Jọshụa 6:2 - Kịrịkẹnị Baịbụl

² Se Nyanaḅọ Ḅe nwọse Jọsụwa ḅe ḅẹmẹ, “à mịẹḅịa Jẹriko mị na anịa amanyanaḅọ ḅe na pịkị kụrọ kuḅie nyana owuni mamgba na ị́ nwọ inuma.

Jọshụa 6:2 Iomraidhean Croise

2 Samụẹl 5:19

Devid ḅe nwọse Nyanaḅọ Ḅe gbelamẹ, “Filistia apụma à mun owu se ini paka? Ị́ ọmụḅaraiḅi se ị̀ pịrịḅe?” Nyanaḅọ Ḅe pẹkẹrẹmẹ, “Iin, owu se ini paka!” “Àrị ọmụḅaraiḅi se ị́ pịrịḅịa!”

Nẹhimaya 9:24

Ini Kenan ama mị nẹngịmamẹ; ị́rị́ anịnyọ ḅụ angapụma nẹngịmamẹ. Ị́ya tomonima ị́ kụrọ seni ini pịrịmẹ inia ḅụḅẹlẹ ḅara ini nwọse anịanga ḅụ tomonima na Kenan amanyanapụma na mịẹ.

Danịẹl 2:21

Ọ̀ ḅẹrẹtọn se sịkị mị na pakarị yema pịrịmẹ; ori amanyanapụ tọnmẹ ọ̀ pịkị amanyanapụ sin koromamẹ; nemi na yekaịnḅo na pịrịarịḅọ ḅe ori-ẹ. 12

Danịẹl 2:44

Anịapụ ma sẹma da àrị sịkị, soḅie sime Tamụnọ Ḅe ò kuluma nyanaka sẹ nwọ mịẹ pakụmaḅoḅịa. Ini ineda anị kan ẹkẹ, ọkụma anị ísí-a sẹ mamgba kansinḅịa se ḅo sime gbasoḅịa.

Danịẹl 4:17

Mịn anị ọbị-na-kịla-na ḅụ koru àrị enjẹlapụma inia ḅẹrẹpẹlẹḅịpị-ẹ. Anịọkụma, ye nyọnyọ ḅụ sime apụ mamgba nemi na Geletẹịn Tamụnọ Ḅe ọ̀ kụrọ nyanamẹ, tomoni amanyanakiri ma ḅụ, ọ̀ pịkị anị ḅaraḅụ ineda àrị se ọ̀ ḅụḅẹlẹḅọ pịrịḅịa—ngịsị yeḅụsọkaḅọ sọnị.’

Danịẹl 4:35

Yeḅụoforikapụ ḅara ọ̀ nwọse sẹkiri ḅie sime apụma ḍikimẹ; soḅie sime enjẹlapụma na sẹkiri ḅie sime-a tomonima na oria ḅẹrẹtọn chuku ḅie ini omi-ẹ. Gbọrịḅọ sọ ofori-ẹ ineda ọ̀ tọnsaye na tụḅụrụḅịaḅọ anịkanịka ọ̀ mịẹsaye ḅụ cheye gose nwọse ò gbelaḅịaḅọ ofori-ẹ.

Danịẹl 5:18

“Geletẹịn Tamụnọ Ḅe ị́ ḍa Nebukadneza ḅe se opu amanyanaḅọ mịẹmẹ se osi na amanyana opu na nwọse ọ̀ pịrịmẹ.

Maịnkarama Oloko 7:24

Ori inia amanyanapụma se ọ́mịna ḅara dẹrịḅịa. Se ómine ini ḅaaḅịa se tomoni ini seni ḅieḅaramaḅịa. Ineda ómine dachịẹmaḅịaḅọ ofori-ẹ; ó tomoni goyegoye ḅaafamaḅịa.

Jọshụa 12:9

Izrẹlapụma ma opuamama arịa amanyanapụma nẹngịmamẹ: Jẹriko mị na, Eaị (Bẹtẹl mị na kpekima sime sẹ mị na),

Jọshụa 2:24

se nwọ ḅẹmẹ, “Wa iḅiọkụ nemimẹ na Nyanaḅọ Ḅe bebe sẹ mị mgba ò se wa pịrịsam. Anịju ḅụ sime apụ mamgba ḅalafa inia ḅụ sọsam mine gose.”

Jọshụa 2:9

se nwọse ini ḅẹmẹ, “À nemimẹ na Nyanaḅọ Ḅe mị ama mị ò se ọ́ pịrịsam. Sẹ mị ḅie simeḅọ goyegoye ọ́mịna ḅalafa nụḅọ ḅụ sọsam.

Jọshụa 20:1

Gbọrị ene Nyanaḅọ Ḅe nwọse Jọsụwa ḅe ḅẹmẹ

Jọshụa 6:1

Ọkụma mị Jẹriko opuama mị onu-a ḅọkọ ma ini palịmẹ, Izrẹlapụma gose. Mịẹso ọkụma gbọrịḅọ sọnị ineda opuama mị ḅie sọmun-ẹkẹ pịkị paka-ẹkẹ.

Jọshụa 6:3

Ị́rị́ na ị́ya owunima na ene gbọrị sịkị, gbọrị sịkị ọ́ nwọse opuama mị nwẹngị kelema mun sonio-a ḍin nwọ laḅịa.

Jọshụa 8:1

Nyanaḅọ Ḅe nwọse Jọsụwa ḅe ḅẹmẹ, “Owuni mamgba ọkị ị́ ḅụchụa se ini na so Eaị ama mị mun. Ḅalafama pịkị kuḅie lọkọmama. Àrị anị mịẹ sarasarama ị́ pịrịḅịa ị́ Eaị amanyanaḅọ ḅe nẹngịmaḅịa; oria tomonima na, opuama mị na, pịkị amakiri mị na ị́yaye sọḅịa.

Bẹrẹkọn Apụ 11:21

Ọkụma Nyanaḅọ Ḅe, Izrẹl Tamụnọ Ḅe ọ̀ mịẹse Izrẹlapụma ini Saịhọn ḅe na oria ọmụogbo mị na nẹngịmamẹ. Anị ḅụ Izrẹlapụma ini Amọraị apụ eke mị mgba nwọ ọkịmẹ anị anị sẹ mị ḅie anga apụma.

Bẹrẹkọn Apụ 11:24

Mịọkụ ị́ ḅo kpoto anị ọkị oḅo-o? Ọ́mịna oru Kimọsh mị se ọ́ pịrịye omi-ẹ ḅẹḅẹ ómine anị mị ọlọchịẹma. Ọkụma Nyanaḅọ, mịna Tamụnọ Ḅe ọkị wa pịrịye goyegoye wa anị ọlọchịẹmaḅịa.