Jọshụa 7:9 - Kịrịkẹnị Baịbụl

⁹ Kenan apụma na pịkị sẹ mị ḅie simeḅọ goyegoye anị naaḅịa. Ini wa ḍẹkị kelema se wa ḅaafamaḅịa! Anịsịkị nde ị́ mịẹse ị́ya osi mị papaye sọ ẹka ḅara?”

Jọshụa 7:9 Iomraidhean Croise

Fịafịa Nime 115:1

Sime ị́rị́ kẹngẹ pịrịmẹ, Yei Nyanaḅọ, sime ị́rị́ kẹngẹ pịrịmẹ, anị sime wa pịrịkẹ, ị́rị́ anị ini boma se pịrịḅịaye-ẹ, ị́ya kunoka ḅẹlẹma mị na pịkị kuḅie se ḅụgbana gbẹịn mị na gose.

Fịafịa Nime 48:10

Nyọ goyegoye ḅụ tomoni ị́ bomamẹ, ị́ya opu mị pịkị wasama sẹkiri mgba kelemamẹ. Ị́ karakaraye ḅụ chịẹ ḅẹrẹkọn kọnmẹ;

Fịafịa Nime 79:9

Ḅarachụa wa pịrị, Yei Tamụnọ, se wa ḍụa; wa ḍụapakụma se mịna sima ḅụ ḅarasin wa pịrị ị́ya osi mị gose.

Fịafịa Nime 83:4

“Ḅo,” ini nwọ ḅẹmẹ, “wa inia sẹ mị kan, mịẹsosịkị tomoni Izrẹl mị se ḅieḅarama gbasoḅịa ọkụ.”

Fịafịa Nime 83:5

Ḅịpị ogbosọ ḅụ ini tọnye mị ini pịkị jịn apụ ọkị iniaḅụ chụamẹ owu se ị́ pakaḅịa gose:

Pakaso 32:12

Cheye gose Ijipt apụma nwọḅẹ ḅe na Ijipt ḅie ị́ya tomonima ị́ nwọ pakụma mun tụndụma ḅie ini ḅaa se gbọtụma ini kporonịsinmẹ. Ịganị mị dachịẹma, ị́ kuḅie ḍinma se mị fa mị ọkịḅo ị́ya tomonima pịrịma.

Izikịẹl 20:9

Ọkụma àrị ọkọse anị mịẹ ẹkẹ, mịẹse ḅụgerere ḅo ị̀ya ẹrẹ mị la ẹka gose, anịatịḅị ini na anga apụma ogboku ḅụ à ḍukopakụmasam na àrị ini pamun paka soḅịa, Ijipt ama mị ḅie.

Joẹl 2:17

Agbamịẹ ẹbẹ mị na, ḅọrọ Oputẹkẹwarị sọḅịa ḅọkọ mị na ogboku agbamịẹ fịrịnwẹngị Nyanaḅọ Ḅe pịrịarị apụma gbarịmaka ḅaraḅụ ini owu se tẹkẹ: “Nyanaḅọ, ḍikitịḅịfoin nyana ị́ya tomonima pịrị. Ḅerenima jịn sẹ wa ḍikisima se wa kombo se nwọ ḅe na ‘Nde ọ́mịna Tamụnọ Ḅe?’”

Maịka 7:10

Anịsịkị mine-na-tarakapụ ma mịn mị ọrịḅịa se ḅụgerere nyanaḅịa—anị mine-na-taraka gbọrị opuama-ẹ, anị wa kombo se gbela apụma na “Nde ómine Nyana Tamụnọ Ḅe?” Wa ini ọrịḅịa ọmụḅarasi ḅụ; tomoni ọpọtọkọ nanga-ọkụ wa nwọse ini nanga-ḅọrọḅịa ateli ma ḅie.

Kịẹnḅịpị Ma 14:13

Ọkụma Moziz ḅe nwọse Nyanaḅọ Ḅe ḅẹmẹ, “Ị́rị́ Ijipt mị ḅie mịna apụma ọkị pakụmaḅomẹ ị́ya kụrọ ḅụ. Ijipt apụma ị́ se ị́ya tomonima mịẹye naaḅịa sịkị,

Jọn Iḅi Ḅẹrẹ Mị 12:28

Ḍaḅọ, boma ọkịḅo ị́ya ẹrẹ pịrị!” Anịsịkị pụkọ soḅie ḅụ nwọ ḅẹmẹ, “Àrị anị boma ḅọrọsam, à pịkị anị bomaḅịa.”

Maịnkarama Oloko 9:28

Ijipt apụma ḅofa nwọḅẹ na ị́ ineda ini ọkịmun ị́ ḅereni ini pịrịsa ama mị lakẹ. Ini nwọ ḅẹḅịa na ị́ya tomonima ị́ nwọ ọkị pakaso onwun ele mị ḅie mun mẹ ini ḅaaḅịa ẹrẹchị, anịatịḅị ị́ taraka se ini wẹrịmaye ẹrẹchị.

Jọshụa 7:10

Nyanaḅọ Ḅe nwọse Jọsụwa ḅe ḅẹmẹ, “Sịsẹ! Nde ị́ gose nwọse kiri iḅosimeye?

Jọshụa 7:8

Cheye à nwọ ḍukoḅe, Yei Nyanaḅọ, Izrẹl mị mịọkụ nwọ mangị tarakapụma pịrịsa sịkị?

1 Samụẹl 12:22

Nyanaḅọ Ḅe ò yeḅereni kụrọmamẹ, ọ̀ pịkị ó seni sarakoroma ẹkẹ, anịatịḅị ọ̀ tọnpẹlẹsam na ori ó seni oria tomoni mịẹḅịa.