Jọshụa 5:9 - Kịrịkẹnị Baịbụl

⁹ Nyanaḅọ Ḅe nwọse Jọsụwa ḅe ḅẹmẹ, “Mịmgba Ijipt mị ḅie omonisọ mị anịa ḅụgerere mị ọ́mịna ḅụ àrị anị sinsam.” Anị ini gose Gilgalị nwọse nyọ mị chịnye-ẹ, anị mịọkụ sọnị anị ẹrẹ-ẹ.

Jọshụa 5:9 Iomraidhean Croise

Chukusakị 34:14

Ini nwọse ọ̀ ḅẹmẹ, “Wa ḅereni ẹkẹ mịna nụmbụrarọ ma mun ḅụpẹlẹkaḅọ nwọ sime, anị ḅụgereremaye sọ wa pịrịḅịa.

2 Samụẹl 19:15

Amanyanaḅọ ḅe pịkịmasoarị sịkị, Juda owuapụma mun Jọdan Tọrụ mị ḅụ ori na ịrịamẹ, Gilgalị mị ḅụ ọ̀ ḅọrọma tọrụ mị saḅaḅịa ẹrẹchị.

Nẹhimaya 12:29

pịkịna Bẹt-Gilgal na, Giba na pịkịna Azmavẹt na ḅie ḅụ ini wẹrị ḅomẹ.

Fịafịa Nime 119:39

À ḍikiḅalafa àrị wọlọ ma ḅie ị̀ ḍụa; ị́ya ḅẹrẹkọn mị ḅụgbiripumamẹ!

Jerimaya 9:25

Nyanaḅọ Ḅe ọkọ ḅẹmẹ, “Sịkị mị ḅoaḅẹ à fomuḅara se Ijipt na Juda na Idọm na Amọn na Moab na, pịkị onwun ele ḅie-a tomonima pịrịḅịa, anị inia tịḅị inime ma kịrị iderima apụma. Mịna tomoni mamgba inia ḅụ ma pẹlẹmẹ, ọkụma oloko mị fieye ma ini kokokẹ. Mịna tomonima ḅụ gbọrịapụ sọ pịkị Izrẹl-a tomonima na ị̀ya ọḅọkụ mị kokokẹ.”

Izikịẹl 23:3

Ini bokaḅụ Ijipt ḅie anga sịkị ḅụ ini inia owuapụ nemika mị famamẹ, se iniḅo amanwẹngị ere nwọsọmẹ.

Izikịẹl 23:8

Ijipt ḅie árịa owuḅọ nemika mị á nwọ fama sịkị ngịsị á kọn sime sẹfị mị ḅụ á ye sin ḍụkụkẹ. Arịa bokaḅụ ngịsị á sẹfị mẹ se ini pịkị á se sẹfịḅọ mịẹmẹ.

Hosia 4:15

“Ómine Izrẹlapụ, ó kuḅie-se-ị̀-ḅụgbanaka-sọ, ye Juda sọ anị ḅẹrẹsi mị nyanama. Gilgalị anịkanịka Bẹt-Avẹn nyọ ḅụ, ọ́ tẹkẹma, anịkanịka ḍumogbaso Nyanaḅọ Ḅe ẹrẹ se anị nyọ yeḅerenima.

Agbamịẹ Apụ 24:14

“Oriḅọ ḅe ó pike ịnyọsara sime anga mị ḅụ ori ọkị paka. Ò nime mị wori sịkị naaḅọ naaḅọ ḅara se tomoniḅọ ḅe tịḅị gbana se ḍuko pakụma na ḅẹrẹ ọ̀ ḅarasimẹ, anị sịkị bebe Izrẹl sẹ mị mgba imgbele se ò gbin ḅaaḅịa.

Emọs 5:5

Ọ́ Biashiba mun tẹkẹmẹ. Ọ́ Bẹtẹl ḅie ị̀ ḍọkịma—Bẹtẹl ḅarị ḅo yesọ ẹkẹ. Ó Gilgalị munma—anịa tomonima ini desin ḅụ faḅie sọḅịa.”

