Jọshụa 7:11 - Kịrịkẹnị Baịbụl

¹¹ Izrẹl mị anị si mịẹsam! Àrị ini na nyana ḅịpịogbosọ mị ini kansam, anị ini koko à nwọḅẹye mị. Simaḅịaye ma ḅie daye ini nwọ deki ọkịsam. Ini àrị furu se iniaye ma ḅie chụa se, anịaḅụ iruo kọnmẹ.

Jọshụa 7:11 Iomraidhean Croise

2 Amanyanapụ 18:12

Sameria mị ḅịkịmẹ anịatịḅị Izrẹlapụma ini Nyanaḅọ inia Tamụnọ Ḅe ḅịpịpokikẹ, anịnakaraka, ori ini na fị ọḅọkụ mị ini nwọ kanmẹ pịkị Moziz Nyanaḅọ Ḅe fịrịnwẹngịḅọ ḅe chụa ini pịrị oloko mamgba ini kokokẹ. Ini poki ḍụkụ ẹkẹ ini pịkị ḅịpịpoki ḍụkụ ẹkẹ.

2 Amanyanapụ 5:24

Ini ḅo Ịlaịsha ḅe anga chịngị mị lasịkị, Gẹhezaị ḅe mama akpa ma deki mun warị ḅie chumẹ. Anịsịkị ò Neaman fịrịnwẹngịapụma ḅe se ini vinpịkị somẹ.

Aịzaya 24:5

Tomonima ini sẹkiri mị pụlamasam, anị Tamụnọ Ḅe olokoma kan pịkịna ori-ini-na-fị sime gbasoḅịa ọḅọkụ mị kanye gose.

Jerimaya 31:32

Anị olomu sịkị à se inia ḅieju-aḍapụma na fị ọḅọkụ mị kịkẹ ẹkẹ, anị à ḅaraḅụ ini ọlọpakụmaḅo sịkị Ijipt ḅie. Inia ḅụ à deḅọ kịkẹ sọ, ini anị ọḅọkụ mị kokokẹ.

Hosia 6:7

“Ọkụma ini Adam ama ḅie sọ kirikiri àrị ini na fị ọḅọkụ mị ini kanmẹ.

Agbamịẹ Apụ 5:15

Nemikase gbọrịḅọ nemika ḅaraḅụ si mịẹmẹ ḅẹḅẹ, anị osiḅụ sime Nyanaḅọ Ḅe pịrị ayema nwọ seni ọ̀ pịrịka ḅaraḅụ, ḅẹḅẹye ḅụ ofori gbọrị ajirima anịkanịka gbọrị ẹkpẹịn ọ̀ nwọse ḅo yepẹkẹrẹ agba mịẹ seni Nyanaḅọ Ḅe pịrịḅịa. Àrị enema ḅie ini seni fịrịnwẹngị igbiki mị la-ọkụ anị ini ḍiki se ọ̀ la ḅịpị mị na kịẹnmaḅịaye-ẹ.

Habakọk 2:6

Ini inumasa tomonima ini ini inumapụma ḅụfụkamaḅịa, se pịkị ini inia ḅụḅẹlẹkẹ nwọḅẹ ye mị ḍiepakụmaḅịa. Ini nwọ ḅẹḅịa, “Sime ị́ pịrịka ye ị́ nwọ ọkịmẹ, ọkụma ị́ fasam! Ị́ya ala kọn nweni mun nde sịkịlaḅe, ị́ ḅara safịapụma ị́ nwọ pọnjị se ini inia sa ma gbẹịn famaḅe?”

Zẹkaraịa 5:4

Kụrọmamgba Nyanaḅọ Ḅe, nwọ ḅẹmẹ na, ọ̀ mị worinime mị gbo pakụmaḅịa, se anị mun furuḅọ goyegoye warị ḅie sọḅịa, pịkị yekarịfị se iruokọnḅọ goyegoye warị ḅie sọḅịa. Anị inia warịma ḅie sime se ini sima gulugulumaḅịa.”

