Jọshụa 5:2 - Kịrịkẹnị Baịbụl

² Anịsịkị mị ḅụ Nyanaḅọ Ḅe nwọse Jọsụwa ḅe ḅẹmẹ, “Ḍụparị ọkị se kingi mịẹ se Izrẹlapụma ḅụpẹlẹ maịn karama sịkịḅụ.”

Jọshụa 5:2 Iomraidhean Croise

Pakaso 4:25

Anị tarọ Zipọra ma, oḅu ḍụparị deki seni árịa tọkụ ḅe ḅụpẹlẹ se, anị seni Moziz ḅe ḅụọma lamaye-ẹ. Ḅụpẹlẹ mịẹmịẹye mị gose á nwọse Moziz ḅe ḅẹmẹ, “Ị́ tomoniḅọ pulo deḅọ sọ ị̀ pịrịsam.” Anịẹrẹchị Nyanaḅọ Ḅe Moziz ḅe ḍumo mị wẹrịso ọ̀ pịrịmẹ.

Romapụ 2:29

Anịnakaraka, jokoma Juḅọ ḅe anị ḅieju ḅụ Juḅọ ḅe-ẹ, mịn mị fiearịye anị kuḅie ḅụ ḅụpẹlẹsa ḅọ ḅe-ẹ, mịn mị anị Tamụnọ Tẹmẹ Ḅe oria fịrị-ẹ, gịẹịn Oloko mịkẹ. Ọkọsime ḅọ Tamụnọ Ḅe ḅara tokoniḅịpị nyana-nyanamẹ; tomoni-a ḅaraḅụkẹ.

Romapụ 4:11

Anị mị ḅọrọ mị ọ̀ ḅụpẹlẹye-ẹ, ori ḅe ḅụpẹlẹ mị elekima nwọ sọmẹ, anị ḍiepakụmamẹ na Ebraham ḅe ọ̀ Tamụnọ Ḅe ḅereniye gose Tamụnọ Ḅe karakaraḅọ ḅara nwọse ọ̀ kịẹn ọkịmẹ, anị sịkị re mị ò ḅo ḅụpẹlẹye-ẹ. Anị ḅara mị ḅụ Ebraham ḅe ọ̀ tẹmẹ anga ḍaḅọ sọ Tamụnọ Ḅe ḅereniapụ mamgba pịrịmẹ, ini karakarapụ ḅara se kịẹn ọkịsa apụma, ini ḅụpẹlẹkẹ nwọ ḅẹ sọnị.

Maịnkarama Oloko 10:16

Anịẹrẹchị, mịọkụ ọkị tọrọkọ mun ọ̀ Nyanaḅọ Ḅe ḅịpịpoki se ọ́ ḅarị ininachịnma.

Maịnkarama Oloko 30:6

Nyanaḅọ ọ́mịna Tamụnọ Ḅe ḅịpịpoki kuḅiemgbọlụ ọ́ nwọse ómine na ọ́mịna awọma na pịrịḅịa, mịẹse ọ́mịna kuḅie mgba na ọ́ tẹmẹ mgba na se ọ̀ ḅẹlẹmaḅịa ọkụ, mịẹsosịkị ama mị ḅie ómine anga mamunḅịa ọkụ.

Kolosi 2:11

Kraịst Ḅe na gbọrịye mịẹ ḅụ ọ́ ḅụpẹlẹapụ sọsam, tomoniḅọ ḅụpẹlẹḅụkẹ, ọkụma Kraịst Ḅe ḅụpẹlẹ mị-ẹ, anị mị si ḅụ sime oju mị ḅarị iniḅọ ḅụ kụrọ nyanakẹ nwọ ḅẹye ḅụ simeye mị-ẹ.

Jọshụa 5:3

Anị Jọsụwa ḅe Nyanaḅọ Ḅe tọn ọ̀ pịrị ḅara mị nwọ mịẹye-ẹ, se ori Izrẹlapụma ḅụpẹlẹmẹ anị Ḅụpẹlẹ Chịngị ini nwọse chịn nyọ mị ḅụ.