Jọshụa 8:2 - Kịrịkẹnị Baịbụl

² Ị́ se Jẹriko mị na anịa amanyanaḅọ ḅe na mịẹ ọkụ anị ị́ pịkị se Eaị mị na anịa amanyanaḅọ ḅe na mịẹḅịa ọkụ-ẹ, ọkụma mị sịkị anịa ngọma na namama na ómine árị ọkịḅịa. Ḅụkarakarama se ọḅụ owu se opuama mị paka.”

Jọshụa 8:2 Iomraidhean Croise

2 Amanyanapụ Sịkị Mịẹaye Ma 13:13

Mịsịkị mị ḅụ, Jeroboam ḅe, ori ọḅụ owu se Juda apụma pakaḅịaye gose, oria owunima ḅụ ḍapụ ọ̀ nwọse Juda owunima ọḅụju ḅọị wẹrịmẹ, se ísí apụma tọrụ se ini na dama se bịamaḅịa.

2 Amanyanapụ Sịkị Mịẹaye Ma 20:22

Ini nime mị sakị chuarị sịkịḅụ, ḅo owu paka-ẹḅoarị owunima ḅie, Nyanaḅọ Ḅe ọ̀ ḅalafa se chumẹ.

Fịafịa Nime 39:6

anị pịkị ịrụa ḅịa sịkị, kiri ọgọnọ sara tomoniḅọ tẹmẹ mị nẹngịkẹ. Tomoniḅọ ḅe ọ̀ mịẹaye mamgba yeḅụsọkaye-ẹ; ori ngọ koḅiri koromamẹ, ọkụma àrị nyana ọkịḅịaḅọ ò nemikẹ.

Kaḅo Ma 13:22

Iḅi ḅọ ḅe ori ngọ kọn koroma oria awọma awọma pịrịḅịa, ọkụma simịẹ apụma inia ngọma karakaraye mịẹ apụma àrị ọkịḅịa.

Kaḅo Ma 28:20

Karakarayemịẹ apụma, ini ḅakama ḅieḅẹlẹ ḍumo kọnḅịa. Ọkụma ị́ ọfọịn ngọ nyanaḅịa ḅẹḅẹ ị́ fomuḅara daḅịa.

Jerimaya 17:11

Furuḅọkọ ḅụ igbiki nyanaḅọ anị ò koromaka-anyị-kẹngẹ feni kịkẹḅọ-ẹ. Ori asẹ ḅụ simeogbo oria ngọma faḅịa, se anịḅe kuluma ò ḅo papa oḅoriḅọ sọḅịa.

Jerimaya 51:12

Elekima mị pịrị ini Babilọn onu ma gbẹịnmachịẹ. Nyọkoruapụ ma mịẹkụrọma! Nyọkoru-owuni ma se kirikiriḅụ koroma! Ḅọịma owu pakaḅịa owunima karakarama!” Nyanaḅọ Ḅe, ọ̀ tọn na ò se Babilọn-a tomonima mịẹḅịaye mị, ori anị mịẹsam.

Maịnkarama Oloko 2:35

Wa inia namama ọkị se pịkị amama kan kọsịmamẹ.

Maịnkarama Oloko 20:14

Opuama mị ḅie sime eremeni ma na, awọmẹnịma na, namama na pịkị jịn aye na, ómine ineda ọkịḅịa. Ómine na tarakapụma nyanaye goyegoye ómine ineda ọkị se warị angaḅịa. Nyanaḅọ Ḅe se ọ́ pịrịmẹ.

Maịnkarama Oloko 3:2

Ọkụma Nyanaḅọ Ḅe nwọse ị̀ ḅẹmẹ, ‘Ò ḍikiḅalafama. Àrị ori na, oria tomonima na, pịkị oria sẹ mị mgba nwọse ị́ pịrịḅịa. Ị́ se Saịhọn Amọraị amanyanaḅọ Hẹshbọn mị ḅie ḅẹrẹtọn simeḅọ ḅe mịẹ ọkụ nwọse ọ̀ mịẹ.’

Jọshụa 10:1

Adonaị-Zidẹk, Jerusalẹm amanyanaḅọ ḅe naamẹ na Jọsụwa ḅe Eaị mị ọkị se okorona okorona anị kansin pịkị anịa amanyanaḅọ ḅe ḅaasam, anị ò se Jẹriko mị na pịkị anịa amanyanaḅọ ḅe na mịẹọkụ mị. Ọ̀ pịkị naamẹ na Gibiọn apụma ini Izrẹlapụma na deinma mịẹsam se pịkị inia ḅie anga waraḅẹ.

