Jọshụa 3:7 - Kịrịkẹnị Baịbụl

⁷ Nyanaḅọ Ḅe nwọse Jọsụwa ḅe ḅẹmẹ, “Mịmgba à mịẹḅịaye mị mịẹse bebe Izrẹlapụ mamgba osi se ị́ pịrịḅịa opuḅọ ḅaraḅụ, ini pịkị nemiḅịa na àrị ị́rị́ na omi-ẹ anị à Moziz ḅe na sime ọkụ mị.

Jọshụa 3:7 Iomraidhean Croise

1 Amanyanapụ Sịkị Mịẹaye Ma 29:25

Nyanaḅọ Ḅe bebe Izrẹl sẹ mị mịẹmẹ ini osi na ḅalafa na nwọ nyana Sọlọmọn ḅe pịrịmẹ. Ọ̀ pịkị ọ̀ mịẹmẹ ò boma nyanatẹịn Izrẹl daḅọrọsapụ mamgba nẹngịmẹ.

2 Amanyanapụ Sịkị Mịẹaye Ma 1:1

Sọlọmọn, Amanyanaḅọ Devid yaḅe, kụrọma Izrẹl amanyanakiri mị ọlọchịẹmamẹ, se Nyanaḅọ ọ̀ Tamụnọ Ḅe pịkị ọ̀ ḅẹlẹma se ọ̀ mịẹse ò ḅo opuma kụrọnyanaḅọ sọmẹ.

Job Ḍiri Mị 7:17

Cheye gose tomoniḅọ ḅe ị́ ḅụ yelayesọ? Cheye gose ị́ tọrụ se ọ̀ mịẹaye ma ḍiki-ao?

Fịafịa Nime 18:35

Yei Nyanaḅọ, ị́ ị̀ gbẹịn se pịkị ị̀ ḍụamẹ; ị́ tọrụ se ị̀ ḅụ wẹrị ḅara mị ị̀ mịẹse à ḍụḅasam, ị́ya kụrọ mị pịkị ị̀ kokosam.

Jọn Iḅi Ḅẹrẹ Mị 17:1

Jizọs Ḅe mịn mị ḍuko so sịkị, ọ̀ tọrụ deki so ḍiki se nwọ ḅẹmẹ, “Ḍaḅọ, sịkị mị lasam. Boma se ị́ya Tọkụ Ḅe pịrị, mịẹse Tọkụ Ḅe boma se ị́ pịrịḅịa ḅara.

Filipaị 1:20

Àrị opuma ḅi se tọrụseḍikiarịye anị ị̀ya fịrị ḅụ à gbarịma ma, ọkụma sịkịmamgba, anịtẹịn anga mị sịkị mị ḅụ à ḅakama kụrọ kuḅie nyana se ị̀ ḅụ mgba nwọse osi ọkịḅo Kraịst Ḅe pịrị, à ḅọrọ ḍumomẹ anịkanịka à fịmẹ nwọ ḅẹ sọnị.

Jọshụa 1:17

Wa ị́ ḅịpị pokiḅịa, anị wa Moziz ḅe ḅịpị pokipoki ọkụ mị, ye ị́ Nyana Tamụnọ Ḅe ị́rị́ na sime anị, ò Moziz ḅe na sime ọkụ mị!

Jọshụa 1:5

Jọsụwa, ị́ya ḍumo ene mamgba ḅie ineda ị́ nẹngịmaḅịaḅọ ofori-ẹ. À Moziz ḅe na sime ọkụ anị à pịkị ị́rị́ na simeḅịa ọkụ-ẹ. Sịkịmamgba àrị ị́rị́ na simeḅịa, ngịsị àrị ị́ wẹrịso-ẹkẹ.

Jọshụa 1:9

Se ḅiekoroma na àrị ị́ ḅẹmẹ ịnyọ chụa pịkị kụrọ kuḅie nyana! Ḅalafama pịkị kuḅie lọkọmama, anịatịḅị ị̀rị̀ ị́ Nyana Tamụnọ Ḅe àrị ị́rị́ na omi-ẹ ị́ mun-anga-mun-anga ḅụ.”

Jọshụa 3:6

Anị ọ̀ nwọse agbamịẹapụma ḅẹye-ẹ na ini Ọḅọkụ Igbe mị deki se tọrọkọda tomonima pịrị. Ò ḍuko ḅara mị ini pịkị nwọ mịẹmẹ.

Jọshụa 3:8

Ḍuko Ọḅọkụ Igbe mị deki agbamịẹapụma pịrị na ini ḅo Jọdan mị lasa ḅẹḅẹ, ini koromun tọrụ mị aka ḅụ mengi mị ḅie chịẹ sime.”

Jọshụa 4:14

Nyanaḅọ Ḅe anị ene ḅụ mịẹye mị mịẹse Izrẹlapụma Jọsụwa ḅe ọkịmẹ na ori opuḅọ-ẹ. Ini osi se ọ̀ pịrịmẹ oria ḍumo ene mamgba ḅie anị ini osi se Moziz ḅe pịrị ọkụ mị.