Jọshụa 8:24 - Kịrịkẹnị Baịbụl

²⁴ Izrẹlapụma ḅele ele mị ḅie ini inina-tarakapụma ḅaafamamẹ, anị Eaị apụma ini ḍuko munyọ mị. Anịsịkị ini vinpịkị mun Eaị mị ḅie simeḅọ goyegoye ḅaafamamẹ.

Jọshụa 8:24 Iomraidhean Croise

Kịẹnḅịpị Ma 21:24

Ọkụma Izrẹlapụ ini na tarakapụma ḅụ tọn apụ ọmụ mị ḅie nwọ ḅaamẹ, se pịkị inia ama mị ọkịmẹ Anọn Tọrụ mị ḅe ọgọnọju ḅụ sakị mun Jabọk mị la, anị Amọn apụma nyọ mị, anịatịḅị Amọn apụma ini kụrọma inia eke mị ḍụamẹ.

Jọshụa 8:23

Eaị amanyanaḅọ ḅe sikima ọkụma. Ini fịka ḅụ ò kun mun Jọsụwa ḅe pịrịmẹ.

Jọshụa 8:25

Jọsụwa ḅe oria sụḅa mị se Eaị mị da nweni ini anịju ḅụ sime apụ mamgba ḅaafama sịkị lamẹ. Anị ene ḅie ini ḅaa Eaị apụ mamgba ḅe kịẹnḅịpị anị tomoni ḅụ poku na oyiẹndẹ-ẹ, owuapụ na eremeni na ḅụ.

Bẹrẹkọn Apụ 20:42

Ini ọḅụgbinmamẹ Izrẹlapụma ḅụ, se mangị ḅelema sime sẹ mị damunmẹ, ọkụma ini ineda mangịsokẹ. Dada ọmụogbo mị na pịkị mịọkụ opuama mị ḅieḅụ pakaḅo àrị apụma na ogboku ini ini kunmẹ, se ini ini ḅaafamamẹ.