Jọshụa 10:28

Anị ene mị ḅụ Jọsụwa ḅe ori owuse Makida mị paka se anị ọkịmẹ pịkị anịa amanyanaḅọ ḅe na. Opuama mị ḅie simeḅọ goyegoye ọ̀ ḅaamẹ; gbọrịḅọ kẹngẹ sọnị ḍumokẹ. Ò se Jẹriko amanyanaḅọ ḅe mịẹ ọkụ anị ọ̀ pịkị se Makida amanyanaḅọ ḅe mịẹ ọkụ-ẹ.

Jọshụa 11:14

Izrẹlapụma mịna opuamama ḅie yelaye ma na pịkị inia namama na ọkị se somẹ. Ọkụma tomoniḅọ goyegoye ini ḅaamẹ; ḍumo ḅụ sime gbọrịḅọ sọnị ofori-ẹ.

Jọshụa 6:21

Inia kongo ma ini nwọse opuama mị ḅie sime ḅọ goyegoye ḅaafamamẹ, owuapụ na eremeni na, ịwọ awọmẹnị na olomuapụ na. Ini pịkị nambuloma na, ananama na, yepụra asụnma.

Jọshụa 8:12

Tomonima ḅụ owuni oyi mẹndẹ fịnjị na oyiasi ọ̀ nwọse opuama mị ḅụ ịrụasọsọ nyọ daọrụ ḅụ ḅọịmẹ, anị Eaị mị na Bẹtẹl mị na ogboku.

Jọshụa 8:14

Eaị amanyanaḅọ ḅe Jọsụwa owunima ọrị sịkị, ọ̀ sịkị famakẹ. Ori na oria owuni mamgba na pakaso Jọdan Pẹsịkiri mị ḅie mun mẹ, Izrẹlapụma na ọmụgbinḅịa ẹrẹchị, anị gbọrị nyọ mị ḅụ, anị tatarị sịkị ḅara mị, ò nemikẹ na ini ọḅụ owu se ọ̀ pakaḅịa ọkụ.

Jọshụa 8:19

ori ọ́ ḅara dekichịẹma kirikiri, ḅọị sime owunima ini kirikiri sịsẹ, mangị opuama mị ḅie sọ se anị ọkịmẹ. Anị kirikiri ini fịnị se opuama mị ḅụ chụamẹ.

Jọshụa 8:24

Izrẹlapụma ḅele ele mị ḅie ini inina-tarakapụma ḅaafamamẹ, anị Eaị apụma ini ḍuko munyọ mị. Anịsịkị ini vinpịkị mun Eaị mị ḅie simeḅọ goyegoye ḅaafamamẹ.

Jọshụa 8:3

Anị Jọsụwa ḅe na oria owuni mamgba na ḅụkarakaramaye-ẹ Eaị mị munḅịa ẹrẹchị. Oria owunima ḅie kụrọtẹịn apụma ḅụ kịnị-a tẹrẹ-a poku na jie ẹndẹ na ọ̀ nwọ sẹlẹ sikimamẹ, se ḍin ḅụ ini fịrịma pakụmamẹ

Jọshụa 8:7

Anịsịkị ómine ọ́ ḅọị sime anga mị ḅụ ọ́ pakaḅo opuama mị ọkịḅịa. Nyanaḅọ ọ́mịna Tamụnọ Ḅe ori anị se ọ́ pịrịḅịa.

Jọshụa 8:8

Ómine opuama mị ọkịsa ḅẹḅẹ ọ́ fịnị se anịaḅụ chụa, Nyanaḅọ Ḅe tọnsa ḅaraḅụ. Ma anị à se ọ́ pịrị kụrọma-ẹ.”

Jọshụa 8:9

Anị Jọsụwa ḅe ini fịrịma pakụmaye-ẹ, se ini mun ini ḅọị ḅịa anga mị ḅụ sime korumẹ, Eaị mị ḅụ ịrụasọsọ nyọ daọrụ mị, anị Eaị mị na Bẹtẹl mị na ogboku. Jọsụwa ḅe ini ikowarịma pike sime nyọ mị ḅụ ò simemẹ bebe ḍin mị mgba.

Jọshụa 9:3

Ọkụma Gibiọn apụma, anị Hivaị apụma, Jọsụwa ḅe se Jẹriko mị na, Eaị mị na mịẹye mị nwọ naa,