Jọshụa 8:8 - Kịrịkẹnị Baịbụl

⁸ Ómine opuama mị ọkịsa ḅẹḅẹ ọ́ fịnị se anịaḅụ chụa, Nyanaḅọ Ḅe tọnsa ḅaraḅụ. Ma anị à se ọ́ pịrị kụrọma-ẹ.”

Jọshụa 8:8 Iomraidhean Croise

2 Samụẹl 13:28

se tọn oria fịrịnwẹngịapụma pịrịmẹ: “Ọ́ tọrụ se Amnọn ḅe ḅụ wẹrị ọ̀ ḅaka ma iruḅu ọ̀ tọrụ ḅaama sịkị, se à kụrọ pịrịsa ḅẹḅẹ ómine ọ̀ ḅaa. Ọ́ ḅalafama. Ị̀rị̀ ḅarana anị dekiḅịa. Ọ́ kụrọkuḅie nyana, se pịkịna ḅụgaragarama!”

Maịnkarama Oloko 20:16

“Ọkụma Nyanaḅọ ọ́mịna Tamụnọ Ḅe se ọ́ pịrịarị amama ḅie sime opuamama ọ́ nwọ ọkịsa ḅẹḅẹ, nweni mamgba ọ́ ḅaafama.

Jọshụa 1:16

Ini nwọse Jọsụwa ḅe pẹkẹrẹmẹ, “Ị́ se wa ḅẹye goyegoye wa mịẹḅịa ị́ pịkị wa fịrịma mun nwọḅẹ nyọ goyegoye wa munḅịa.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 6:24

Anịsịkị ini fịnị tọnjị opuama mị ḅie chu se anị dọkịma kiri saramẹ, pịkị anịa ḅie sime aye mamgba na, anị ini goli na, seleḅa na, alapẹlẹka na, pịkị ikulele na se mịẹaye ma sikima ọkụma, anị ini se Nyanaḅọ Ḅe oria ngọ koko warị mị ḅie koroma ayema.

Jọshụa 8:13

Owuni ma ini ḅụkarakarama owu pịrịmẹ se opu pẹkẹrẹ mị ini nwọse ikowarịma pike sime opuama mị ḅe ọgọnọju daọrụ ḅụ koromamẹ, ísí owuapụma pịkị ịrụasọsọ nyọ daọrụ ḅụ simemẹ. Jọsụwa ḅe, bebe ḍin mị mgba pẹsịkiri mị ḅie ò simemẹ.

Jọshụa 8:2

Ị́ se Jẹriko mị na anịa amanyanaḅọ ḅe na mịẹ ọkụ anị ị́ pịkị se Eaị mị na anịa amanyanaḅọ ḅe na mịẹḅịa ọkụ-ẹ, ọkụma mị sịkị anịa ngọma na namama na ómine árị ọkịḅịa. Ḅụkarakarama se ọḅụ owu se opuama mị paka.”

Jọshụa 8:22

Opuama mị ḅie sime Izrẹlapụma sọnị pakaḅo ọmụ mị gbinmẹ. Eaị apụma ḍọkịḅo ọrịmẹ na Izrẹlapụma ini ini ḍẹkị kelemasam, ini inimgba ḅaafamamẹ. Gbọrịḅọ sọnị sokẹ, pịkị ḍumoḅụ anịa ḅie toluḅọrọḅọ sọnị ofori-ẹ

Jọshụa 8:28

Jọsụwa ḅe ori Eaị mị dọkịma pịkị anị se kansa ama nwọ mịẹmẹ. Mịmgba sọnị anị pa ọkọ sime waraḅẹ.

Jọshụa 8:7

Anịsịkị ómine ọ́ ḅọị sime anga mị ḅụ ọ́ pakaḅo opuama mị ọkịḅịa. Nyanaḅọ ọ́mịna Tamụnọ Ḅe ori anị se ọ́ pịrịḅịa.

Jọshụa 8:9

Anị Jọsụwa ḅe ini fịrịma pakụmaye-ẹ, se ini mun ini ḅọị ḅịa anga mị ḅụ sime korumẹ, Eaị mị ḅụ ịrụasọsọ nyọ daọrụ mị, anị Eaị mị na Bẹtẹl mị na ogboku. Jọsụwa ḅe ini ikowarịma pike sime nyọ mị ḅụ ò simemẹ bebe ḍin mị mgba.

Bẹrẹkọn Apụ 4:6

Gbọrị ene, á ḅịpị se Barak Abinoam yaḅe fịrịmamẹ, Kedẹsh Naftalaị mị ḅie sime opuama mị ḅie ḅụ, se nwọse ọ̀ ḅẹmẹ, Nyanaḅọ, Izrẹl Tamụnọ Ḅe, anị mịn mị tọn se ị́ pịrịye-ẹ: Naftalaị na Zẹbụlọnị na sẹma ḅie owuapụ ḅụ kịnị si sọnọ ẹndẹ fịnjị nwọ ọkị, se tọrọkọda ini pịrị, ini na Tebọ Tụndụ mị mun.