Jọshụa 8:1 - Kịrịkẹnị Baịbụl

¹ Nyanaḅọ Ḅe nwọse Jọsụwa ḅe ḅẹmẹ, “Owuni mamgba ọkị ị́ ḅụchụa se ini na so Eaị ama mị mun. Ḅalafama pịkị kuḅie lọkọmama. Àrị anị mịẹ sarasarama ị́ pịrịḅịa ị́ Eaị amanyanaḅọ ḅe nẹngịmaḅịa; oria tomonima na, opuama mị na, pịkị amakiri mị na ị́yaye sọḅịa.

Jọshụa 8:1 Iomraidhean Croise

Fịafịa Nime 27:1

Nyanaḅọ Ḅe ị̀ya enekuḅu-ẹ, pịkị ị̀ ḍụaḅọrọmaḅọ-ẹ; à gbọrịye sọ ḍikiḅalafa-ẹkẹ. Nyanaḅọ Ḅe ḅalafamaye ma ḅie mgba ori ị̀ ḅọịmẹ; ngịsị ị̀ ḅalafa-ẹkẹ.

Fịafịa Nime 44:3

Ị́ya tomonima inia okola-agiji ini nwọse ama mị inumakẹ; inia kụrọḅụ ini anị inumakẹ; ọkụma ị́ya kụrọ na ị́ya ịnyọ na ḅụ-ẹ, ị́rị́ ini na omi-ẹ ḅe kuḅie kụrọ mị na, anị mị ḍiepakụmamẹ na ị́ ini ḅẹlẹmamẹ.

Fịafịa Nime 46:11

Kụrọmamgba Nyanaḅọ Ḅe ò mine na omi-ẹ; Jekọb Tamụnọ Ḅe mịna ḅọị nyọ-ẹ.

Aịzaya 12:2

Tamụnọ Ḅe anị ị̀ ḍụaḅọ-ẹ; à kuḅie se ọ̀ ḅụgbanaḅịa, se à ḅarị ḅalafa ẹkẹ. Nyanaḅọ Ḅe ọ̀ kụrọ na ịnyọ na se ị̀ pịrịmẹ; ori anị ị̀ ḍụaḅọ-ẹ.

Aịzaya 43:2

Gbun mengi ḅie ị́ ḅọrọḅịa sịkị, àrị ị́rị́ na simeḅịa; ị́ya ḅụfụka ma àrị ị́ nẹngịma ẹkẹ. Ị́ fịnị ḅie ḅọrọmẹ ḅẹḅẹ, fịnị ị́ dọkịma ẹkẹ; kụrọtẹịn telima ma se ị́ mịẹḅịaye ofori-ẹ.

Jerimaya 46:27

“Ị̀ya tomoni, ọ́ ḅalafama, Izrẹl-a tomoni, ọ́ ḅalafa nyanama. Àrị ọ́ ḍụaḅịa anị ḅọlọju ama mị ḅara ḅie, ómine ikoliapụ sọ ama mị ḅara ḅie. Ọ́ pịkịma ama ḅoḅịa se deinma angaḅịa; ó koko ḅụ simeḅịa, pịkịna ọ́ ḅalafamaḅịaḅọ ofori-ẹ.

Jerimaya 49:3

Hẹshbọn-a tomoni ómine oloku pakụma! Eaị mị kansam! Raba eremeni ọ́ ḍụẹịn ḍin ḅie sọ! Ómine okuru kaka se ḍụẹịn ḍin, ọ́ mangịma ḅọrọ ḅụḅalaḅala ḅụ. Ọ́mịna oru Mọlẹk ḅe na oria agbamịẹapụma na amanyanaḅọ awọma na ini nwọ desinḅịa.

