Jọshụa 8:14 - Kịrịkẹnị Baịbụl

¹⁴ Eaị amanyanaḅọ ḅe Jọsụwa owunima ọrị sịkị, ọ̀ sịkị famakẹ. Ori na oria owuni mamgba na pakaso Jọdan Pẹsịkiri mị ḅie mun mẹ, Izrẹlapụma na ọmụgbinḅịa ẹrẹchị, anị gbọrị nyọ mị ḅụ, anị tatarị sịkị ḅara mị, ò nemikẹ na ini ọḅụ owu se ọ̀ pakaḅịa ọkụ.

Jọshụa 8:14 Iomraidhean Croise

Ẹklisiastis 9:12

Ị́ya sịkị laḅịa sịkị ngịsị ị́ nemikẹ. Feni ma ḅụ-nemika mun ḍẹịn ḅie koro ọkụ simemẹ, inji ịgbọ ḅie koro ọkụ simemẹ, wa siaye ḅie sọsọmẹ mịna kuḅie ngịsị ọkọtọnka sịkịḅụ.

Aịzaya 19:11

Zoan opuama mị ḅie sime tịḅịnịma oḅoriapụ-ẹ! Ijipt ḅie yenemitẹịn apụma, nemi nyanakaye mị ini se nweni ma tetemarịye-ẹ! Nde ini ḅara-wẹrịma ḍuko amanyanaḅọ ḅe pịrị ọkụ na, ini ma anị ḅieju-a ḍiri nemi apụma na, amanyanapụma na ḍukoma apụ-ẹ?

Aịzaya 19:13

Zoan tịḅịnịma na Mẹmfịs tịḅịnịma na oḅori apụ-ẹ. Ini anị mgbọkụ tịḅịda mị sẹ mị pịrịḅịaye-ẹ, ọkụma ini anị dairimasam.

Danịẹl 4:31

Ọkwẹịnmgbọlụ má mà ọ̀ ḅịpị faka simeogbo, soḅie pụkọ ọkwẹịnmẹ, “Amanyanaḅọ Nebukadneza, à ḍukoarịye poki! Ị́ya amanyana kụrọ mị, mịọkụ ị́ ḅara anị pọkọsosam.

Matio 24:39

ini pakarịye nwọ nemikẹ, ọkịmun mengi mị seri ḅo inimgba ḅilema sịkị lamẹ. Anị anị simeḅịa ọkụ-ẹ Tomoniḅọ Tọkụ Ḅe ḅoḅịa sịkị ḅụ.

Matio 24:50

Anịsịkị ọ̀ nyanaḅọ ḅe vinpịkị ḅoḅịa, ò se ḅietọnka pịkị nemika sịkị ḅụ.

Maịnkarama Oloko 1:1

Mịn Moziz ḅe ḍuko Izrẹlapụma pịrịaye ma-ẹ, ini onwun ele mị ḅie sime sịkị ḅụ, anị Jọdan Tọrụ mị ḅụ ịrụapakapaka nyọ daọrụ ḅụ. Jọdan Pẹsịkiri mị ḅie ini simemẹ Sọf mị na kpekima, Peran mị na ísí amama na ogboku ḅụ, anị Tọfẹl mị na, Leban mị na, Hazirọt mị na, pịkị Dizahab mị na.

Jọshụa 8:13

Owuni ma ini ḅụkarakarama owu pịrịmẹ se opu pẹkẹrẹ mị ini nwọse ikowarịma pike sime opuama mị ḅe ọgọnọju daọrụ ḅụ koromamẹ, ísí owuapụma pịkị ịrụasọsọ nyọ daọrụ ḅụ simemẹ. Jọsụwa ḅe, bebe ḍin mị mgba pẹsịkiri mị ḅie ò simemẹ.

Jọshụa 8:15

Jọsụwa ḅe na oria owunima na ini mangị Eaị apụma pịrịaḅẹ nwọḅẹ ḅara mịẹmẹ, se ini mangị ḅele ele mị damẹ.

Jọshụa 8:16

Bebe opuama mị ḅie sime owuapụ mamgba ini nwọ chịn gboloma ini ḍukomẹ, se ini Jọsụwa ḅe ḍukoarị sịkị ḅụ ini opuama mị ḅụ wẹrị sikima mun ḅọlọju lamẹ.

Jọshụa 8:5

Ị̀ya tomonima na ị̀rị̀ na wa nwẹngị opuama mị daḅịa Eaị apụma pakaḅo wa dapakaḅịa sịkị, wa vinpịkị mangịḅịa tatarị sịkị ḅara mị.

2 Pita 2:3

Inia ngẹrịfị ḍọkị mị ḅụ, ma iruo yeḍieapụ ma, nwọ ḍuko ọ́ pịrịarị ḅẹrẹ ma ḅụ ini sọye mịẹḅịa. Anịatịḅị inia Ḅẹrẹkọn ḅọ ḅe, ọ̀ ḅụkarakarama ini koruaḅẹ. Ini Ḅaaḅịa ḅọ ḅe sọnị ọ̀ mọnọkẹ.

Bẹrẹkọn Apụ 20:37

Mịna apụma ini sịkị famakẹ se mangị Gibia ḅie sọ se opuama mị ḅie wasamamẹ, se ini tomoniḅọ goyegoye nwọ ḅaamẹ anịju.