Jọshụa 5:14 - Kịrịkẹnị Baịbụl

¹⁴ Tomoniḅọ ḅe nwọ pẹkẹrẹmẹ, “Arịmgba anịkẹ.” “Ị̀rị̀ anị Nyanaḅọ Ḅe oria ọmụogbo mị kụlọdaḅọ-ẹ, anị à gose mịanga simeye-ẹ.” Jọsụwa ḅe ọ̀ tọrọkọ ḅịkịkoro tẹkẹ se nwọ ḅẹmẹ, “Ị̀rị̀ ị́ya fịrịnwẹngịḅọ-ẹ, ị̀ nyanaḅọ, À che mịẹ ị́ nwọ ḅi?”

Jọshụa 5:14 Iomraidhean Croise

Chukusakị 17:17

Ebraham ḅe ọ̀ tọrụtu se ọ̀ tọrụ se kiri lamamẹ, ọkụma ọ̀ ḍẹrịse ò ḅieḅụ nwọ gbelamẹ, “Owuḅọ ineda tọkụ yiḅe nụḅọ ḅo kụra sọnọasi lasịkị? Sera ma sọnị kụra iniasi oyi fịnjị ḅụ á pa ineda tọkụ yiḅịa nọ?”

Chukusakị 17:3

Ebram ḅe tịḅịtu seni ọ̀ tọrụ se kiri lamamẹ, anịsịkị Tamụnọ Ḅe nwọḅẹmẹ,

2 Samụẹl 7:19

Anịẹḅẹ sọnị mịọkụ ị́ pa pịkị jịn aye mịẹ ị̀ pịrịtẹịn aḅẹ, Kụrọmamgba Nyana Tamụnọ; ị́ pịkị yeḅereni ị̀ furo ḅie tọrọkọju pakaḅoḅịa apụma pịrịmẹ. Ị́ pịkị mịẹmẹ tomoniḅọ mịn mị ọrịmẹ, Kụrọmamgba Nyana Tamụnọ!

2 Samụẹl 7:20

Cheye àrị ineda nwọ ḍuko ị́ pịrịḅe! Ị́ ị̀ nemimẹ, ị̀rị̀ ị́ya fịrịnwẹngịḅọ-ẹ.

Fịafịa Nime 110:1

Nyanaḅọ Ḅe nwọse ị̀ nyanaḅọ Amanyanaḅọ ḅe ḅẹmẹ, “Mịanga, ị̀ya amaḅarangaḅụ sime ọkịmun ị́rị́na-tarakapụ ma à nwọ ọkịḅo ị́ ḅụọ chuku koroma sịkị la.”

Fịafịa Nime 24:10

Ḅe opu amanyanaḅọ ḅe tụḅọ? Ori anị Nyanaḅọ ọmụḅarasisika ḅọ ḅe—ori anị opu amanyanaḅọ ḅe-ẹ.

Pakaso 4:10

Ọkụma Moziz ḅe nwọ ḅẹmẹ, “Ẹn-ẹn, Nyanaḅọ, ị̀ fịrịmama. Ị̀rị̀ ọkwẹịn ḍinḅọkẹ, ị́ nwọ ọkwẹịn ị̀ pịrị sịkị ngịsị ḅo nwọ la sọnị ma à pa ineda ọkwẹịnkẹ. À gaịn-gaịnma ọkwẹịn ḍinkẹ anịatịḅị à ḅapuromẹ.”

Pakaso 4:13

Ọkụma Moziz ḅe nwọ pẹkẹrẹmẹ, “Ẹn-ẹn, Nyanaḅọ, pasisi jịnḅọ fịrịma.”

Aịzaya 55:4

Àrị ò se tịḅịnịḅọ na, sẹsẹ ma ḅe ọmụkụlọdaḅọ mịẹmẹ, ọ̀ ḅụ à ḅọrọ ị̀ya kụrọ mị se ini ḍiemẹ.

