Jọshụa 7:2 - Kịrịkẹnị Baịbụl

² Jọsụwa ḅe Jẹriko mị ḅie ḅụ ò nweni se Eaị mị fịrịmamẹ, Bẹtẹl mị ḅụ ịrụapakapaka nyọ daọrụ ḅụ sime opuama mị, Bẹt-Avẹn mị na anị na kpekimẹ, ini mun ama mị ẹnyẹ kelema. Ini munse ḅo sịkị,

Jọshụa 7:2 Iomraidhean Croise

Chukusakị 12:8

Anịḅọrọso ọ̀ nwẹngị chuku daọrụ ḅụ chịngịma sime amama damẹ, anị Bẹtẹl opuama mị ḅụ anị ịrụapakapaka nyọ daọrụ mị, anịnyọ ori oria ikowarị mị pikemẹ, anị Bẹtẹl mị ḅụ ịrụasọsọ nyọ mị na Eaị mị ḅụ ịrụapakapaka nyọ mị na ḅe ogboku. Anịnyọ sọnị ori agbamịẹ ẹbẹ pike seni agbamịẹ Nyanaḅọ Ḅe pịrịmẹ.

Chukusakị 28:19

Ọ̀ nwọse nyọ mị chịnmẹ Bẹtẹl (Anị ama mị ini tatarị se anị nemi ẹrẹ anị Lụz.)

1 Amanyanapụ 12:29

Goli se tẹmẹ owoi-a nambuloma ḅụ gbọrịye ọ̀ nwọse Bẹtẹl ḅie koroma mẹ anịsịkị ísíye mị seni Danị ḅie koromamẹ.

Nẹhimaya 11:31

Bẹnjamin sẹ ḅie apụma Giba ḅie na Mikmash na Eaị na, Bẹtẹl na pịkị àrị na kpeki ịwọ amama ḅie na ini angamẹ.

Kaḅo Ma 20:18

Iḅi tetema nwọ ọkị, se mịẹmịẹye ị́rị́ na kpaịnḅịa; ị́ ḅụkarakarama pịrịka owu nwọ pakama.

Kaḅo Ma 24:6

Anịtẹịn anga ị́ iḅiọkụma yese ọrụtọnḅịa anịsịkị ị́ mun ọmụ mị gbin, pịkị ị́ nyana iḅi tetema mịẹse ị́ ọmụḅaraiḅi nyanaḅịa.

Aịzaya 10:28

Tarakapụ owunima Eaị opuama mị ini ọkịsam! Migrọn ḅie ini toluḅọrọsam! Mikmash ḅie inia fịayema ini nwọ seni koromamẹ!

Jerimaya 49:3

Hẹshbọn-a tomoni ómine oloku pakụma! Eaị mị kansam! Raba eremeni ọ́ ḍụẹịn ḍin ḅie sọ! Ómine okuru kaka se ḍụẹịn ḍin, ọ́ mangịma ḅọrọ ḅụḅalaḅala ḅụ. Ọ́mịna oru Mọlẹk ḅe na oria agbamịẹapụma na amanyanaḅọ awọma na ini nwọ desinḅịa.

Hosia 4:15

“Ómine Izrẹlapụ, ó kuḅie-se-ị̀-ḅụgbanaka-sọ, ye Juda sọ anị ḅẹrẹsi mị nyanama. Gilgalị anịkanịka Bẹt-Avẹn nyọ ḅụ, ọ́ tẹkẹma, anịkanịka ḍumogbaso Nyanaḅọ Ḅe ẹrẹ se anị nyọ yeḅerenima.

Matio 10:16

“Ó poki! Anana se piri obiri ogbo ḅie fịrịma ḅara à nwọse ọ́ fịrịma pakụmaḅẹ. Oruwu ḅe yenemi ọkụ ọ́ nwọse yenemi, pịkị okuku ḅe dein ọkụ ọ́ nwọse dein.

Ẹfịsọsịapụ 5:15

Anịẹrẹchị ọ́ tọrụkweinma ọ́mịna ḍumo kọn. Mịẹye nemikapụ ḍumo ọ́ nwọ kọnma, ọkụma yenemiapụ ḍumo ọ́ nwọ kọn.

Jọshụa 12:9

Izrẹlapụma ma opuamama arịa amanyanapụma nẹngịmamẹ: Jẹriko mị na, Eaị (Bẹtẹl mị na kpekima sime sẹ mị na),

Jọshụa 18:12

Ọgọnọju daọrụ mị ḅụ inia eke mị Jọdan mị ḅụ anị sakịmẹ se anị ọkịmun Jẹriko mị ḅụ ọgọnọju daọrụ mị lamẹ, anị tukoro nyọ mị; se ịrụasọsọ nyọ daọrụ ḅụ chịngị-ọgọnọ-sẹ mị tolu ḅọrọ ọkịmun Bẹt-Avẹn onwun ele mị la.

Jọshụa 2:1

Anịsịkị Jọsụwa ḅe mama ama ẹnyẹ apụ Akasia mị ḅie ḅụ ini ikowarịma pike sime nyọ ḅụ nwọ fịrịmamẹ na ini mun ḅọịma Kenan ama mị ẹnyẹ kelema, anịtẹịn anga Jẹriko opuama mị. Ini ḅo opuama mị lasịkị, ini mun Rehab nwọ chịn gbọrị sẹ fị ḅọ ma warị mọnọmẹ.

Jọshụa 7:3

ini ḍuko Jọsụwa ḅe pịrịmẹ; “Nweni mamgba mun Eaị mị na owusọḅịa ḅara anị nwọ simekẹ. Anị ḅọrọ kịnị sọnọ ẹndẹ anịkanịka sọnọma ẹndẹ oyiasi fịnjị kẹngẹ nwọse fịrịma mun. Bebe ọmụogbo mị mgba fịrịma se ini mun anịju owusọma, opuma ḍụḅa amakẹ.”

1 Samụẹl 13:5

Filistia apụma ini ḅo koḅirimamẹ Izrẹlapụma na owusọḅịa ẹrẹchị; kporokporo ọmụarụ ḅụ tẹrẹ-a poku na jie ẹndẹ ini nwọ nyanamẹ, asụn ọgọnọ owunima jie ẹndẹ, pịkị owunima ḅaka ḅara, tọrụ aka onwun ḅaka ọkụ ḅakamẹ. Ini so Mikmash mị mun mẹ, Bẹt-Avẹn mị ḅụ ịrụapakapaka nyọ daọrụ ḅụ, se anịju ini ikowarịma pike simemẹ.

1 Samụẹl 14:23

ini ini na pịrị-a nweni ọkịmun Bẹt-Avẹn mị ḅọrọkoromẹ. Nyanaḅọ Ḅe ori Izrẹl mị ḍụaḅọrọmamẹ anị ene mị ḅụ.

1 Samụẹl 30:27

Ò se Bẹtẹl mị ḅie sime apụma na, Rema mị ḅie sime apụma na anị Juda mị ḅụ chuku daọrụ mị, pịkị Jata mị na sẹịnmamẹ,