Jọshụa 7:6 - Kịrịkẹnị Baịbụl

⁶ Jọsụwa ḅe na Izrẹl ama sẹnịapụma na kururu ḅụ inia ḅụchụayema kanmẹ, Nyanaḅọ Ḅe Ọḅọkụ Igbe mị tọrọkọ ḅụ iniaḅụ se chama kiri gbin, se anịju ḅụ iḅosime mun saso lamẹ, fọn se inia tịḅị ọgọnọ sara se inia kururu mị ḍiepakụma ḅụ.

Jọshụa 7:6 Iomraidhean Croise

Chukusakị 37:29

Rubẹnị ḅe pịkịma ḅo se ḅarị olulu ḅie Josẹf ḅe ọrịka sịkị, kururu ḅụ ori ọ̀ ḅụ ḅụchụayema kanmẹ.

Chukusakị 37:34

Jekọb ḅe kururuḅụ ori ọ̀ ḅụ sime ḅụchụayema kanmẹ se ḍụẹịn ḍin ḅụ ò kururu ḅiriaye ḅirimẹ. Ḅọlọsịkị ọ̀ nwọse oria tọkụ ḅe ḍinmẹ.

2 Samụẹl 1:11

Devid ḅe kururu ḅụ oria ḅụchụayema nụnụ kanmẹ, se ori na sime owuapụ mamgba pịkị ọkọ mịẹmẹ.

2 Samụẹl 1:12

Ini opu ḅụosọ na kururu ḅụ na ḅuru se ḅụḅaama ḅụ sime mun saso ḅiri nwọ lamẹ, Sọl ḅe na Jonatan ḅe na pịkị Izrẹl mị na gose, anịatịḅị Nyanaḅọ Ḅe oria tomonima ḅụ tọn apụ ini nwọ ḅaamẹ ọmụ mị ḅie ḅụ.

2 Samụẹl 1:2

Anịḅe eneḅa gbọrị asẹmẹnịḅọ Sọl ikowarị mị ḅie ḅụ pakaḅomẹ. Se oria kururu mị ḍiepakụma ḅụ oria ḅụchụayema ọ̀ nwọ kanmẹ, pịkị fọn se ọ̀ tịḅị saramẹ. Ò Devid ḅe damaḅo se tịḅịtu ọ̀ pịrịmẹ osi se ọ̀ pịrị ḅụ.

2 Samụẹl 12:16

Anịgose Devid ḅe Tamụnọ Ḅe tẹkẹmẹ mịẹse tọkụ mị ḅụ iḅiḅịa ḅara. Ọ̀ pịkị ngịsị gbọrịye sọnị fị ḍụkụkẹ, se ḍin goyegoye ori oria jukuruḅie sọmun se bebe ḍin mị mgba se kiri ḅọlọlọ-ḅọlọlọmẹ.

2 Samụẹl 13:19

Á fọn seni á tịḅịkiri saramẹ, árịa ḅụchụaye mị kan, se á ḅarama seni á tịḅị kun se owuma somẹ.

2 Samụẹl 13:31

Amanyanaḅọ ḅe sịsẹ chịẹmẹ, kururu ḅụ oria ḅụchụayema kanmẹ, se sokoro kiri koromẹ. Ori na anịju ḅụ sime fịrịnwẹngịapụma sọnị pịkị inia ḅụchụayema kanmẹ.

2 Amanyanapụ 22:11

Amanyanaḅọ ḅe ò go ọ̀ pịrịarị ḍiri mị naa sịkị ori oria ḅụchụayema kanmẹ ijira ḅụ saraḅụ,

2 Amanyanapụ Sịkị Mịẹaye Ma 34:19

Ḍiri mị go àrị sịkị, amanyanaḅọ ḅe naa se ḅalafa ḅụ ori oria ḅụchụayema kanmẹ

Ẹzra 10:1

Ẹzra ḅe Oputẹkẹwarị tọrọkọ ḅụ tịḅịtu tẹkẹ se owu ma sima gopakụmarị sịkị, Izrẹlapụma ḅụ ḅaka kpo, owuapụ na eremeni na, awọmẹnị na koḅirima ò kelema se ḅụakụ owu kọn aḅẹ.

Nẹhimaya 9:1

Anị gbọrị akalụ mị ḅie si inein-a ḍin fịnjị ene mị ḅụ tomonima koḅiriamẹ, inia sima gose kururu seni fịye-se-ḅụḅamamẹ. Jịn sẹ apụma ḅie ini gbọtụma iniaḅụ pusikimasam. Ini okuru ḅiriaye ḅiri pịkịna fọn seni inia tịḅị ọgọnọ saramẹ seni kururu ḍiepakụma gose. Anịsịkị ini sịsẹ se sakị ini na inia ḅieju-aḍapụma na mịẹ-a sima gomẹ.

Ẹsta 4:1

Mọdẹkaya ḅe, ò ḅo pakaye mamgba nwọ nemi sịkị, kuḅiesi ḅụ, ori oria ḅụchụayema kanmẹ. Se ò kurukuru ḅụchụaye nwọ chụa, se fọn se ọ̀ tịḅị sara, se ḅụakụ ḅụ, gelele pụkọ se owu opuama mị kelemamẹ,

Ẹsta 4:3

Amanyanaḅọ ḅe chụa olokoma mun la sẹ mamgba ḅụ opu kururu Juapụma ḅie ḅeinmẹ. Ini ḅuru se ḅụḅamamẹ, se pịkị owumẹ, pịkị inia ḅụ opu pẹkẹrẹ kurukuru ḅụchụaye chụa se fọn ḅie taḅo simemẹ.

