Jọshụa 7:25 - Kịrịkẹnị Baịbụl

²⁵ Jọsụwa ḅe nwọ ḅẹmẹ, “Nde ị́ gose nwọ sime ḅụfụka ọkịḅo mịna ọgọnọ gbanaye? Nyanaḅọ Ḅe mịọkụ ọ̀ ḅụfụka ọkịḅo ị́ya ọgọnọ gbanaḅịa!” Nweni mamgba ḍụparị se Ekan ḅe gbin ḅaamẹ; ini pịkị ò furo ḅie apụma gbin pịkị ini na oriaye mamgba na dọkịmamẹ.

Jọshụa 7:25 Iomraidhean Croise

Chukusakị 34:30

Jekọb ḅe nwọse Simiọnị ḅe na Livaị ḅe na ḅẹmẹ, “Ọ́ ḅụfụka ọkịḅo ị̀ pịrịsam; mịọkụ Kenan apụma na Pẹrizaị apụma na, pịkị ama mị ḅie anga jịn apụ na ị̀ ḍiki ḅụnwọnwọḅịa. À tọn-a owuapụ nyanakẹ; ini nemikase gbolomase owu se ị̀ pakaḅịa ọkụma, ini mịna furo mgba nwọ famaḅịa.”

Chukusakị 38:24

Tẹrẹ-a akalụ pembemaye ḅo ḅọrọ sịkị, gbọrịḅọ ḅo ḍuko Juda ḅe pịrịmẹ, “Ị́ya tọkụ ḅe tarọ Tema ma á sẹfị nwẹngị kọnse mịọkụ ḅo simekọnsam.” Juda ḅe ọ̀ kụrọ pịrịmẹ, “Árị ọkịpakụmaḅo se á dọkịma ḅaa.”

1 Amanyanapụ Sịkị Mịẹaye Ma 2:7

Ekan, Kamaị yaḅe, Zira furo ḅie apụma ḅie gbọrịḅọ-ẹ, ori opu ḅụfụka ọkịḅo Izrẹlapụma ọgọnọ gbanamẹ anị ọmụ ḅie ori ọfọịnḅo ayema ḅie ḅụ sime Tamụnọ Ḅe pịrịḅịaye ma ọ̀ nwọ ḅọịmẹ.

Kaḅo Ma 1:19

Furu mị, tọn-a sịkịḅụ, furuḅọ ḅe ḍumo anị nwọ ọkịkịmẹ, mịn anị paka kụrọḅara se jịn apụ aye ọkịkị apụma pịrịpịrị ọkụ-ẹ.

Kaḅo Ma 15:27

Kuraka ẹmbẹ ḅụ ị́ sọye mịẹmịẹmẹ ḅẹḅẹ ị́ ị́ furo se ḅụfụka ḅie chuḅịa. Ọḅụfị ma, se ị́ ḍumo ḅọlọ-a ḍin laḅịa.

Agbamịẹ Apụ 20:14

Nyengiḅọ na arịa eremeni tọkụ na sime ḅọ omi-ẹ ḅẹḅẹ, ini tẹrẹ-a apụ mamgba ini fịnị seni ini dọkịma ini mịẹ ḅụgereremaye mị gose; ọkọ simeye ngịsị ó ḅerenima ọ́mịna ogboku anị mịẹ.

Agbamịẹ Apụ 20:2

ḍuko Izrẹlapụma pịrị, “Ọ́mịna ḅie anịkanịka ómine na anga jịn sẹ apụma ḅie pa nụḅọ tọkụ se Mọlẹk oru mị pịrị se anị tẹkẹḅọ goyegoye bebe sẹ mị mgba nụḅọ gbinḅa.

Agbamịẹ Apụ 21:9

Nemikase agbamịẹḅọ eremeni tọkụ ḅo sẹfị nwẹngị kọn mẹ ḅẹḅẹ, á ḍawu ḅe ḅụgereremamẹ; ini á dọkịma ḅaaḅịa.

Agbamịẹ Apụ 24:14

“Oriḅọ ḅe ó pike ịnyọsara sime anga mị ḅụ ori ọkị paka. Ò nime mị wori sịkị naaḅọ naaḅọ ḅara se tomoniḅọ ḅe tịḅị gbana se ḍuko pakụma na ḅẹrẹ ọ̀ ḅarasimẹ, anị sịkị bebe Izrẹl sẹ mị mgba imgbele se ò gbin ḅaaḅịa.

Galesia 5:12

À ḅimẹ ọ́mịna ḅụḅalaḅalamarịapụ ma gbọtụḅara mun inia ḅụ ma nwọ po-eke la!

Maịnkarama Oloko 13:10

Ò gbin ḅaa! Ori ị́ dairima ḍọkịmẹ Nyanaḅọ ọ́mịna Tamụnọ Ḅe ḅụ, anị Ijipt mị ḅie ọ́ ḅọrọma pakụmaḅoḅọ ḅe, ómine omoniapụsọ sime nyọ mị.

Maịnkarama Oloko 13:11

Anịsịkị bebe Izrẹlapụ mamgba pakaye mị naa, se ḅalafaḅịa, se gbọrịḅọ sọnị ḅarị ọkọ sime simịẹ ẹkẹ.

Maịnkarama Oloko 17:5

anịọkụma ómine anịḅọ mị ọkị ama mị ḅie paka se nụḅọ gbin ḅaa.

Maịnkarama Oloko 21:21

Anịsịkị ama mị ḅie apụma ḍụparị se ò gbin ḅaaḅịa, mịn ḅara mị anị ó se mị siye mị dachịẹmaḅịa ọkụ-ẹ ọ́mịna ogboku ḅụ. Izrẹl mị ḅie simeḅọ goyegoye pakaye mị naa se ḅalafaḅịa.

2 Tẹsalonịka 1:6

Tamụnọ Ḅe ọ̀ karakaraye mị nwọ mịẹḅịa, ọ̀ tọrụsiọrị seni ọ́ tọrụsiọrịmarị apụma nwọ pịrịḅịa,

Hibru 12:15

Ngịsị Tamụnọ Ḅe ḍikiḅụgerere mị ḅụ ó vinpịkị ọḅụdama. Ye gbọrịḅọ sọnị vinpịkịḅo akụ chịn nwọ sọma, anị anịa akụ mị na sẹnị pakaḅo ḅụfụka se tọn-apụ pịrịye mị.

Jọshụa 6:18

Ọkụma simaḅịaye goyegoye ó dekima; ó nemikase ye deki ọkụma, ọ́ ḅụfụka na fị na ọkịḅo Izrẹlapụma ikowarịma pike sime nyọ mị pịrịḅịa.

Jọshụa 7:15

À nwọ sẹlẹ sikima se ó sima-ẹ nwọḅẹaye ma ḅara pakaḅo ḅọ ḅe, oria furo mị-na-ori-na pịkị ọ̀ nyanaye goyegoye mamgba ọ́ dọkịma, anịatịḅị ḅalafama pịkị ḅụgereremaye ọ̀ nwọ ọkịḅo Izrẹl mị tọrụ chụasam pịkị ị̀ya ọḅọkụ mị kansam.”

1 Samụẹl 14:29

Jonatan ḅe pẹkẹrẹ se nwọ ḅẹmẹ, “Mị che ḅalafamaye ị̀ ḍaḅe ọ̀ nwọse mịna tomonima mịẹ! À ḅẹịn mị taḅaye ẹrẹchị ịnyọ ị̀ ḅụ sọ ọkụ ḍiki!