Danịẹl 2:21

Ọ̀ ḅẹrẹtọn se sịkị mị na pakarị yema pịrịmẹ; ori amanyanapụ tọnmẹ ọ̀ pịkị amanyanapụ sin koromamẹ; nemi na yekaịnḅo na pịrịarịḅọ ḅe ori-ẹ. 12

Danịẹl 4:25

Tomoni ogboku ḅụ ini ị́ deḅịa, se ị́ mun piriḅie namama na angaḅịa, sọnọma kụra ị́ nwọse owoi-nambulo osuein fị ọkụ se osuein fịḅịa se ị́ pịkị eleogbo mọnọḅịa, anịnyọ ḅụ anị ijiriji ị́ ọgọnọ saraḅịaye-ẹ. Anịsịkị ị́ ḅereniḅịa na Geletẹịn Tamụnọ Ḅe anị tomonikiri mị mgba ḅie ḅẹrẹtọn-arịye-ẹ, ọ̀ pịkị ineda anị se ọ̀ ḅụḅẹlẹḅọ pịrịḅịa.

Danịẹl 4:35

Yeḅụoforikapụ ḅara ọ̀ nwọse sẹkiri ḅie sime apụma ḍikimẹ; soḅie sime enjẹlapụma na sẹkiri ḅie sime-a tomonima na oria ḅẹrẹtọn chuku ḅie ini omi-ẹ. Gbọrịḅọ sọ ofori-ẹ ineda ọ̀ tọnsaye na tụḅụrụḅịaḅọ anịkanịka ọ̀ mịẹsaye ḅụ cheye gose nwọse ò gbelaḅịaḅọ ofori-ẹ.

Matio 8:26

Jizọs Ḅe nwọ pẹkẹrẹmẹ, “Nde ó gose nwọ sime ḅaramgba nwọse ḅalafaye?” “Ómine kala ḅereni nyana apụ!” Anịeso Ọ̀ sịsẹ se ịganị fọrụ mị na amburama na pịrị se tọrụ mị deinma simemẹ.

Maịnkarama Oloko 31:8

Nyanaḅọ Ḅe na mịnaḅụ na ori ị́rị́ na simeḅịa pịkị tọrọkọda ị́ pịrịḅịa. Ori ị́ gbakị ẹkẹ, ọ̀ pịkị ị́ koromaso ẹkẹ, anịẹrẹchị kuḅie lọkọmama pịkị ḅalafama.”

Maịnkarama Oloko 7:18

Ómine ini ḍikiḅalafama; Nyanaḅọ ọ́mịna Tamụnọ Ḅe se Ijipt amanyanaḅọ ḅe na oria tomonima na mịẹye mị ọ́ nwọse ḅiekoroma.

Maịnkarama Oloko 7:21

Anịẹrẹchị mịnapụma ómine ini ḍikiḅalafama. Nyanaḅọ ọ́mịna Tamụnọ Ḅe ori ómine na omi-ẹ; ori opu Tamụnọ-ẹ, tomoniḅọ ḍikiḅalafaḅịa ḅọ-ẹ.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 10:7

Anị Jọsụwa ḅe na oria ọmụogbo mị mgba na, pịkị ọmụgbintẹịn kpo mamgba na, Gilgalị mị ḅie sakị ini damamunye-ẹ.

Jọshụa 10:8

Nyanaḅọ Ḅe nwọse Jọsụwa ḅe ḅẹmẹ, “Ini ḍiki ḅalafama. Ọmụḅaraiḅi mị à se ị́ pịrị ḅọrọsam. Iniaḅụ gbọrịḅọ sọnị ineda ị́ tọrọkọ chịẹ ẹkẹ.”

Jọshụa 2:24

se nwọ ḅẹmẹ, “Wa iḅiọkụ nemimẹ na Nyanaḅọ Ḅe bebe sẹ mị mgba ò se wa pịrịsam. Anịju ḅụ sime apụ mamgba ḅalafa inia ḅụ sọsam mine gose.”

Jọshụa 6:2

Se Nyanaḅọ Ḅe nwọse Jọsụwa ḅe ḅẹmẹ, “à mịẹḅịa Jẹriko mị na anịa amanyanaḅọ ḅe na pịkị kụrọ kuḅie nyana owuni mamgba na ị́ nwọ inuma.

Jọshụa 7:9

Kenan apụma na pịkị sẹ mị ḅie simeḅọ goyegoye anị naaḅịa. Ini wa ḍẹkị kelema se wa ḅaafamaḅịa! Anịsịkị nde ị́ mịẹse ị́ya osi mị papaye sọ ẹka ḅara?”