Matio 22:21

“Sẹtịḅịdaḅọ ḅe aye-ẹ,” ini nwọ pẹkẹrẹmẹ. Anị Jizọs Ḅe nwọse ini ḅẹye-ẹ, “Anị iḅimẹ, anị-ẹ ḅẹḅẹ, sime Sẹtịḅịdaḅọ ḅe pịrịye mị nwọse ọ̀ pịrị, pịkị sime Tamụnọ Ḅe pịrịye mị se Tamụnọ Ḅe pịrị.”

Okunwẹngịapụ 5:9

Anị Pita ḅe nwọse á ḅẹye-ẹ, “Nde ị́rị́ na ị́ de ḅe na gose ḅia se Nyanaḅọ Ḅe Tẹmẹ mị nwọ ḍaḍikiye? Ị́ de ḅe ḍipi owuapụma ḅọkọ ḅụ ini omi-ẹ mị gbọrị sịkị mị ḅụ ini pịkị ị́rị́ sọnị deki pakaḅịa!”

Maịnkarama Oloko 17:2

“Nemikase ọ́ naamẹ na ọ́mịna amama ḅụ gbọrị ama ḅie, anị ḅọrọ owuḅọ anịkanịka eremeniḅọ, Nyanaḅọ Ḅe ḅụ simịẹsam pịkị oria ọḅọkụ mị kanmẹ

Hibru 4:13

Tamụnọ Ḅe tọrọkọ ineda ḅọịḅịaye ofori-ẹ; yegoyegoye tẹmẹ sịkị ngịsị Ọ̀ tọrụkuḅu ḅụ arị kikimakẹ. Pịkị mịna ḅụ ọrị ḅọḅọ nụḅọ opoli tọn Ọ̀ pịrịḅịa.

Jọshụa 23:16

Ó nemikase Nyanaḅọ ọ́mịna Tamụnọ Ḅe tọn ọ́ pịrị na ó koko nwọḅẹ ọḅọkụ mị kokokẹ ḅẹḅẹ, ọ́ pịkị nemikase fịrịnwẹngị jịn-a oru ma pịrị pịkị árị tẹkẹmẹ ḅẹḅẹ, anịọkụma oria ịganị ḅụ ò fomuḅara se ọ́ pịrịḅịa, pịkị ḅọlọka sịkị ḅụ mị ò se ọ́ pịrịsa iḅi ama mị ḅie ọ́mịna ḅụ gbọrịḅọ sọnị ḅarị kọn ẹkẹ.”

Jọshụa 7:1

Nyanaḅọ Ḅe chụa Izrẹlapụma pịrị na, simaḅịaye goyegoye dekima nwọḅẹ oloko mị ini kokokẹ. Ekan nwọ chịn gbọrị owuḅọ anị oloko mị koromẹ, anịẹrẹchị Nyanaḅọ Ḅe Izrẹl mị ḅụ ori opu ịganị nyanamẹ. (Ekan ḅe Kamaị ya-ẹ se Zabdaị ḅe anị oria opuḍaḅọ-ẹ Zira sẹ ḅie ḅọ-ẹ, anị Juda sẹ mị ḅie ḅụ.)

Jọshụa 7:10

Nyanaḅọ Ḅe nwọse Jọsụwa ḅe ḅẹmẹ, “Sịsẹ! Nde ị́ gose nwọse kiri iḅosimeye?

Bẹrẹkọn Apụ 2:20

Anịsịkị Nyanaḅọ Ḅe Izrẹl mị ḅụ opu ịganị nyana se nwọ ḅẹḅịa, “Mị sẹ mị à se inia olomu-a ḍapụma na fị ini koko-ẹ nwọḅẹ ọḅọkụ mị ini anị kansam. Anịatịḅị ini ị̀ ḅịpịpokikẹ,

1 Samụẹl 14:38

Anị Sọl ḅe nwọse tomonima ḅe tịḅịnịma ḅẹye-ẹ, “Ó ḅo wa ini mịẹ si mị nwọ ḍọkị pakụmaḅo mịmgba mị ḅụ.