Jọshụa 6:21 - Kịrịkẹnị Baịbụl

²¹ Inia kongo ma ini nwọse opuama mị ḅie sime ḅọ goyegoye ḅaafamamẹ, owuapụ na eremeni na, ịwọ awọmẹnị na olomuapụ na. Ini pịkị nambuloma na, ananama na, yepụra asụnma.

Jọshụa 6:21 Iomraidhean Croise

1 Amanyanapụ 20:42

Anịsịkị ịkịankoroḅọ ḅe nwọse amanyanaḅọ ḅe ḅẹmẹ, “Mịn Nyanaḅọ Ḅe Kọn ọkwẹịn mị-ẹ: ‘Àrị ị́ ḅẹ na ḅaa nwọḅẹ ḅọ ḅe, ị́ ọ̀ wẹrịso se ori ị́ ḅara pẹlẹma sosaye ẹrẹchị ị́ ḍumo ị́ nwọse anị gbẹịnḅịa, se ị́ya ọmụogbo mị anị ḅaa ḅụ sọḅịa ini ini wẹrịso se oria ọmụogbo mị inia ḅara pẹlẹma soye ẹrẹchị.’”

Jerimaya 48:18

Ómine Dibọn angapụma, ó koroḅo anị osi nyana nyọ ḅụ se ḅo kiri fọn ḅie sime; Moab kanḅọ ḅe ọ̀ mị ju omi-ẹ ọ̀ pịkị anịa ọmụ warịma kansarasam.

Maịnkarama Oloko 13:16

Anịa ḅie anga apụma nyana aye mamgba ọ́ nwọ ọkịḅo ama ogbo sara tunduruma. Anịsịkị ómine ama mị na anịa ḅie simeye goyegoye nwọ dọkịma se agbamịẹ Nyanaḅọ ọ́mịna Tamụnọ Ḅe pịrị. Anị kan saraḅụ sime gbasoḅịa, ini ḅarị jịn sịkị se anị nama ẹkẹ.

Maịnkarama Oloko 2:34

Anị gbọrị sịkị mị ḅụ wa oria ama goyegoye ọkị pịkị àrị kansinmẹ, se tomoniḅọ goyegoye ḅaasinmẹ, owuapụma na, eremeni ma na, pịkị awọmẹnịma na. Gbọrịḅọ sọnị wa kọnmakẹ.

Maịnkarama Oloko 7:16

Nyanaḅọ ọ́mịna Tamụnọ Ḅe se ọ́mịna ḅara dẹrịsa sẹ mamgba ọ́ ḅaafama, ó ḍikitịḅịfoin nyana ini pịrịma. Inia oru ma ómine àrị tẹkẹma, anịatịḅị anị opu fa ọkịḅo ọ́ pịrịḅịa.

Jọshụa 10:28

Anị ene mị ḅụ Jọsụwa ḅe ori owuse Makida mị paka se anị ọkịmẹ pịkị anịa amanyanaḅọ ḅe na. Opuama mị ḅie simeḅọ goyegoye ọ̀ ḅaamẹ; gbọrịḅọ kẹngẹ sọnị ḍumokẹ. Ò se Jẹriko amanyanaḅọ ḅe mịẹ ọkụ anị ọ̀ pịkị se Makida amanyanaḅọ ḅe mịẹ ọkụ-ẹ.

Jọshụa 10:39

Ori anị ọkịmẹ anịa amanyanaḅọ ḅe na pịkị anị na kpeki ama mamgba na. Anịju ḅụ simeḅọ goyegoye ini ḅaamẹ. Jọsụwa ḅe ò se Hibrọn mị na Libna mị na pịkị anịa amanyanaḅọ ḅe na mịẹ ọkụ mị anị ọ̀ pịkị se Diba mị na anịa amanyanaḅọ ḅe na mịẹ ọkụ-ẹ.

Jọshụa 11:11

Anịju ḅụ simeḅọ goyegoye ini ḅaamẹ; gbọrịḅọ sọnị ḍumokẹ, opuama mị sọnị ini dọkịmamẹ.

Jọshụa 11:14

Izrẹlapụma mịna opuamama ḅie yelaye ma na pịkị inia namama na ọkị se somẹ. Ọkụma tomoniḅọ goyegoye ini ḅaamẹ; ḍumo ḅụ sime gbọrịḅọ sọnị ofori-ẹ.

Jọshụa 8:2

Ị́ se Jẹriko mị na anịa amanyanaḅọ ḅe na mịẹ ọkụ anị ị́ pịkị se Eaị mị na anịa amanyanaḅọ ḅe na mịẹḅịa ọkụ-ẹ, ọkụma mị sịkị anịa ngọma na namama na ómine árị ọkịḅịa. Ḅụkarakarama se ọḅụ owu se opuama mị paka.”

Jọshụa 8:22

Opuama mị ḅie sime Izrẹlapụma sọnị pakaḅo ọmụ mị gbinmẹ. Eaị apụma ḍọkịḅo ọrịmẹ na Izrẹlapụma ini ini ḍẹkị kelemasam, ini inimgba ḅaafamamẹ. Gbọrịḅọ sọnị sokẹ, pịkị ḍumoḅụ anịa ḅie toluḅọrọḅọ sọnị ofori-ẹ

Jọshụa 9:3

Ọkụma Gibiọn apụma, anị Hivaị apụma, Jọsụwa ḅe se Jẹriko mị na, Eaị mị na mịẹye mị nwọ naa,

Ḍieḅelema Yema 18:21

Anịsịkị gbọrị opu enjẹlḅọ gbọrị opu yegbẹịn ḍụparị deki tọrụ mị ḅie gbinmẹ. Se ọ̀ nwọ ḅẹmẹ, “Mịn gbọrị ḅara mị, anị ini Babilọn opuama mị nwọ dekigbinḅịa ọkụ-ẹ, se ini ḅarị ngịsị anị ọrị ẹkẹ.

1 Samụẹl 15:3

Somun owu seni Amalẹk apụma paka se okorona okorona ini nyanaye goyegoye simafama. Gbọrịye sọnị kọnmama, owuapụma na, eremeni ma na, awọmẹnịma na, pịkị ḅara ḅie sime awọmẹnị mamgba na ḅaafama; nambuloma na, ananama na, ike-nambuloma na, pịkị yepụra asụnma na.”

1 Samụẹl 15:8

Amalẹk amanyanaḅọ Egag ḅe fị̀ka ḅụ ori ò kun ọkịmẹ se ò tomoni mamgba ḅaamẹ.