Ḅe tẹkẹ, anị se ọ̀ pịrịḅịa ḅọ ḅe; anịatịḅị Tamụnọ Ḅe ḅara kịkịmaka ḅaraḅụ papa pịrị ḍikiḅụgerere ḅụ anị se nwenimgba pịrịpịrịmẹ.

Jọshụa 9:13

Wa mayema se iruchụa nama apụra ma ḅie chụa sịkị, árị ịwọ waraḅẹ, ọkụma ḍiki! Árị kansam. Mịna ḅụchụayema na ḍiki akpaka ma na arịmgba olomu sosam, wa kọn ḅọlọ nwẹngị mị gose.”

Bẹrẹkọn Apụ 1:1

Jọsụwa ḅe fị ḅọrọ so se so Izrẹlapụma nwọse Nyanaḅọ Ḅe gbelamẹ, “Mịna sẹma ḅụ nde sẹ tatarị mun owu se Kenan apụma pakaḅe?”

Bẹrẹkọn Apụ 20:18

Izrẹlapụma mun Bẹtẹl ḅie tẹkẹ nyọ mị ḅie Tamụnọ Ḅe gbelamẹ, “Nde sẹ tatarị owu se Bẹnjamin apụma pakaḅe?” Nyanaḅọ Ḅe pẹkẹrẹmẹ, “Juda sẹ mị-ẹ.”

1 Samụẹl 22:10

Ahimẹlẹk ḅe Devid ḅe mịẹḅịa ọkụ se Nyanaḅọ Ḅe gbelamẹ, anịsịkị ọ̀ pịkị fịye se ọ̀ pịrịmẹ, pịkị Golaịat Filistiaḅọ ḅe okola-agiji mị na.”