Jọshụa 7:4 - Kịrịkẹnị Baịbụl

⁴ Anịẹrẹchị Izrẹlapụma ḅie kịnị-a sọnọma ẹndẹ oyiasi fịnjị anị mun owu mị pakaye-ẹ, ọkụma ini ini de ọḅụ damẹ.

Jọshụa 7:4 Iomraidhean Croise

Fịafịa Nime 89:43

Ị́ mịẹse oria owuniayema papaye sọmẹ, se ọmụ ḅie ini ò inumamẹ.

Aịzaya 30:17

Ọ́mịna ḅie kịnị-a mẹndẹ oyiasi fịnjị mangịsoḅịa, taraka owunima ḅie gbọrịḅọ ọ́ nwọ ọrị kirikiri, sọnọ-a owuni ineda mịẹse ómine mgba ọ́ mangịsoḅịa. Ọ́mịna owunima ḅụ kọnḅịa gbọrịḅọ sọ sime ẹkẹ, chịngị ọgọnọ kpọngọlọma pike ịkpata chịn mị sikima.

Aịzaya 59:2

Anịgose ọkọ pakaye anị, ọ́mịna sima gose anị ò gose ọ́ naakaye-ẹ. Ọ́mịna sima àrị Tamụnọ Ḅe ḅụ ómine pu sikimamẹ, ọ́ ḅụkụrọma ọ̀ tẹkẹ àrị sịkị mị ḅụ.

Agbamịẹ Apụ 26:17

Àrị ọ́ dapakaḅịa, mịẹse ini ọ́ nẹngịmaḅịa ọkụ, anịsịkị ómine na tarakapụma ḅo ḅẹrẹtọn ọ́ pịrịḅịa; ọ́mịna ḅala opuma faḅịa se gbọrịḅọ sọnị ó ḍukoka simeogbo ọ́ mangịḅịa.

Maịnkarama Oloko 28:25

“Nyanaḅọ Ḅe ọ̀ mịẹ sarasarama ómine na tarakapụma pịrị se ini ọ́ nẹngịmaḅịa. Gbọrị nyọ ḅụ ó mun owu se ini pakaḅịa, ọkụma kịrịkịrị pẹkẹrẹ ḅụ ómine inia ḅụ mangị soḅịa, se bebe sẹkiri sime apụ mamgba ọ́mịna ḅụ pakaye mị ọrị se ḅalafaḅịa.

Maịnkarama Oloko 32:30

Cheye ẹrẹchị gbọrịḅọ kịnị-a mẹndẹ oyiasi fịnjị nwọ nẹngịma, se mama apụ kẹngẹ kịnị poku na sọnọ ẹndẹ na nwọ nẹngịma-ao? Nyanaḅọ, inia Tamụnọ Ḅe, ori ini koromasosam; inia Tamụnọ kụrọnyanaḅọ Ḅe inia ḅụ ọ̀ ḅarị ofori-ẹ.

Jọshụa 7:3

ini ḍuko Jọsụwa ḅe pịrịmẹ; “Nweni mamgba mun Eaị mị na owusọḅịa ḅara anị nwọ simekẹ. Anị ḅọrọ kịnị sọnọ ẹndẹ anịkanịka sọnọma ẹndẹ oyiasi fịnjị kẹngẹ nwọse fịrịma mun. Bebe ọmụogbo mị mgba fịrịma se ini mun anịju owusọma, opuma ḍụḅa amakẹ.”