Jọshụa 6:23 - Kịrịkẹnị Baịbụl

²³ Anị ini mun Rehab ma ọkị pakụmaḅoye-ẹ, pịkị ḍawu ḅe na, nyọngọrọma na, árịa mịnapụ owuapụma na pịkị ísí á furo ḅie apụma na. Inimgba ini ini ọkịmẹ, furo mị na omoniapụ ma na, ḅara ini laka ḅaraḅụ Izrẹlapụma ikowarịma pike sime nyọ mị ḅụ ini kpekima simemẹ.

Jọshụa 6:23 Iomraidhean Croise

Chukusakị 12:2

À ḅakama awọ se ị́ pịrịḅịa, ini opu sẹ sọḅịa. À ḅakama ị́ ḅẹlẹmaḅịa; à pịkịna mịẹḅịa ị́ya ẹrẹ mị opuma soḅịa; à mịẹsosịkị ị́ ḅo ḅẹlẹma sọḅịa.”

Chukusakị 18:24

Nemikase karakaraye mịẹ apụ ḅụ kịnị-a mesi oyi fịnjị opuama mị ḅie sime ọkụma, bebe opuama mị mgba ị́ famaḅe? Ị́ ḅarasin anị pịrị-ẹka kịnị-a mesi oyi fịnjịma tịḅị gose?

Chukusakị 19:29

Ọkụma Lọt ḅe gbọrị sịkị ḅụ anga sime pẹsịkiri mị ḅie opuamama, Tamụnọ Ḅe nwọ fama-ẹtọn-a sịkị, ori Ebraham ḅe se ḅiekoromamẹ se ḅereni Lọt ḅe pịrị se, ọ̀ fị mị ḅie pọkọsomẹ.

Kịẹnḅịpị Ma 31:19

Mịọkụ ọ́mịna ḅie nweni ḅaasaḅọ anịkanịka ḅara se ḍụẹịn lamasaḅọ goyegoye wa pike sime nyọ mị ḅie nụḅọ sọka mun sọnọma ḍin nwọ laḅịa. Tẹrẹ-a ḍin karama ene mị na pịkị sọnọma ḍin karama ene mị na ḅụ ómine na ọ́ kun eremeni ma na ómine ọ́ḅụ mịẹfịafịama.

Okunwẹngịapụ 10:28

Ọ̀ nwọ seni ini ḅẹmẹ, “Ómine na mịnaḅụ na nemimẹ na Ju ḅọ ḅe Tamụnọ tẹkẹ ḅara mị gose ò Jịnsẹapụ lalakẹ ọ̀ pịkị ḅụ se ini pịrịpịrịkẹ. Ọkụma Tamụnọ Ḅe anị se ị̀ ḍiesam na à fịafịaka na pụlasa ḅọ tọrụ nwọse gbọrị tomoniḅọ sọnị ḍiki ma-ẹ.

Okunwẹngịapụ 27:24

se ọ̀ nwọse ị̀ ḅẹmẹ, ‘Ḅalafama, Pọl! Mịẹse Siza ḅe tọrọkọ ị́ chịẹ ẹkaye ofori-ẹ. Tamụnọ Ḅe ori iḅi mịẹ ḅara ḅụ ị́ gose, ị́rị́ na arụ mị ḅie sime apụ mamgba ḍumo nyanasam.’

1 Kọrịntapụ 5:12

Anịḅe kuluma, ị̀ya kirikẹ, ḅẹrẹpẹlẹ jịn apụ pịrị. Tamụnọ Ḅe mị ḅẹrẹpẹlẹ ini pịrịḅịaye-ẹ. Ọkụma ómine na gbọrị ḅereni nyana apụma ọ́ ḅẹrẹkọn ini pịrị ẹka? Fịafịa ḍiri mị ḍuko ḅara, “Ọ́mịna ḅie ó si ḅọ ḅe desin.”

Ẹfịsọsịapụ 2:12

Anịsịkị mị ọ́ Kraịst Ḅe ḅụ sikimamẹ. Ómine igoniapụ-ẹ, Tamụnọ Ḅe sẹlẹọkị-a tomonima ḅie ómine ofori-ẹ, ọḅọkụ ma ḅie ó ḍiekiri nyanakẹ, anị Tamụnọ Ḅe ḅereni oria tomonima pịrịaye ma ḅụ sẹrẹrẹ-aye ma, se mịn tomonikiri mị ḅie tọrụseḍikiye nyanaka pịkị Tamụnọ nyanaka ḅara ḅụ ó simemẹ.

Hibru 11:31

Ḅereni mị, mị mịẹse ini sẹfị Rehab ma ḅaakaye-ẹ, ini Tamụnọ Ḅe ḅịpịpokika apụma nwọ ḅaa sịkị anịatịḅị árị ikiapụ ḅara nwọse ama ẹnyẹ-ẹ mun Izrẹlapụma ọkịmẹ.

Hibru 11:7

Ḅereni mị, mị mịẹse Noa ḅe Tamụnọ Ḅe ḅerijine mị nwọ naaye-ẹ, tọrọkọju ḅoḅịaye ḅụ anị ori ineda ọrịkaye mị. Ọ̀ Tamụnọ Ḅe ḅịpịpoki se arụ ịkasị se ọ̀ ḅụ na ò furo mị na nwọ ḍụaḅọrọmamẹ. Anị mị ḅụ ḅẹrẹsi sime tomonikiri mị pịrịmẹ, se Noa ḅe Tamụnọ Ḅe ḅara ḅereni ḅụ ḅọrọ ḅo karakaramịẹmịẹye mị nwọ nyanamẹ.

Jọshụa 2:13

Ó yeḅereni ị̀ pịrị na ómine ị̀ ḍaḅe na ị̀ nyengima na ḍụaḅọrọmaḅịa, ị̀ya mịnapụ owuapụma na eremeni ma na, pịkị inia furo mamgba na. Ó ḅereni ini wa ḅaa ma!”

Jọshụa 2:16

Á nwọse ini ḅẹmẹ, “Ó so chịngị ọgọnọ sẹ mị ḅie mun, anịka ọkụma amanyanaḅọ ḅe oria tomonima ini ómine ọrịḅịa. Ómine anịju ḅọị mun tẹrẹ-a ḍin la; ọkịmun ini vinpịkịḅo sịkị la. Anịsịkị mị ḅọrọsa ḅẹḅẹ ómine ineda soḅịa.”

Jọshụa 2:18

Mịn gbarịmaka ḅaraḅụ ị́ mịẹḅịaye-ẹ. Wa ḅo ọ́mịna ama mị gbẹịnmachịẹsa ḅẹḅẹ, mịn pulo-pulo ḍiki mị se ị́ wa se tolukoroma pẹlẹḅọkọ mị ḅụ kpọ. Ị́ ḍaḅe na ị́ nyengima na, ị́ya mịnapụ owuapụma na pịkị ị́ ḍaḅe furo mị mgba na koḅiri ḅo ị́ya warị ḅie wẹrị.

Bẹrẹkọn Apụ 1:25

Anịẹrẹchị ò se ini ḍiemẹ, se Ifrem apụma na, Manasẹ apụma na opuama mị ḅie sime ḅọ goyegoye ḅaa famamẹ, ọkụma ḅe ḅọ ḅe na ò furo mị na kẹngẹ kọnmẹ.