Jọshụa 4:14 - Kịrịkẹnị Baịbụl

¹⁴ Nyanaḅọ Ḅe anị ene ḅụ mịẹye mị mịẹse Izrẹlapụma Jọsụwa ḅe ọkịmẹ na ori opuḅọ-ẹ. Ini osi se ọ̀ pịrịmẹ oria ḍumo ene mamgba ḅie anị ini osi se Moziz ḅe pịrị ọkụ mị.

Jọshụa 4:14 Iomraidhean Croise

1 Amanyanapụ 3:28

Izrẹlapụma Sọlọmọn ḅe seni ḅẹrẹ mị kọn ḅịpị mị naa sịkị, inimgba opu osi seni ọ̀ pịrịmẹ, anịatịḅị ini nemimẹ na Tamụnọ Ḅe karakara ḅara seni ḅẹrẹkọnḅịa nemi seni ọ̀ pịrịsam.

2 Amanyanapụ 2:15

Jẹriko ḅie ḅo ịkịankoroapụ kịnị-a mesi oyi fịnjịma ori ọrị seni nwọ ḅẹmẹ, “Ịlaịja kụrọ mị anị ḅo Ịlaịsha ḅe ọgọnọ gbanasam!” Ini mun ọ̀ la, se tịḅịtu ọ̀ pịrị,

1 Amanyanapụ Sịkị Mịẹaye Ma 29:25

Nyanaḅọ Ḅe bebe Izrẹl sẹ mị mịẹmẹ ini osi na ḅalafa na nwọ nyana Sọlọmọn ḅe pịrịmẹ. Ọ̀ pịkị ọ̀ mịẹmẹ ò boma nyanatẹịn Izrẹl daḅọrọsapụ mamgba nẹngịmẹ.

2 Amanyanapụ Sịkị Mịẹaye Ma 30:12

Tamụnọ Ḅe sọnị Juda mị ḅieḅụ ọ̀ fịrịnwẹngịaḅẹ. Ò tomonima gbolomamẹ inia kuḅietọn ini mịẹḅịa ḅẹye mị ḅụ, ini ọ̀ ḅịpịpoki se amanyanaḅọ ḅe na oria fịrịtịḅịnị ma na tọnye mị mịẹḅịa ọkụ.

Pakaso 11:3

Nyanaḅọ Ḅe ọ̀ mịẹse Ijipt apụma ini osi seni Izrẹlapụma pịrịmẹ. Kọkọmaye ḅụ, fịrịtịḅịdapụ ma na tomoni mamgba na, Moziz ḅe anị karakarama opu tomoniḅọ-ẹ nwọḅẹ ḅara ini nwọ seni ori ọkịmẹ.

Pakaso 14:31

Izrẹlapụma Nyanaḅọ Ḅe oria opu kụrọ mị seni Ijipt apụma nẹngịma ọkụ nwọ ọrị sịkị, ini Nyanaḅọ Ḅe ḍikiḅalafamẹ; ini pịkị Nyanaḅọ Ḅe ḅụ ḅereni nyanamẹ, pịkị oria fịrịnwẹngịḅọ Moziz ḅe ḅụ na.

Kaḅo Ma 24:21

Ị̀ya owutọkụ, osi se Nyanaḅọ Ḅe na amanyanaḅọ ḅe na pịrị. Inia ḅịpị poki ḍụkụka apụma ini na nwẹngị gboloma ma;

Romapụ 13:4

Anịatịḅị ori Tamụnọ fịrịnwẹngịḅọ-ẹ ị́ya iḅi gose. Ọkụma ị́ nemikase siye mịẹmẹ ḅẹḅẹ, ò ḍikiḅalafa, anịatịḅị oria ḅụfụka se tomoniḅọ pịrị mị karakaramẹ. Ori Tamụnọ fịrịnwẹngịḅọ-ẹ se Tamụnọ ịganị nwọse siye mịẹapụ ma ọgọnọ gbanaḅịa.

1 Kọrịntapụ 10:2

Soḅuno mị ḅie na tọrụ mị ḅie na ḅụ inimgba mengi saramẹ, anị Moziz ḅe ḍukonwẹngịapụ ḅara ḅụ.

Jọshụa 3:7

Nyanaḅọ Ḅe nwọse Jọsụwa ḅe ḅẹmẹ, “Mịmgba à mịẹḅịaye mị mịẹse bebe Izrẹlapụ mamgba osi se ị́ pịrịḅịa opuḅọ ḅaraḅụ, ini pịkị nemiḅịa na àrị ị́rị́ na omi-ẹ anị à Moziz ḅe na sime ọkụ mị.

Jọshụa 4:13

Nyanaḅọ Ḅe tọrụkuḅu ḅụ kịnị-a sonio-a poku ḅụkarakarama ọmụ mị pịrị ḅụ saḅa Jẹriko mị na kpeki ele mị mun mẹ.

Jọshụa 4:15

Anịsịkị Nyanaḅọ Ḅe ḍuko Jọsụwa ḅe pịrịmẹ

1 Samụẹl 12:18

Anị Samụẹl ḅe ọ̀ tẹkẹye-ẹ, se anị gbọrị ene mị ḅieḅụ Nyanaḅọ Ḅe soalagba na irisi ene na fịrịmamẹ. Anịsịkị tomoni mamgba Nyanaḅọ Ḅe na Samụẹl ḅe na ḍikiḅalafamẹ,