Aịzaya 6:8

Anịsịkị ḅụ Nyanaḅọ Ḅe ḍukoye à nwọ naamẹ, “À tụḅọ fịrịmaḅe? Tụḅọ mịna okunwẹngịḅọ nwọ sọḅe?” À pẹkẹrẹmẹ, “À munḅịa! Ị̀ se sẹịn!”

Izikịẹl 3:23

Anị à sịsẹ se so pẹsị nyọ mị ḅie munye-ẹ. Anị nyọ ḅụ à Nyanaḅọ Ḅe opu mị nwọ ọrịmẹ, anị Kẹba Tọrụ aka mị ḅụ, àrị anị ọrị ḅọrọsa ọkụ mị. À sokoro koro se ị̀ tọrụ se kiri iḅomẹ,

Danịẹl 10:13

Si-gbọrị-ḍin-fịnjị Pesia amanyanakiri enjẹlḅọ ḅe tọkụ nwọse ị̀ dachịẹmamẹ. Anịsịkị Maịkịẹl, tịḅịnị enjẹlapụma ḅụ gbọrịḅọ ḅe, ḅo ḅarachụa ị̀ pịrịmẹ, anịatịḅị ị̀rị̀ ngẹrị kpọngọlọma Pesia ḅie simemẹ.

Danịẹl 12:1

Lọkọ ḅịtẹ ḅiriaye ma ḅiri enjẹlḅọ ḅe nwọ ḅẹmẹ, “Kuluma sịkị ḅụ opu enjẹlḅọ Maịkịẹl, ị́ya tomonima ḍikiḍikiarịḅọ ḅe, ọ̀ pakaḅoḅịa. Anịsịkị ḅụfụka simeḅịa, sitẹịn ḅụfụka, sẹsẹ ma paka sịkị ngịsị ma pakaka ḅụfụka. Anịsịkị mị ḅo laḅịa sịkị, ị́ya sẹ mị ḅie apụ mamgba ẹrẹ Tamụnọ ḍiri ḅie gịẹịn apụ ini ḍụaḅọrọma nyanaḅịa.

Danịẹl 8:11

Anị pịkị soḅie Amanyanaḅọ Tọkụ Ḅe oria owunima na tụḅụrụmẹ, ini eneḅeneḅene mịẹ ọ̀ pịrịarị agbama kịkẹmẹ, pịkị Oputẹkẹwarị mị kansaramẹ.

Agbamịẹ Apụ 9:24

Nyanaḅọ Ḅe bẹkẹma ḅaraḅụ fịnị se agbamịẹ ẹbẹ mị ọgọnọ dọkịma agba mị na ḅẹlẹkị ma na nwọ dọkịma sinmẹ. Tomonima mịn mị ọrị sịkị ini oloku se inia fụḅara ma se kiri lamamẹ.

Kịẹnḅịpị Ma 16:22

Ọkụma Moziz ḅe na Erọn ḅe na inia tọrụ ma se kiri iḅo se nwọ ḅẹmẹ, “Yei Tamụnọ, ị́rị́ anị ḍumo aye mamgba ḅe Tamụnọ Ḅe-ẹ. Gbọrịḅọ mịẹ si gose ị́ bebe tomoni kpo mị mgba ḅụ ịganị nyana ḅe?”

Kịẹnḅịpị Ma 16:45

“Mịna apụma ḅụ, ómine ọḅụda, mịọkụ à gbọkụ mịkirikiri ini ḅaasinḅịa!” Ini mamapụ ma inia tọrụ ma se kiri iḅomẹ,

Kịẹnḅịpị Ma 22:31

Anịsịkị mị Nyanaḅọ Ḅe Belam ḅe mịẹse ori enjẹlḅọ ḅe okola-agiji ọlọ chịẹ ọkụ mị nwọ ọrịye-ẹ; anị Belam ḅe ḅịkịkoro se ọ̀ tọrụ se kiri iḅoye-ẹ.

