Jọshụa 3:6 - Kịrịkẹnị Baịbụl

⁶ Anị ọ̀ nwọse agbamịẹapụma ḅẹye-ẹ na ini Ọḅọkụ Igbe mị deki se tọrọkọda tomonima pịrị. Ò ḍuko ḅara mị ini pịkị nwọ mịẹmẹ.

Jọshụa 3:6 Iomraidhean Croise

1 Amanyanapụ 8:3

Sẹnịapụ mamgba ḅo koḅirima so sịkị, agbamịẹapụma Ọḅọkụ Igbe mị dekichịẹmamẹ

2 Amanyanapụ Sịkị Mịẹaye Ma 5:4

Tịḅịnị mamgba ḅo koḅirima sịkị, Livaị apụma Ọḅọkụ Igbe mị dekichịẹmamẹ

Maịka 2:13

Tamụnọ Ḅe, ori ateli mị finji ini pịrịḅịa se ini ḅọrọma pakụmaḅo ḅịa ini somun ama mị ḅie. Ini opuama mị onu-a ḅọkọ ma kan se ḅọrọsoḅịa. Inia amanyanaḅọ, Nyanaḅọ Ḅe, na-mịnaḅụ-na, ini ḅọrọma pakụmaḅịa.

Kịẹnḅịpị Ma 10:33

Tomonima Saịnaị osiḅụ sime tụndụ mị koromaso sịkị, tẹrẹ-a ḍin ini nwọse ateli nwẹngịmẹ. Nyanaḅọ Ḅe Ọḅọkụ Igbe mị sịkịmamgba inia tọrọkọ ịsụnmẹ, ini mun pike koḅirima simeḅịa anga ḍọkịḅoḅịa ẹrẹchị.

Kịẹnḅịpị Ma 14:15

Mịọkụ ị́ nemikase ị́ya tomonima mgba ḅaasin ọkụma, ị́ya ẹrẹso mị naasa sẹma ini ḅẹḅịa

Hibru 6:20

Mịna tịḅị gose Jizọs Ḅe tatarị anịanga sọmunsam, Ò ḅo Gele Agbamịẹḅọ nwọ sọmẹ, anị Mẹlkizẹdẹk agbamịẹ ọrụ mị ḅụ.

Jọshụa 3:3

Se nwọse tomonima ḅẹmẹ, “Agbamịẹapụma Nyanaḅọ ọ́mịna Tamụnọ Ḅe Ọḅọkụ Igbe mị dekiaḅẹ ọ́ nwọ ọrịsa ḅẹḅẹ, ó pike sime ikowarịma ọ́ kansin se ini ḍuko.

Jọshụa 3:5

Jọsụwa ḅe nwọse tomonima ḅẹmẹ, “Ómine ọ́ ḅụ mịẹfịafịama anịatịḅị ḅa Nyanaḅọ Ḅe ọ́mịna ogboku ọ̀ ḅụgbiripuma fịrịnwẹngịḅịa.”

Jọshụa 3:7

Nyanaḅọ Ḅe nwọse Jọsụwa ḅe ḅẹmẹ, “Mịmgba à mịẹḅịaye mị mịẹse bebe Izrẹlapụ mamgba osi se ị́ pịrịḅịa opuḅọ ḅaraḅụ, ini pịkị nemiḅịa na àrị ị́rị́ na omi-ẹ anị à Moziz ḅe na sime ọkụ mị.

Jọshụa 6:6

Jọsụwa ḅe ori agbamịẹapụma chịn se nwọse ini ḅẹmẹ, “Ómine Ọḅọkụ Igbe mị deki, se ọ́mịna ḅie sọnọma apụ anịa tọrọkọda, epelepe inia ḅara simeḅịa.”