Jọshụa 4:5 - Kịrịkẹnị Baịbụl

⁵ se nwọse ini ḅẹmẹ, “Ó koro Jọdan mị ḅie mun se Nyanaḅọ ọ́mịna Tamụnọ Ḅe Ọḅọkụ Igbe mị tọrọkọ pẹlẹma mun. Ọ́mịna ḅụ ḅọḅọ gbọrị ḍụparị gbọrị ḍụparị nwọ deki ọ́mịna aba ọgọnọ gbana, gbọrịye gbọrịye sime Izrẹl sẹma ḅie gbọrịye gbọrịye nwọ pịrịmẹ.

Jọshụa 4:5 Iomraidhean Croise

Chukusakị 31:46

Ò ḍuko oria owuapụma pịrịmẹ na ini ḍụparị koḅiri se àrị se jịnye jịnye ọgọnọ gbana. Anịsịkị ini koḅiri koroma ḍụparịma angasịkị ini sime se yefị gbolomamẹ.

Pakaso 24:4

Moziz ḅe Nyanaḅọ Ḅe tọn koroma aye mamgba ọ̀ gịẹịn koromamẹ. Anịḅe eneḅa dede funfun ḅie ori agbamịẹ ẹbẹ nama chịẹmamẹ tụndụ mị chuku, ọ̀ pịkị oyimaịn ḍụparị fịnjị nwọ chịẹma koromamẹ Izrẹl oyimaịn furo fịnjịma ḅie gbọrị furo gbọrị ḍụparị nwọ nyanamẹ.

Maịnkarama Oloko 27:2

Ọ́ Jọdan Tọrụ mị saḅamun Nyanaḅọ ọ́mịna Tamụnọ Ḅe se ọ́ pịrịarị ama mị ḅie sọsa ḅẹḅẹ, ḍụḅaḍụḅa ḍụparị ọ́ nwọse chịẹma koroma, yese àrị sikiri gbẹịn,

Maịnkarama Oloko 9:1

“Ó poki, Izrẹlapụ! Mịmgba ọ́ Jọdan Tọrụ mị saḅa mun opusọ pịkị kụrọ ọ́ nẹngịapụ ama nwọ ọkị anga-ẹmun-aḅẹ. Inia opuamama ḍụḅamẹ, arịa onu ma gelemun so mị bịanmẹ.

Jọshụa 22:10

Rubẹnị na, Gadị na sẹma, pịkị Ịrụapakapaka nyọ da Manasẹ sẹ mị na mun Gilaịlọt mị lasịkị, pa Jọdan mị ḅụ ịrụasọsọ nyọ daọrụ mị ḅụ, ini gbọrị ḍụḅa ḍikitọrụgbẹịn agbamịẹ ẹbẹ namamẹ tọrụ mị aka ḅụ.

Jọshụa 4:4

Anị Jọsụwa ḅe ọ̀ sẹlẹ pakụmaḅo oyimaịn owuapụ fịnjịma chịn,

Jọshụa 4:6

Ma ḍụparịma árị Nyanaḅọ Ḅe mịẹye mị se tomonima ḅiekoromaḅịa. Tọrọkọju, ọ́mịna awọma ó gbela na ma ḍụparịma ọ́mịna ḅụ árị che fie nọ nwọ ḅẹḅẹ,