Jọshụa 7:1 - Kịrịkẹnị Baịbụl

¹ Nyanaḅọ Ḅe chụa Izrẹlapụma pịrị na, simaḅịaye goyegoye dekima nwọḅẹ oloko mị ini kokokẹ. Ekan nwọ chịn gbọrị owuḅọ anị oloko mị koromẹ, anịẹrẹchị Nyanaḅọ Ḅe Izrẹl mị ḅụ ori opu ịganị nyanamẹ. (Ekan ḅe Kamaị ya-ẹ se Zabdaị ḅe anị oria opuḍaḅọ-ẹ Zira sẹ ḅie ḅọ-ẹ, anị Juda sẹ mị ḅie ḅụ.)

Jọshụa 7:1 Iomraidhean Croise

Chukusakị 34:27

Ini ini ḅaaso sịkị, Jekọb ḅe oria ísí owuapụ awọma, á tịḅị sowu ḅi gose mun ama mị ọfọịnmẹ, ini inia nụmbụrarọ ma ḅụgereremaye gose.

2 Samụẹl 24:1

Gbọrị sịkị ḅụ Nyanaḅọ Ḅe ọ̀ pịkị Izrẹl ḅụ ịganị nyanamẹ, se ò Devid ḅe mịẹse ọ̀ ḅụfụka ọkịḅo inia ọgọnọ gbanamẹ. Nyanaḅọ Ḅe nwọse ọ̀ ḅẹmẹ, “Mun Izrẹl mị na Juda mị na ḅie tomonima kịẹn.”

2 Amanyanapụ 5:24

Ini ḅo Ịlaịsha ḅe anga chịngị mị lasịkị, Gẹhezaị ḅe mama akpa ma deki mun warị ḅie chumẹ. Anịsịkị ò Neaman fịrịnwẹngịapụma ḅe se ini vinpịkị somẹ.

1 Amanyanapụ Sịkị Mịẹaye Ma 21:7

Ini mịẹye mị Tamụnọ Ḅe ḅụḅẹlẹka ẹrẹchị, ò fomuḅara seni Izrẹl mị pịrịmẹ.

2 Amanyanapụ Sịkị Mịẹaye Ma 24:18

Anịḅụ tomonima ini ḅarị Oputẹkẹwarị ḅie Nyanaḅọ, inia ḅieju-aḍapụma Tamụnọ Ḅe tẹkẹtẹkẹkẹ, se sakị oru ma na ini kara Ashera eremeni oru mị na nwọ tẹkẹaḅẹ. Ini mịẹarị sima ḅe ḅẹrẹsi Nyanaḅọ Ḅe ịganị ọkịḅo Juda na Jerusalẹm na ọgọnọ gbanamẹ.

Ẹzra 9:6

À nwọḅẹmẹ, “Yei! Tamụnọ, ị̀ ḅụ opuma gereremẹ ị́ tọrụkuḅu ị̀ tịḅị dekichịẹma. Mịna sima àrị kpokponima se gele mịna tịḅị ma nẹngị mun so mị lamẹ.

Job Ḍiri Mị 35:8

Jịn apụ ị́ya sima gose tọrụsiọrịmẹ, se ị́ mịẹ iḅi mị ḅarachụa ini pịrịmẹ.

Ẹklisiastis 9:18

Yenemi mị iḅiye mịẹtẹịn owusọaye nẹngịmẹ, ọkụma simịẹmịẹ gbọrịḅọ ineda tọn-a iḅiaye simaḅịa.

Danịẹl 9:7

Ị́rị́ Nyanaḅọ Ḅe, sịkịmamgba karakaraye anị ị́ mịẹmịẹye-ẹ, ọkụma wa sịkịmamgba ḅụgerere ọkịḅo mịnaḅụ pịrịpịrịmẹ. Mịn mị mine mgba ḅụ kọkọmaye-ẹ, mine Judia ḅie na, Jerusalẹm ḅie na angapụma, pịkị Izrẹlapụ mamgba anị ị́ galagalama sẹma ḅie chuapụ ma, ini kuḅie se ị́ ḅụgbanakaye gose.

Agbamịẹ Apụ 10:6

Anịsịkị Moziz ḅe nwọse Erọn ḅe na oria owuapụ awọ Ẹleaza ḅe na Itama ḅe na ḅẹmẹ, “Ọ́mịna tịḅị inime ma adalaka ḅaraḅụ ó se koromama, ọ́mịna ḅụchụayema sọnị ọ́ kanma, ọ́ ḅụ se kururu ḅara wẹrịma. Ómine ọkọ mịẹmẹ ḅẹḅẹ, ọ́ fịḅịa, se Nyanaḅọ Ḅe ori ịganị nyana bebe tomoni kpo mị mgba pịrịḅịa. Ọkụma ọ́mịna juo Izrẹlapụ mamgba ini ḅereni ini pịrị se ini mị fị mị gose kururuḅịa, anị Nyanaḅọ Ḅe se sẹịn fịnị mị mịẹye mị.

Jona 1:7

Onwoin arụ dọkụ apụma nwọse jụmḅọ jụmḅọ ḅẹmẹ, “Ó ye wa ịkịan wakị se wa se mị ḅụfụka mị ḅie chuarịḅọ nwọ nemi.” Ini ọkọ mịẹmẹ, se Jona ḅe ẹrẹ ḅụ anị koromẹ.

Jọshụa 22:16

se Nyanaḅọ Ḅe oria tomoni kpo mị tịḅị gose ọkwẹịn kọn ini pịrịmẹ, ini nwọse ini ḅẹmẹ, “Ó che gose nwọ sime siye mịẹ Izrẹl Tamụnọ Ḅe ḅụ? Ọ́ ḅarị ò ḍuko nwẹngịkẹ!

Jọshụa 22:18

Mịọkụ ọ́ ḅarị ò ḍukonwẹngị ẹka mọnọ? Ó nemikase mịmgba nyana ḅereni Nyanaḅọ Ḅe pịrịkẹ ḅẹḅẹ, ori ịganị nyana Izrẹl mị ḅie ḅọḅọ pịrịḅịa ḅa ḅụ.

Jọshụa 22:20

Ekan, Zira yaḅe wa sima-ẹ nwọḅẹ ayema ḅụ ḅịpị poki ḍụkụka ọkụ mị ọ́ nwọse ḅiekoroma; bebe Izrẹl sẹ mị mgba anịa fomuḅara damẹ. Ekan ḅe kẹngẹ oria si mị gose fịkẹ.”