Jọshụa 8:7 - Kịrịkẹnị Baịbụl

⁷ Anịsịkị ómine ọ́ ḅọị sime anga mị ḅụ ọ́ pakaḅo opuama mị ọkịḅịa. Nyanaḅọ ọ́mịna Tamụnọ Ḅe ori anị se ọ́ pịrịḅịa.

Jọshụa 8:7 Iomraidhean Croise

2 Amanyanapụ 5:1

Neaman, Siria ọmụogbo tịḅịdaḅọ ḅe, anị Siria amanyanaḅọ ḅe opu osi seni pịrị pịkị seni gele kiri ḅụ koromaḅọ-ẹ, anịatịḅị Neaman ḅe ḅụ Nyanaḅọ Ḅe ḅọrọ ọmụḅaraiḅi ọkịḅo Siria ọmụgbin apụma pịrịpịrịmẹ. Ori anị opu owuniḅọ-ẹ, ọkụma ḅụkan obi kọnḅọ-ẹ.

Jọshụa 8:1

Nyanaḅọ Ḅe nwọse Jọsụwa ḅe ḅẹmẹ, “Owuni mamgba ọkị ị́ ḅụchụa se ini na so Eaị ama mị mun. Ḅalafama pịkị kuḅie lọkọmama. Àrị anị mịẹ sarasarama ị́ pịrịḅịa ị́ Eaị amanyanaḅọ ḅe nẹngịmaḅịa; oria tomonima na, opuama mị na, pịkị amakiri mị na ị́yaye sọḅịa.

Jọshụa 8:6

Ini wa ḍuko nweni wa opuama mị ḅie ini ọkị paka sikima sịkị laḅịa. Ini nwọ chịnḅịa na wa mangị ini pịrịaḅẹ, anị tatarị sịkị ḅara mị.

Jọshụa 8:8

Ómine opuama mị ọkịsa ḅẹḅẹ ọ́ fịnị se anịaḅụ chụa, Nyanaḅọ Ḅe tọnsa ḅaraḅụ. Ma anị à se ọ́ pịrị kụrọma-ẹ.”

1 Samụẹl 23:4

Anịẹrẹchị Devid ḅe ọ̀ pịkịna Nyanaḅọ Ḅe ḅịpị gbelamẹ, se Nyanaḅọ Ḅe nwọse ọ̀ ḅẹmẹ, “Owuse Keila mị paka, anịatịḅị àrị anị mịẹ sarasarama se ó Filistia apụma nẹngịmaḅịa.”