Jọshụa 4:19 - Kịrịkẹnị Baịbụl

¹⁹ Tomonima kụra mị ḅie ngei akalụ mị ḅụ oyi-a ḍin ene anị ini Jọdan mị saḅa se mun Gilgalị mị ḅie ikowarịma pike simeye-ẹ, Jẹriko mị ḅụ ịrụapakapaka nyọ daọrụ mị.

Jọshụa 4:19 Iomraidhean Croise

2 Amanyanapụ 2:1

Nyanaḅọ Ḅe ajisaka fọrụ ḅie Ịlaịja ḅe ọkị iwo soḅie munḅịa sịkị mị lasam. Ịlaịja ḅe na Ịlaịsha ḅe na Gilgalị mị ḅie ḅụ sakị nwẹngị pakamẹ,

Emọs 4:4

Kụrọmamgba Nyanaḅọ Ḅe ọkọ ḅẹmẹ, “Izrẹlapụ, ọ́ Bẹtẹl ḅie osiḅụ-sime nyọ mị mun se simịẹ, ó si mịẹḅịa ḅẹḅẹ! Ó Gilgalị mun se ọ́mịna ịnyọ mgba se simịẹ! Ọ́ tatarị mun nama ọkịḅo ini se dede goyegoye agbamịẹ, ọ́ pịkị ọ́mịna oyi-a kiri ḅe gbọrị kirima, ọkịḅo tẹrẹ karama jịn ene goyegoye ḅụ.

Emọs 5:5

Ọ́ Biashiba mun tẹkẹmẹ. Ọ́ Bẹtẹl ḅie ị̀ ḍọkịma—Bẹtẹl ḅarị ḅo yesọ ẹkẹ. Ó Gilgalị munma—anịa tomonima ini desin ḅụ faḅie sọḅịa.”

Maịka 6:5

Ị̀ya tomoni, ó se ḅiekoroma, Belak, Moab amanyanaḅọ ḅe, tọn se se ọ́ mịẹ ḍọkịye mị, se Belam, Beọ tọkụ ḅe, se ọ̀ pẹkẹrẹ ḅara mị na. Ó se ḅiekoroma ateli ḅụ pakaye ma, Akasia ḅụ ó sime ịnyọ sara se ó so Gilgalị mun-arị sịkị. Ọ́ mayema se ḅiekoroma, se ọ́ pịkị ọrịḅoḅịa àrị ọ́ ḍụaḅọrọma ḅịa ẹrẹchị à mịẹaye ma.”

Maịnkarama Oloko 1:3

Ini Ijipt mị ḅie pakaso kụra mesi karama kụra mị ḅie oyi gbọrị akalụ fịnjị mị ḅie ngei ene mị ḅụ, anị Moziz ḅe Nyanaḅọ Ḅe tọn ọ̀ pịrị na ò ḍuko Izrẹlapụma pịrị nwọḅẹye goyegoye nwọ ḍuko se ini pịrịye-ẹ.

Maịnkarama Oloko 11:30

(Mịna mama tụndụma Jọdan Tọrụ mị ḅụ ịrụa mị tumatuma nyọ daọrụ ḅụ àrị omi-ẹ, anị Kenan apụma ḅụ Jọdan Pẹsịkiri ma ḅie ḅụ anga apụma pẹkẹrẹ ḅụ. Ini ma ịrụa mị tumatuma nyọ damẹ, Morẹ mị anịa osiḅụ sime ejema na kpeki nyọ mị, anị Gilgalị ama mị na kpeki nyọ mị.)

Jọshụa 10:43

Mịn ḅo ḅọrọ so sịkị, Jọsụwa ḅe na oria ọmụogbo mị na vinpịkị so ini ikowarịma pike sime nyọ mị mun me Gilgalị mị ḅie ḅụ.

Jọshụa 10:6

Gibiọn apụma ḅịpị se Jọsụwa ḅe fịrịmamẹ Gilgalị mị ḅie ini ikowarịma pike sime nyọ mị ḅụ, se nwọse ọ̀ ḅẹmẹ: “Mine ị́ya fịrịnwẹngịapụma se sarakoromama! Saramaḅo ḅarachụa wa pịrị se wa ḍụaḅọrọma! Chịngị ma ọgọnọ sime Amọraị apụ mamgba inia owunima ọkịḅo gboloma se owuse wa pakasam!”

Jọshụa 15:7

Ḅụfụka Pẹsịkiri mị ḅie sakị mun Diba mị la, pịkị kelema ọgọnọju daọrụ mun Gilgalị mị la, anị Adumim Ḅọrọnyọ mị na damadamaye mị chuku daọrụ pẹsịkiri mị ḅie. Anị ọkịmun Ẹnshimẹsh iderimengi tịḅịju mị la, somun Ẹnrogẹl mị la,

Jọshụa 24:11

Ọ́ Jọdan mị saḅa se ḅo Jẹriko mị lamẹ. Jẹriko apụma ini owuse ọ́ pakamẹ, anị Amọraị apụma na, Pẹrizaị apụma na, Kenan apụma na, Hitaị apụma na, Gagashaị apụma na, Hivaị apụma na, pịkị Jebus apụma na mịẹ ọkụ mị. Ọkụma inimgba ḅụ àrị anị mịẹ sarasarama ọ́ pịrị se ómine ini nẹngịmamẹ.

Jọshụa 4:18

agbamịẹapụma iwomun tọrụ mị aka lasịkị, mengi mị sakị seri mun tọrụ ma aka ḅilemamẹ.

Jọshụa 5:10

Izrẹlapụma Gilgalị mị ḅie ḅụ ikowarịma pike sime sịkị anị Jẹriko na kpeki ele mị ḅie ini Saḅaḅọrọ Alalị fịmẹ akalụ mị ḅie oyi inein-a ḍin fịnjị karama ene mị ḅe sasoḅiri ḅụ.

Jọshụa 5:9

Nyanaḅọ Ḅe nwọse Jọsụwa ḅe ḅẹmẹ, “Mịmgba Ijipt mị ḅie omonisọ mị anịa ḅụgerere mị ọ́mịna ḅụ àrị anị sinsam.” Anị ini gose Gilgalị nwọse nyọ mị chịnye-ẹ, anị mịọkụ sọnị anị ẹrẹ-ẹ.

Jọshụa 9:6

Anịsịkị ini so ikowarịma pike sime nyọ mị mun mẹ Gilgalị mị ḅie, se nwọse Jọsụwa ḅe na Izrẹlapụma na ḅẹmẹ, “Wa sime ḅo sẹ mị ḅọlọmẹ. Wa ḅimẹ wa ómine na deinma ḅịpịogbosọ nwọ nyana.”

1 Samụẹl 10:8

Ị́rị́ tatarị mun Gilgalị la se à ḅo anịju ḅụ ị́rị́ na ịrịaḅịa se dọkịma agba na pịkị nwẹngịgboloma agba na mịẹḅịa. Anịju sime ị̀ koru mun sọnọma ḍin nwọ la anịsịkị à ḅo ị́ mịẹḅịaye nwọ ḍuko ị́ pịrịḅịa.”

1 Samụẹl 15:33

Samụẹl ḅe nwọse ọ̀ ḅẹmẹ, “Ị́ya okola-agiji mị mịẹse tọn-a nyengiapụ awọ nyanakapụ sọ ḅara anị ị́ nyengima sọnị à tọkụ nyanakaḅọ sọḅịa ọkụ-ẹ.” Se ori Egag ḅe se ikiḅa-ikiḅa pẹlẹmẹ agbamịẹ ẹbẹ mị tọrọkọ Gilgalị mị ḅieḅụ.