Jọshụa 3:8 - Kịrịkẹnị Baịbụl

⁸ Ḍuko Ọḅọkụ Igbe mị deki agbamịẹapụma pịrị na ini ḅo Jọdan mị lasa ḅẹḅẹ, ini koromun tọrụ mị aka ḅụ mengi mị ḅie chịẹ sime.”

Jọshụa 3:8 Iomraidhean Croise

2 Amanyanapụ 2:6

Anịsịkị Ịlaịja ḅe nwọse Ịlaịsha ḅe ḅẹmẹ, “Ma mịanga sime; Nyanaḅọ Ḅe ọ̀ tọn ị̀ pịrịsam na à so Jọdan Tọrụ mun.” Ọkụma Ịlaịsha ḅe nwọ pẹkẹrẹmẹ, Àrị ị̀ya ḅereni mị karị fịmẹ ḍumo sime Nyanaḅọ Ḅe na ị́rị́ na pịrịmẹ na ngịsị àrị ị́ wẹrịso ẹkẹ. Anịẹrẹchị ini nwẹngịmamunmẹ,

2 Amanyanapụ Sịkị Mịẹaye Ma 29:15

Mịna apụma ini inia juo Livaị apụma chịn koḅirima se inimgba iniaḅụma mịẹfịafịamamẹ. Se amanyanaḅọ ḅe tọn ini pịrịsa ḅaraḅụ ini sakị Oputẹkẹwarị mị mịẹfịafịamamẹ, Nyanaḅọ Ḅe Olokoma sime ḅaraḅụ.

2 Amanyanapụ Sịkị Mịẹaye Ma 29:27

Hẹzekaya ḅe ọ̀ kụrọ pịrịmẹ na ini dọkịma agba mị mịẹ; agba mị mịẹarịsịkịḅụ tomonima ini nime chuchu Nyanaḅọ Ḅe tokoniaḅẹ, oḍu ofurofuroapụma sakị inia oḍuma ofuroaḅẹ, ísí farịayema sọnị fieaḅẹ.

2 Amanyanapụ Sịkị Mịẹaye Ma 29:30

Amanyanaḅọ ḅe na sẹ tịḅịnịma na nwọ ḍuko Livaị apụma pịrịmẹ na Devid ḅe na ịkịankoro Esaf ḅe na gịẹịn koroma Nyanaḅọ Ḅe tokoni tokoni nimema ini nwọ chu ò tokoni. Anịẹrẹchị nweni mamgba opu ḅieḅẹlẹḅụ nime chumẹ, se ini kpẹrẹkị Tamụnọ Ḅe tẹkẹmẹ.

2 Amanyanapụ Sịkị Mịẹaye Ma 30:12

Tamụnọ Ḅe sọnị Juda mị ḅieḅụ ọ̀ fịrịnwẹngịaḅẹ. Ò tomonima gbolomamẹ inia kuḅietọn ini mịẹḅịa ḅẹye mị ḅụ, ini ọ̀ ḅịpịpoki se amanyanaḅọ ḅe na oria fịrịtịḅịnị ma na tọnye mị mịẹḅịa ọkụ.

Nẹhimaya 13:22

À tọn Livaị apụma pịrịmẹ na ini iniaḅụ mịẹfịafịama se ini mun onu ḅọkọ ma koru seni ini ḍọkịḅo ọrị na Ịnyọsara Ene mị ini anị mịẹfịafịamamẹ. Ị̀ se ḅiekoroma, Yei Tamụnọ, mịn mị ḅụ sọnị, se ị́ya opu-kuluma-nyanaka ḅẹlẹma mị gose ḅarasin ị̀ pịrị.

Nẹhimaya 13:28

Joiada ḅe Gele Agbamịẹḅọ Ẹlaịashib ḅe tọkụ-ẹ, ọkụma Joiada owuapụ awọma ḅie gbọrịḅọ Sanbalat eremeni tọkụ, Bẹt Horọn ama ḅieḅọ na simemẹ, anịẹrẹchị à mịẹmẹ Joiada ḅe Jerusalẹm ḅie ò somẹ.

Pakaso 14:13

Moziz ḅe nwọse ini pẹkẹrẹmẹ, “Ọ́ ḅalafama! Ọ́mịna ḅụ ó jikema, anịsịkị Nyanaḅọ Ḅe ḅara wẹrịma ọ́ ḍụaḅịa ọkụ ọ́ nwọ ọrịḅịa mịmgba; mịna Ijipt apụma ngịsị ọ́ ḅarị ini ọrịẹkẹ.

Kururu Ma 3:26

Anịgose anị iḅitẹịnmẹ wa inema—ó koru se ọ̀ wa ḍụa—

Jọshụa 3:17

Tomonima ini kpoinkpoin kiri ọgọnọ ḅụ nwẹngị saḅarị sịkị Nyanaḅọ Ḅe Ọḅọkụ Igbe mị deki agbamịẹapụma Jọdan mị ogboku kpoinkpoin kiri ọgọnọ ḅụ ini chịẹ simemẹ, ọkịmun tomoni mamgba saḅa ḅọrọso sịkị lamẹ.

Jọshụa 3:3

Se nwọse tomonima ḅẹmẹ, “Agbamịẹapụma Nyanaḅọ ọ́mịna Tamụnọ Ḅe Ọḅọkụ Igbe mị dekiaḅẹ ọ́ nwọ ọrịsa ḅẹḅẹ, ó pike sime ikowarịma ọ́ kansin se ini ḍuko.

Jọshụa 3:7

Nyanaḅọ Ḅe nwọse Jọsụwa ḅe ḅẹmẹ, “Mịmgba à mịẹḅịaye mị mịẹse bebe Izrẹlapụ mamgba osi se ị́ pịrịḅịa opuḅọ ḅaraḅụ, ini pịkị nemiḅịa na àrị ị́rị́ na omi-ẹ anị à Moziz ḅe na sime ọkụ mị.

Jọshụa 3:9

Anị Jọsụwa ḅe nwọse tomonima ḅẹye-ẹ, “Ọ́ mịanga ḅo se Nyanaḅọ ọ́mịna Tamụnọ Ḅe ḍukoarịye mị poki.

Jọshụa 4:11

Inimgba saḅamun ísí pẹkẹrẹ mị lasịkị, Nyanaḅọ Ḅe Ọḅọkụ Igbe mị deki agbamịẹapụma tọrọkọda tomonima pịrịmẹ.