Matio 22:44

‘Nyanaḅọ Ḅe nwọse ị̀ Nyanaḅọ Ḅe ḅẹmẹ: Mịanga ị̀ya amaḅara ḅụ sime ọkịmun àrị ị́rị́ na tarakapụma se ị́ ḅụọ chuku koromaḅịa sịkị la.’

Matio 8:2

Anịsịkị ḅụkan obi kọn àrị gbọrị owuḅọ Ọ̀ damaḅomẹ, Ọ̀ tọrọkọ ḅụ ọ̀ kpẹrẹkị koro, se nwọ ḅẹmẹ, “Nyanaḅọ, Ị́ nemikase ḅereniḅịa ọkụma, Ị́ ineda ị̀ mịẹfịafịamaḅịa.”

Luk Iḅi Ḅẹrẹ Mị 1:43

Nde nwọ sime opuye gose paka ị̀ pịrịye na ị̀ Nyanaḅọ Ḅe nyengima ḅo ị̀ lamẹ?

Luk Iḅi Ḅẹrẹ Mị 20:42

Anịatịḅị Devid ḅe na mịnaḅụ na Fịafịa nime ḍiri mị ḅie nwọ ḅẹmẹ. ‘Nyanaḅọ Ḅe nwọse ị̀ Nyanaḅọ Ḅe ḅẹmẹ: Mịọ ị̀ya amaḅara anga ḅụ sime

Luk Iḅi Ḅẹrẹ Mị 5:12

Gbọrị sịkị Jizọs Ḅe gbọrị ama ḅie simemẹ, anịanga ḅụkan obi ḅụ mgba ḅein gbọrị owuḅọ omi-ẹ. Ò Jizọs Ḅe ọrị sịkị, ori Ọ̀ ḅụọ chuku ḅịkị koro se Ọ̀ tẹkẹmẹ, “Sẹnịḅọ, ị́ ḅụḅẹlẹḅịa ọkụma, ị́ ineda ị̀ mịẹfịafịamaḅịa!”

Jọn Iḅi Ḅẹrẹ Mị 20:28

Tọmọs ḅe ọ̀ pẹkẹrẹmẹ, “Ị̀ Nyanaḅọ, pịkị ị̀ Tamụnọ!”

Okunwẹngịapụ 9:6

“Ọkụma sịsẹ so ama mị ḅie mun, ini ị́ mịẹḅịaye nwọ ḍuko ị́ pịrịḅịa.”

Filipaị 3:8

Àrịaye ma kẹngẹkẹ, à yegoyegoye nwọse gbọtụḅara fasaye nwọ kịẹnmamẹ, opuma yelatẹịnye mị gose, anị mị anị Kraịst Jizọs ị̀ Nyanaḅọ Ḅe ḍawọnemi mị-ẹ. Ọ̀ tịḅị gose à yegoyegoye nwọse gbin wokumamẹ; àrị àrịmgba se sara ọgọnọ wokumaḅịaye nwọ kịẹnmasam, mịẹse à Kraịst Ḅe nwọ nyanaḅịa ḅara sọye ḅara ḅụ,

Hibru 2:10

Anị karakaramẹ na Tamụnọ Ḅe anị yemamgba tẹmẹ pịkị àrị kokoarịḅọ Ḅe, Jizọs Ḅe mịẹse Ọ̀ kara anị tọrụsiọrị ḅụ mịẹse Ọ̀ tọn-a awọ ọkịḅo Oria boma mị ḍieọkịḅịa ẹrẹchị. Anịatịḅị Jizọs Ḅe anị ini ḅọrọma mun ḍụaḅọrọma mị ḅie chuye-ẹ.

Jọshụa 20:1

Gbọrị ene Nyanaḅọ Ḅe nwọse Jọsụwa ḅe ḅẹmẹ

Ḍieḅelema Yema 12:7

Anịsịkị soḅie owu koromẹ, Maịkịẹl ḅe na oria enjẹlapụma na owu se dragọn ḅe pakamẹ; se dragọn ḅe na oria owunima na ini na owusọmẹ.