Jọshụa 4:10 - Kịrịkẹnị Baịbụl

¹⁰ Agbamịẹapụma Jọdan karakarama ogboku mị ḅụ ini chịẹ sime mun Nyanaḅọ Ḅe ḍuko Jọsụwa ḅe pịrị na ò tomonima ḅẹ na ini mịẹ nwọḅẹye goyegoye mịẹso sịkị lamẹ. Mịn Moziz ḅe tọn ini pịrị ọkụ mị-ẹ. Tomonima ini be tọrụ mị saḅamẹ.

Jọshụa 4:10 Iomraidhean Croise

Fịafịa Nime 119:60

Sịkịfamaka ḅaraḅụ à jua ị́ya olokoma kokomẹ.

Pakaso 12:39

Ijipt ḅie ini ọkịḅo fịturu mịẹye mị ini nwọse suka fịturu nwọ fọịmẹ, anịatịḅị ḅụnemika ḅaraḅụ ini ini depakụmamẹ Ijipt mị ḅie, anịẹrẹchị ini ḅarị sịkị nyana se fịye karakaramakẹ ini pịkị fịturu sumaye se anị mịẹkẹ.

Kaḅo Ma 27:1

Ḅa mị se opuaye mịẹma. Mịọkụ na, anịsịkị ḅụ na pakaḅịaye ị́ nemikẹ.

Ẹklisiastis 9:10

Ị́ nwẹngị fịrị goyegoye kụrọma nwẹngị anịatịḅị fịsapụ tomonikiri ḅie, mịẹaye ofori-ẹ, yekoroma ofori-ẹ, yenemi pịkịna ofori-ẹ, anịnyọ anị ị́ mun-arịye-ẹ.

Aịzaya 28:16

Mịn mịọkụ Kụrọmamgba Nyanaḅọ Ḅe ḍukoye-ẹ: “Zaịyọn ḅie kụrọ pịkịna simegbasoḅịa chukusẹkẹ ḍụparị à nwọseni koromaḅịa. Anịa ḅie kụrọ-kpakịkị chukusẹkẹ ḍụparị à nwọseni chụaḅịa, anịa ọgọnọ ini ma ọkwẹịn ma gịẹịnḅịa, ‘Ḅereni ḅụ chịẹkụrọma mị anị pịkịna ịnyọḅa kụrọ mị-ẹ.’

2 Kọrịntapụ 6:2

Ọ́ Tamụnọ Ḅe ḍukoye na: “Àrị ómine ọkị gbẹịn sịkị ḅụ, àrị ọ́ naamẹ; ọ́ ḍụaḅọrọmaḅịa ene mị ḅụ, à ḅarachụa ọ́ pịrịmẹ.” Poki! Mịn Tamụnọ Ḅe oria ḅarachụa daọkị gbẹịn sịkị mị-ẹ, mịmgba ḍụaḅọrọma nyanaḅịa ene mị-ẹ!

Maịnkarama Oloko 31:9

Anị Moziz ḅe Tamụnọ Ḅe olokoma gịẹịn koroma Livaị furo agbamịẹ apụma, anị Nyanaḅọ Ḅe Ọḅọkụ Igbe mị ḍikiḍikiarị apụma na pịkị Izrẹl tịḅịnịma na pịrịye-ẹ.

Jọshụa 24:11

Ọ́ Jọdan mị saḅa se ḅo Jẹriko mị lamẹ. Jẹriko apụma ini owuse ọ́ pakamẹ, anị Amọraị apụma na, Pẹrizaị apụma na, Kenan apụma na, Hitaị apụma na, Gagashaị apụma na, Hivaị apụma na, pịkị Jebus apụma na mịẹ ọkụ mị. Ọkụma inimgba ḅụ àrị anị mịẹ sarasarama ọ́ pịrị se ómine ini nẹngịmamẹ.

Jọshụa 3:13

Bebe sẹkiri mị mgba Nyanaḅọ Ḅe Ọḅọkụ Igbe mị deki agbamịẹapụma ḅụọma mengi mị ḅie chịẹsa ḅẹḅẹ, Jọdan mị ḅarị seri ẹkẹ, pịkị ideri pakaḅoarị mengi mị sọnị gbọrị anga mị anị koḅirima simeḅịaye-ẹ.”

Jọshụa 4:11

Inimgba saḅamun ísí pẹkẹrẹ mị lasịkị, Nyanaḅọ Ḅe Ọḅọkụ Igbe mị deki agbamịẹapụma tọrọkọda tomonima pịrịmẹ.

Jọshụa 4:9

Jọsụwa ḅe sọnị pịkị oyimaịn ḍụparị fịnjị nwọse Jọdan ḅie karakarama ogboku ḅụ chịẹma koromamẹ, anị Ọḅọkụ Igbe mị deki sime agbamịẹapụma chịẹ sime nyọ mị ḅụ. (Ḍụparịma àrị pa omi-ẹ mịmgba sọnị.)