Jọshụa 7:7 - Kịrịkẹnị Baịbụl

⁷ Se Jọsụwa ḅe nwọ ḅẹmẹ, “Yei Nyanaḅọ Tamụnọ! Nde ị́ gose wa ọkị se Jọdan mị saḅaḅoye? Ị́ wa se Amọraị apụma pịrịḅịaye gose mụnọ? Se ini wa ḅaasin ḅara? Nde wa gose Jọdan mị ḅụ ísí saḅamanga simekaye?

Jọshụa 7:7 Iomraidhean Croise

2 Amanyanapụ 3:10

Joram, Izrẹl amanyanaḅọ ḅe oloku se nwọ ḅẹmẹ, “Yei, wa fasam! Nyanaḅọ Ḅe ò mine tẹrẹ amanyanapụma seni Moab amanyanaḅọ ḅe ḅara ḅie dẹrịsam!”

Fịafịa Nime 116:11

ị̀ ḅalafa sịkị à nwọ ḅẹmẹ, “Kuḅie-se-ḅụgbana-gbẹịn gbọrịḅọ sọ ofori-ẹ.”

Pakaso 16:3

se nwọse ini ḅẹmẹ, “Nyanaḅọ Ḅe, wa Ijipt mị ḅie kpọnjị sime nama pẹị pịkị yefị ḅụlọ ḅeinma ḅeinma anga ḅụ ọ̀ wa ḅaasin mị mịna ḅụḅẹlẹtẹịnmẹ. Ọkụma mine mgba ọ́ wa ọkị ḅomẹ, mị onwun ele mị ḅie ḅuru seni wa ḅaama mun fị ḅụ sọḅịa ẹrẹchị.”

Pakaso 17:3

Ọkụma tomonima inia pụkọ opuma samịnamẹ gose ini pa anị ḍuko ḍuko Moziz ḅe suaḅẹ. Ini nwọ ḅẹmẹ, “Cheye gose Ijipt mị ḅie ị́ wa ọkịpakụmaḅo? Mengi se mine na, mịna awọma na pịkị namama ḅaamaḅịa ẹrẹchị?”

Kịẹnḅịpị Ma 14:16

na ị́ya tomonima piri ele mị ḅụ ị́ nwọ ḅaasinmẹ anịatịḅị ị́ ḅereni ini pịrị na ị́ se ini pịrịḅịa nwọḅẹ ama mị ị́ ḅarị ineda ini se mun lakẹ.

Kịẹnḅịpị Ma 14:3

Cheye gose Nyanaḅọ Ḅe ọ̀ wa ọkị se anị ama mị mun-ao? Ọmụ ḅie ini wa ḅaaḅịa, ini pịkị mịna erema na awọma na kun soḅịa. Vinpịkị so Ijipt mun mị iḅitẹịn ẹka?”

Matio 17:17

Jizọs Ḅe nwọ pẹkẹrẹmẹ, “Ó ḅereni nyanakẹ pịkị mịẹirimarị ọkụ ḍiki! Àrị ómine na sime mun nde sịkị la ḅe? Àrị ómine inema mun nde sịkị la ḅe? Tọkụ ḅe ọkịḅo ị̀ pịrị mịanga!”

Matio 17:20

Jizọs Ḅe nwọse ini pẹkẹrẹmẹ, “Ọ́mịna ḅereni boka gose-ẹ. À ḍuko kụrọma ọ́ pịrịaḅẹ, na ọ́mịna ḅereni nemikase ḍụḅa fịnyọtẹịn mọstad mgbọlụ na gbasị ọkụma, ómine ineda mị chịngị mị ḅẹḅịa, ‘Mịanga koroma so se anịnyọ mun!’ anị pịkị munḅịa. Ómine ineda yegoyegoye mịẹḅịa!

Hibru 12:5

Tamụnọ Ḅe oria owuapụ awọ ḅara ḅụ kọn ọ́ pịrị kuḅie kụrọma ọkwẹịnma ó se ḅieḅaramasa? “Ị̀ya tọkụ, tọrụkweinma Nyanaḅọ Ḅe ị́ datekerema àrị sịkị, pịkị kuḅie lọkọmama Ori ị́ ḍiki ịganị àrị sịkị.

Jọshụa 7:6

Jọsụwa ḅe na Izrẹl ama sẹnịapụma na kururu ḅụ inia ḅụchụayema kanmẹ, Nyanaḅọ Ḅe Ọḅọkụ Igbe mị tọrọkọ ḅụ iniaḅụ se chama kiri gbin, se anịju ḅụ iḅosime mun saso lamẹ, fọn se inia tịḅị ọgọnọ sara se inia kururu mị ḍiepakụma ḅụ.

Jọshụa 7:8

Cheye à nwọ ḍukoḅe, Yei Nyanaḅọ, Izrẹl mị mịọkụ nwọ mangị tarakapụma pịrịsa sịkị?

1 Samụẹl 4:3

Fịkọnmapụ ma vinpịkị somun ini ikowarịma pike sime nyọ mị lasịkị, Izrẹl mị ḅie sẹnịapụma nwọ ḅẹmẹ, “Cheye ẹrẹchị Nyanaḅọ Ḅe ọ̀ wa wẹrịso Filistia apụma pịrị mịmgba ḅụ se ini wa nẹngịma? Ó ye wa mun Shịlo mị ḅie Nyanaḅọ Ḅe Ọḅọkụ Igbe mị ọkịḅo, mịẹse ò mine na mun se mine na tarakapụma ḅara ḅie wa ḍụaḅịa ọkụ.”