Maịka 6:5

Ị̀ya tomoni, ó se ḅiekoroma, Belak, Moab amanyanaḅọ ḅe, tọn se se ọ́ mịẹ ḍọkịye mị, se Belam, Beọ tọkụ ḅe, se ọ̀ pẹkẹrẹ ḅara mị na. Ó se ḅiekoroma ateli ḅụ pakaye ma, Akasia ḅụ ó sime ịnyọ sara se ó so Gilgalị mun-arị sịkị. Ọ́ mayema se ḅiekoroma, se ọ́ pịkị ọrịḅoḅịa àrị ọ́ ḍụaḅọrọma ḅịa ẹrẹchị à mịẹaye ma.”

Zẹfanaịa 2:8

Kụrọmamgba Nyana Tamụnọ Ḅe nwọ ḅẹmẹ, “À naasam Moab apụma na Amọn apụma na ḅara wẹrịma ị̀ya tomonima wọlọ se ini mịẹsima ḅara, ini pịkị ḅịpịboma aḅẹ na ini inia ḅara ḅụ inia kirima kọrịḅịa yemị na.

Jọshụa 24:14

“Anịẹrẹchị mịọkụ, Jọsụwa ḅe nwọse ini ḅẹmẹ, ómine osi se Nyanaḅọ Ḅe pịrị, kuḅie se ḅụgbana gbẹịn ḅara na pịkị ọ̀ ḅụ ḅereni nyana ḅara na se fịrịnwẹngị ọ̀ pịrị. Ọ́mịna olomu-a ḍapụma Mẹsopotemịa mị na Ijipt mị na ḅie tẹkẹ sime oru mamgba ọ́ nwọ wokuma, se fịrịnwẹngị Nyanaḅọ Ḅe kẹngẹ nwọ pịrị.

Jọshụa 4:19

Tomonima kụra mị ḅie ngei akalụ mị ḅụ oyi-a ḍin ene anị ini Jọdan mị saḅa se mun Gilgalị mị ḅie ikowarịma pike simeye-ẹ, Jẹriko mị ḅụ ịrụapakapaka nyọ daọrụ mị.

Jọshụa 5:8

Ḅụpẹlẹ mị ḅo kuluma sịkị, bebe sẹ mị mgba ini pike sime ikowarịma ḅie sime mun inia ḅụ ma ḅịa sịkị lamẹ.

1 Samụẹl 14:6

Jonatan ḅe nwọse asẹmẹnịḅọ ḅe ḅẹmẹ, “Ye wa saḅa mun anị oruḅẹrẹnemi Filistia apụma ikowarịma pike sime nyọ mị mun. Sosi Nyanaḅọ Ḅe ọ̀ ḅarachụa wa pịrịḅịa; ò nemikase ḅarachụaḅịa-ọkụma, ineda ò kiki se ori ọmụḅaraiḅi se wa pịrị-ẹkaye ngịsị ofori-ẹ; wa boka la-ọkụ la-ọkụ sọnị.”

1 Samụẹl 17:26

Devid ḅe ori ori-na-kpekima sime apụma gbelamẹ, “Ḅe Filistiaḅọ ḅe ḅaa se mị ḅụgerere mị Izrẹl mị ḅụ nwọ sinḅọ che gbẹịnye nụḅọ nwọ nyanaḅe? Ọkụma, ḅe oru ḅẹrẹnemi Filistiaḅọ ḅe sọnị ḅọrọ tụḅọ, se ḅo ḍumo sime Tamụnọ Ḅe ọmụogbo mị se papaye mịẹḅe?”

1 Samụẹl 17:36

À chịrịḅa ḅe na piri obiri ḅe na ḅaaḅaa ḅara mị anị à pịkị ḅe oruḅẹrẹnemi Filistiaḅọ ḅe mịẹḅịa ọkụ-ẹ, anị ḍumo sime Tamụnọ Ḅe ọmụogbo mị se papaye mịẹarịḅọ ḅe.

1 Samụẹl 7:16

Kụra goyegoye ò so Bẹtẹl mị na, Gilgalị mị na, pịkị Mizpa mị na nwẹngị kelema kelemamẹ, se ma sẹma ḅụ ini nyana ịgbanịaye ma ọ̀ kọn fama ini pịrịpịrịmẹ.