Jọshụa 7:5 - Kịrịkẹnị Baịbụl

⁵ Eaị apụma opuama mị ḅọkọ ngịsị sakị ini ḍuko mun ḍụparịma lamẹ pịkị iniaḅụ ineinfa kịnị-a mesi laḅịa apụ nwọ ḅaamẹ ini chịngị mị ọgọnọ tukoroarịogbo, se Izrẹlapụma inia kuḅie lọkọmẹ inia ḅala pịkị famẹ.

Jọshụa 7:5 Iomraidhean Croise

Fịafịa Nime 22:14

Ị̀ ḅụ ịnyọ fasam, ọsụn kirisara mengi fa ọkụ anị fasam. Ị̀ ḅụ ḅie imgbe mamgba pọkọsam; ị̀ kuḅie kpoye sanị ọkụ sanịmẹ.

Fịafịa Nime 58:7

Ye ini ogororo mengi ideri fa ọkụ fa; ye ini kpapụ ateli ḅie osuein kọsị ọkụ kọsị.

Aịzaya 13:7

Tomoniḅọ ḅara goyegoye lọkọ-saraḅịa, kụrọkuḅie nyanaḅọ goyegoye nụḅọ kuḅiekụrọ mị nụḅọ gbakịḅịa.

Izikịẹl 21:7

Ini nemikase ị́ gose ḅiefiearịye nwọse ị́ gbelamẹ ḅẹḅẹ, ḍuko ini pịrị na ḅoarị oku mị gose-ẹ. Anị ḅoḅịa sịkị ḅalafa inia kuḅie ḅeinḅịa, inia ḅarama oḅoku àrị ḅaaḅịa, ini ḅarị kuḅiekụrọ nyana ẹkẹ, inia ḅụọ ịkpụkụ geregereḅịa. Sịkị mị ḅosam; mị anị-ẹ.” Kụrọmamgba Nyana Tamụnọ Ḅe ò ḍukosam.

Agbamịẹ Apụ 26:36

“Ọ́mịna ḅụ kun ḅara ḅie simeḅịa apụma àrị ini mịẹse inia ḅalafa so ọkụma fọrụ jikearị ịnyanya ḅara sọnị mịẹse ọ́ mangịḅịa. Ọ́ mangịḅịa ḅara ọmụ ḅie ini ó ḍukoaḅẹ nwọḅẹ ọkụ simeḅịa, ọ́ pịkị ḅịkịḅịa gbọrị tarakaḅọ sọnị ómine na kpekika ḅụ.

Nehọm 2:10

Ninivẹ mị kọsịsam, nweni mangị sosam, nweni ḅarị angakẹ! Kuḅiemgbọlụ ma taịntaịnmẹ; ḅụọ ịkpụkụ geregeremẹ, kụrọ fasam; tomoni tọrụ ma nyọnị sam.

Maịnkarama Oloko 1:44

Se Amọraị apụ chịngịma ọgọnọ anga apụma akama kpo chụa ọkụ se kan pakaḅo ómine na bịamamẹ. Ini ómine na pịrị-a nweni ọkịmun Họma mị la se anị Idọm chịngị ọgọnọ sẹ mị ḅie ọ́ nẹngịmamẹ.

Jọshụa 2:11

Mịna ḅalafamẹ wa anị naa kirikiri; mine mgba mịna kuḅie lọkọsam ómine gose; Nyanaḅọ ọ́mịna Tamụnọ Ḅe ori anị Tamụnọ Ḅe-ẹ, ọgọnọju so mị ḅie, pịkị mị sẹkiri mị ḅie sọnị.

Jọshụa 2:9

se nwọse ini ḅẹmẹ, “À nemimẹ na Nyanaḅọ Ḅe mị ama mị ò se ọ́ pịrịsam. Sẹ mị ḅie simeḅọ goyegoye ọ́mịna ḅalafa nụḅọ ḅụ sọsam.

Jọshụa 5:1

Amọraị amanyanapụ mamgba, anị Jọdan mị ḅụ ịrụasọsọ nyọ daọrụ mị ḅụ anga apụma na, pịkị Kenan amanyanapụ mamgba na, anị Mẹditirenia Opu Tọrụ mị anga sịkị ḅụ anga apụma na, naamẹ na Nyanaḅọ Ḅe Jọdan mị samịnamamẹ se Izrẹlapụma saḅa ḅọrọmẹ nwọḅẹye mị. Inia ḅalafamẹ, inia kuḅie taịntaịnmẹ pịkị inia ḅụ lọkọmẹ Izrẹlapụma gose.