Jọshụa 7:24 - Kịrịkẹnị Baịbụl

²⁴ Jọsụwa ḅe na bebe Izrẹlapụ mamgba na gịsapụma Ekan ḅe kun se, seleḅa ma na, koroḅụchụaye mị na, goli chịn mị na, pịkị Ekan owuapụ awọma na eremeni awọma na, pịkị ananama na, oria ikowarị mị na, pịkị oriaye layelaye mamgba nwọ ọkị; se ini se Ḅụfụka Pẹsịkiri mị mun mẹ.

Jọshụa 7:24 Iomraidhean Croise

Chukusakị 18:25

Pikipikiye ofori-ẹ na, karakaraye mịẹ apụma ị́ ini se siapụma ḅie chụa ḅaa-ẹkẹ. Anị mịẹkaye-ẹ! Ngịsị ị́ ineda ọkọsimeye mịẹkẹ. Ị́ ọkọmịẹ ọkụma iḅiapụma na siapụma na fomuḅara da gbolomaḅịa. Anị ị́ mịẹkaye-ẹ. Bebe sẹkiri mị mgba ḅe ḅẹrẹkọnḅịaḅọ ḅe, ọ̀ karakaraye mị mịẹḅịa.”

Job Ḍiri Mị 20:15

Sitịḅịnyanaḅọ ḅe ò furuḅo ngọma ori ọsụnḅịa; Tamụnọ Ḅe pịkị anị ọkịmẹ, ḅụlọḅie simeaye ma sọ, ori ọkị pakụma ḅomẹ.

Pakaso 20:5

Ọ́ tịḅịtu gbọrị oru sọnị pịrịma pịkị anị tẹkẹma, anịatịḅị Ị̀rị̀ anị Nyanaḅọ ọ́mịna Tamụnọ Ḅe anị sime ị̀ pịrị osi se jịn-a oru pịrị ḅụḅẹlẹḅẹlẹkaḅọ ḅe. Taraka se ị̀ wẹrịma apụma à ḅụfụka se ini pịrịpịrịmẹ, pịkị inia awọma na, ọkịmun tẹrẹ-a ḅụọ na inein-a ḅụọ na la.

Kaḅo Ma 15:27

Kuraka ẹmbẹ ḅụ ị́ sọye mịẹmịẹmẹ ḅẹḅẹ ị́ ị́ furo se ḅụfụka ḅie chuḅịa. Ọḅụfị ma, se ị́ ḍumo ḅọlọ-a ḍin laḅịa.

Ẹklisiastis 5:13

Mị pịkị mị tomonikiri ḅie àrị ọrịsa gbọrị ḅalafamaye-ẹ: tomoni inia igbiki kokomẹ ini ḅi sịkị ini seni fịrị ḅụ chuḅịa ẹrẹchị,

Aịzaya 65:10

Ini ị̀ tẹkẹ tẹkẹḅịa, ini pịkị inia ananama na nambuloma na se mun Sharọn Ḅele nyọ mị ḅụ, ịrụasọsọ nyọ na pịkị Ḅụfụka Pẹsịkiri nwọ chịn nyọ mị ḅụ ịrụapakapaka nyọ ḅụ nama fịaye se namama pịrị àrị fịḅịa.

Hosia 2:15

Á tatarị nyana ḅọrọsa irumịẹ chịnmgbọlụ ozuma à nwọse á pịrịḅịa, se “Ḅụfụka Pẹsịkiri” mị à anị mịẹḅịa anị ḅo ḅọrọ nyọ sọ mun kụrọkuḅie nyọ laḅịa. Anịju, árị ire ḅụ sime se Ijipt ḅie ḅụ ḅo sịkị árị ị̀ ọkị ḅara, á nwọse ị̀ ọkịḅịa.

Jọshụa 15:7

Ḅụfụka Pẹsịkiri mị ḅie sakị mun Diba mị la, pịkị kelema ọgọnọju daọrụ mun Gilgalị mị la, anị Adumim Ḅọrọnyọ mị na damadamaye mị chuku daọrụ pẹsịkiri mị ḅie. Anị ọkịmun Ẹnshimẹsh iderimengi tịḅịju mị la, somun Ẹnrogẹl mị la,

Jọshụa 22:20

Ekan, Zira yaḅe wa sima-ẹ nwọḅẹ ayema ḅụ ḅịpị poki ḍụkụka ọkụ mị ọ́ nwọse ḅiekoroma; bebe Izrẹl sẹ mị mgba anịa fomuḅara damẹ. Ekan ḅe kẹngẹ oria si mị gose fịkẹ.”

Jọshụa 6:18

Ọkụma simaḅịaye goyegoye ó dekima; ó nemikase ye deki ọkụma, ọ́ ḅụfụka na fị na ọkịḅo Izrẹlapụma ikowarịma pike sime nyọ mị pịrịḅịa.

Jọshụa 6:21

Inia kongo ma ini nwọse opuama mị ḅie sime ḅọ goyegoye ḅaafamamẹ, owuapụ na eremeni na, ịwọ awọmẹnị na olomuapụ na. Ini pịkị nambuloma na, ananama na, yepụra asụnma.

Jọshụa 7:1

Nyanaḅọ Ḅe chụa Izrẹlapụma pịrị na, simaḅịaye goyegoye dekima nwọḅẹ oloko mị ini kokokẹ. Ekan nwọ chịn gbọrị owuḅọ anị oloko mị koromẹ, anịẹrẹchị Nyanaḅọ Ḅe Izrẹl mị ḅụ ori opu ịganị nyanamẹ. (Ekan ḅe Kamaị ya-ẹ se Zabdaị ḅe anị oria opuḍaḅọ-ẹ Zira sẹ ḅie ḅọ-ẹ, anị Juda sẹ mị ḅie ḅụ.)

Jọshụa 7:23

Ikowarị mị ḅie ini àrị ọkị pakụmaḅomẹ, àrị deki mun Jọsụwa ḅe na bebe Izrẹlapụ mamgba na pịrị, se àrị seni Nyanaḅọ Ḅe tọrụkuḅu sara koromamẹ.

Jọshụa 7:26

Ini ḍụparịma se oria ọgọnọ sara tundurumamẹ mịmgba sọnị anịju ḅụ àrị pa omi-ẹ. Anịẹrẹchị ini nwọse anị nyọ mị chịnmẹ Ḅụfụka Pẹsịkiri. Anịsịkị Nyanaḅọ Ḅe ọ̀ ḅarị ịganị nyana ini pịrịkẹ.