Jọshụa 5:13 - Kịrịkẹnị Baịbụl

¹³ Jọsụwa ḅe ò ḅo Jẹriko mị na kpeki sịkị, ọ̀ bẹkẹma ḅụ kongo ọlọḅọ nwọ ọrịmẹ ọ̀ tọrọkọ ḅụ chịẹ waraḅẹ. Jọsụwa ḅe ọ̀ damamun se ò gbelamẹ, “Ị́rị́ mịna owunima ḅie gbọrịḅọ, anịkanịka tarakaḅọ?”

Jọshụa 5:13 Iomraidhean Croise

Chukusakị 18:1

Nyanaḅọ Ḅe Mamre ḅie sime osiḅụ sime ejema nyọ ḅụ, ọ̀ ḅụpakụma Ebraham ḅe pịrịmẹ. Ebraham ḅe ene mị opuma ọfịrịye gose oria ikowarị mị ḅọkọkọ ọ̀ kpọnjị simemẹ,

Chukusakị 18:2

ori ọ̀ tọrụ dekichịẹma ḍiki se tẹrẹ-a owuapụ nwọ ọrịmẹ anị nyọ ḅụ chịẹwaraḅẹ. Ori ini ọrị gbọrị kirikiri, ọ̀ mangị mun ini lamẹ. Ọ̀ ḅịkị korose ọ̀ tọrụ se kiri lamamẹ,

Chukusakị 28:16

Jekọb ḅe sịsẹ se nwọ ḅẹmẹ, “Nyanaḅọ Ḅe mịanga ori omi-ẹ! Mịnyọ ori omi-ẹ, à pịkị nemikẹ!”

Chukusakị 33:1

Isọ ḅe oria kịnị ẹndẹ ma na ḅoarị sịkị, Jekọb ḅe ori ini ọrịmẹ, anịgose ori awọmẹnịma ḍiama Lia ma na Rechẹl ma na pịkị mama ịgwa apụma na pịrịmẹ.

Chukusakị 33:5

Isọ ḅe nyọ ḍiki kelema se ò ḅo eremeni ma na awọmẹnịma na ọrị sịkị ò gbelamẹ, “Nwọ ị́rị́ na sime apụma tapụ?” “Sẹnịḅọ, mị Tamụnọ Ḅe iḅimịẹ ḅaraḅụ se ị̀ pịrị awọ ma-ẹ,” Jekọb ḅe nwọ pẹkẹrẹmẹ.

1 Amanyanapụ Sịkị Mịẹaye Ma 12:22

Ene kịrịkịrị ḅụ ịwọ apụ ḅo Devid owunima ḅụ sọmẹ, anịẹrẹchị oria ọmụogbo mị ḅọlọka sịkị ḅụ anị mbo nyanamẹ.

1 Amanyanapụ Sịkị Mịẹaye Ma 21:27

Nyanaḅọ Ḅe ḍuko enjẹlḅọ ḅe pịrịmẹ na ori oria okola-agiji mị sin, enjẹlḅọ ḅe pịkị ọ̀ ḅịpịpokimẹ.

1 Amanyanapụ Sịkị Mịẹaye Ma 21:30

ọkụma Devid ḅe ori ineda anịju mun Tamụnọ Ḅe tẹkẹkẹ, anịatịḅị ọ̀ Nyanaḅọ Ḅe enjẹlḅọ ḅe okola-agiji mị ḍikiḅalafamẹ.

Pakaso 23:23

Ị̀ya enjẹlḅọ ḅe ori ọ́mịna tọrọkọ da se ómine ọkịmun Amọraị apụma na, Hitaị apụma na, Hivaị apụma na, Pẹrizaị apụma na, Kenan apụma na, pịkị Jebus apụma na ama mị ḅie chuḅịa, se àrị ini ḅaafamaḅịa.

Danịẹl 10:5

Àrị ọgọnọju ḍikimẹ se à gbọrịḅọ ọrịmẹ lọkọ ḅụchụaye chụaḅọ, ọ̀ pịkị goli goli ḅiri kunye se ò ḅiri kun waraḅẹ.

Danịẹl 8:3

se anị nyọ tọrụ aka ḅụ à gbọrị ajirima ọrịmẹ, mama nangwọ ịvalị ọ̀ nwọ chụamẹ gbọrịye nangwọ tẹịnmẹ pịkị ịwọtẹịn ísíye mị nẹngịmẹ.

Zẹkaraịa 1:8

À Nyanaḅọ Ḅe gbọrị enjẹlḅọ ọrịmẹ, pulo-pulo asụn ọ̀ nwọse nwẹngị aḅẹ. Matọl ejema sime pẹsịkiri mị ḅie ò ḅo dachịẹmẹ, se oria ọḅụju jịn asụn omi-ẹ—pulo-pulo aye na gwagwaye na pịkị ḅịaḅịaye na.

Kịẹnḅịpị Ma 22:23

Yepụra asụn ḅe enjẹlḅọ ḅẹ, okola-agiji ọlọ chịẹsime ḅara mị nwọ ọrị sịkị, ori ateli mị wẹrịso se piri ḅie sọmẹ. Belam ḅe yepụra asụn ḅe fomu se ọ̀ pịkị ḅo ateli ḅie chumẹ.

Kịẹnḅịpị Ma 22:31

Anịsịkị mị Nyanaḅọ Ḅe Belam ḅe mịẹse ori enjẹlḅọ ḅe okola-agiji ọlọ chịẹ ọkụ mị nwọ ọrịye-ẹ; anị Belam ḅe ḅịkịkoro se ọ̀ tọrụ se kiri iḅoye-ẹ.

Okunwẹngịapụ 1:10

Ini pa inia tọrụ se kweinma sotọrụ ḍikiarịogbo Ori ini koroma somẹ, anịsịkị abalala ḅiri mama owuapụ ḅo ḅụnemika ḅụ inia anga chịẹsimemẹ,

Jọshụa 6:2

Se Nyanaḅọ Ḅe nwọse Jọsụwa ḅe ḅẹmẹ, “à mịẹḅịa Jẹriko mị na anịa amanyanaḅọ ḅe na pịkị kụrọ kuḅie nyana owuni mamgba na ị́ nwọ inuma.

Ḍieḅelema Yema 1:13

Arịa ḅie ḅụ gbọrịye tomoniḅọ na kịkịnamẹ, ọ̀ chụa koro ḅụchụaye mị anị mun ọ̀ ḅụọchuku lamẹ. Anịsịkị ini goli se mịẹ ḅirikunye ọ̀ nwọse oria ekpe ḅọrọmamẹ.

Bẹrẹkọn Apụ 13:11

Manoa ḅe sịsẹ tarọ ma ḍukomunmẹ. Ò tomoniḅọ ḅe damamun se ò gbelamẹ, “Ḅẹrẹḍuko ị̀ tama pịrịḅọ ḅe ị́rị́?” Ọ̀ nwọse ọ̀ pẹkẹrẹmẹ, “Iin, Ị̀rị̀-ẹ.”

Bẹrẹkọn Apụ 13:22

Manoa ḅe nwọse tarọ ma ḅẹmẹ, “Pikipikiye ofori-ẹ, wa fịḅịa anịatịḅị wa tọrụ se Tamụnọ Ḅe ọrịsam!”