Job Ḍiri Mị 1:20

Anị Job ḅe sịsẹ se oria oju ḅụchụayema kan ye-ẹ kururu ḅụ. Ori ọ̀ tịḅị sẹịn se ọ̀ ḅụ se kiri gbin se tẹkẹmẹ.

Job Ḍiri Mị 2:12

Sasaju ḅụ ini Job ḅe ọrịmẹ, ọkụma ini ineda lekiriḅokẹ ori ọkụ. Ini ḅo ò lekiriḅo sịkị, ini sakị owu pịkị kururumẹ, se inia ḅụchụayema kanmẹ kuḅie si ḅụ, fọn se nyọma ḅụ saramẹ pịkị se inia tịḅị saramẹ.

Job Ḍiri Mị 42:6

Anị gose anị ị̀ ḅụgereremaye nwọ sọmẹ à kọnsa ọkwẹịn mamgba se vinpịkịmẹ fọn ma ḅie na fun ma ḅie na.

Kururu Ma 2:10

Jerusalẹm olomu apụma papa kiri ọgọnọ mị ini yawụma simeye-ẹ, Fọn ma na inia tịḅị ọgọnọ na okuru ḅịtẹma na inia ojuma ḅụ. Iremeni awọma inia tịḅị ma tu kiri pịrịmẹ.

Kịẹnḅịpị Ma 14:6

Se Jọsụwa Nọn yaḅe na Kelẹb Jẹfunẹ yaḅe na, anị ama ẹnyẹapụ ma ḅie ḅụ mama apụma, kururu ḅụ inia ḅụchụayema kanye-ẹ

Kịẹnḅịpị Ma 16:22

Ọkụma Moziz ḅe na Erọn ḅe na inia tọrụ ma se kiri iḅo se nwọ ḅẹmẹ, “Yei Tamụnọ, ị́rị́ anị ḍumo aye mamgba ḅe Tamụnọ Ḅe-ẹ. Gbọrịḅọ mịẹ si gose ị́ bebe tomoni kpo mị mgba ḅụ ịganị nyana ḅe?”

Kịẹnḅịpị Ma 16:45

“Mịna apụma ḅụ, ómine ọḅụda, mịọkụ à gbọkụ mịkirikiri ini ḅaasinḅịa!” Ini mamapụ ma inia tọrụ ma se kiri iḅomẹ,

Okunwẹngịapụ 14:14

Banabas ḅe na Pọl ḅe na ini mịẹḅịa ẹrẹchị ḍọkịarịye nwọ naa sịkị ini inia ḅụchụayema nwọ jine kanmẹ, se mangị tomonikpo mị ḅie sọ, se olokuaḅẹ,

Jọshụa 7:7

Se Jọsụwa ḅe nwọ ḅẹmẹ, “Yei Nyanaḅọ Tamụnọ! Nde ị́ gose wa ọkị se Jọdan mị saḅaḅoye? Ị́ wa se Amọraị apụma pịrịḅịaye gose mụnọ? Se ini wa ḅaasin ḅara? Nde wa gose Jọdan mị ḅụ ísí saḅamanga simekaye?

Ḍieḅelema Yema 18:19

Ini fọn se inia tịḅị saramẹ, ini pịkị owu se ngịrịmẹ, se nwọ ḅẹmẹ, “Yawoto! Mịn opuama mị ḅụ pakaye mị ḅalafama ọkụ ḍiki! Mịn opuama mị ḅe ngọma ḅụ, anị tọrụ mị ḅie dọkụma ḅọrọarị onwoin arụ ma nyana apụma ḅo alakọnye-ẹ. Se gbọrị awa mị ḅụ, anịa ḅie simeye goyegoye papa famẹ!”

Bẹrẹkọn Apụ 11:35

Ori árị ọrị sịkị, ori oria ḅụchụayema kanmẹ kururu ḅụ se nwọ ḅẹmẹ, “Yei, ị̀ ndụḅa! Ị̀ kuḅie ị́ kansam! Cheye ẹrẹchị ị́rị́ re ị̀ ḅụ akụmaḅọ sọ? À kụrọma yeḅereni Nyanaḅọ Ḅe pịrịmẹ, à pịkị ineda anị chịnpịkịẹkẹ!”

Bẹrẹkọn Apụ 20:26

Anịsịkị bebe Izrẹlapụ mamgba somun Bẹtẹl mị ḅie ḅụ kururumẹ. Anịju ḅụ ini Nyanaḅọ Ḅe tọrụkuḅu ḅụ kpọnjị sime se yefịka nweni sasosọmẹ. Ini agbamịẹmẹ pịkị bebema dọkịma agbamịẹmẹ arịmgba Nyanaḅọ Ḅe tọrụkuḅu ḅụ.

Bẹrẹkọn Apụ 21:2

Mịọkụ Izrẹlapụma Bẹtẹl mun se anịju Tamụnọ Ḅe tọrụkuḅu ḅụ kpọnjị sime nweni sasosọmẹ. Ini oloku owu pịkị ḅụ akụma ḅara se kururu se nwọ ḅẹmẹ

1 Samụẹl 4:12

Bẹnjamin sẹ mị ḅie gbọrịḅọ ọmụgbin ele mị ḅie ngịsị sakị mangị so mun anị gbọrị ene ḅụ Shịlo mị lamẹ. Se oria kururu mị ḍiepakụma ḅụ, oria ḅụchụayema ọ̀ kanmẹ pịkị fọn se ọ̀ tịḅị saramẹ.