Jọshụa 3:5 - Kịrịkẹnị Baịbụl

⁵ Jọsụwa ḅe nwọse tomonima ḅẹmẹ, “Ómine ọ́ ḅụ mịẹfịafịama anịatịḅị ḅa Nyanaḅọ Ḅe ọ́mịna ogboku ọ̀ ḅụgbiripuma fịrịnwẹngịḅịa.”

Jọshụa 3:5 Iomraidhean Croise

Job Ḍiri Mị 1:5

Alalị fịaye chụọ ene ḅọrọ ḅe eneḅa dede lasịkị lasịkị, Job ḅe ori iḅi sịkị sịsẹ se mun agbamịẹmịẹmẹ, oria awọma ḅụ gbọrịḅọ-gbọrịḅọ tịḅị gose, se inia ḅụ mịẹfịafịama fịafịamamẹ. Ọ̀ mị ḅara mịẹmịẹmẹ anịatịḅị ḅụpalịka inia ḅụ gbọrịḅọ ḅụnemika ḅaraḅụ Tamụnọ Ḅe mịẹirimasa otuḅo.

Fịafịa Nime 77:15

Ị́ya kụrọḅụ ị́ya tomonima ị́ nwọ ḍụamẹ, anị Jekọb ḅe na Josẹf ḅe na ḅụ koroḅo apụma.

Fịafịa Nime 86:10

Ị́ ḍụḅamẹ, ị́ pịkị ḅụgbiripumaye mịẹmịẹmẹ; ị́rị́ ngẹrị anị Tamụnọ-ẹ.

Joẹl 2:16

Tomonima koḅiri gboloma; olomu apụma chịnḅo; awọmẹnịma koḅiri pịkị ḅara ḅie sime awọmẹnị na. Ama na ere na anị ịwọma sime deḅọ na ịrọḅọ na sọnị ini inia warịma wẹrịso se ḅo, ini karakarama se ini osi nyana koḅiria sọ.

Agbamịẹ Apụ 10:3

Anị Moziz ḅe nwọse Erọn ḅe ḅẹye-ẹ, “Mịn anị Nyanaḅọ Ḅe ḍuko ye mịẹ, ọ̀ nwọ ḅẹmẹ na, ‘Fịrịnwẹngị ị̀ pịrịarịḅọ goyegoye osi se ị̀ya fịafịa mị pịrị; àrị ị̀ya boma mị se ị̀ya tomonima ḍieḅịa.’” Ọkụma Erọn ḅe ọ̀ yawụma simemẹ.

Agbamịẹ Apụ 20:7

Ómine ọ́mịna ḅụ se fịafịaḅụ wẹrị, anịatịḅị Ị̀rị̀ anị Nyanaḅọ ọ́mịna Tamụnọ Ḅe-ẹ.

Kịẹnḅịpị Ma 11:8

Ḍin ḅụ anị ijiriji mị na korokoromẹ ini pike koḅirima sime anga mị ḅụ. Eneḅasa ḅẹḅẹ ini pakamun anị gbalagbala mẹ, ini ineda anị gbẹịn anịkanịka temi se fịlawa mịẹḅịa, se ini anị chụọ se anị se patala patala keki mịẹmịẹmẹ. Ini oliv pulo se mịẹ fịturu pụkọ anị nwọ nyanamẹ.)

Jọn Iḅi Ḅẹrẹ Mị 17:19

Se ini gose àrị ị̀ ḅụ mịẹfịafịama ị́ pịrịmẹ, mịẹse ini sọnị kọkọma inia ḅụ mịẹfịafịama ị́ pịrịḅịa ọkụ.

Jọshụa 3:13

Bebe sẹkiri mị mgba Nyanaḅọ Ḅe Ọḅọkụ Igbe mị deki agbamịẹapụma ḅụọma mengi mị ḅie chịẹsa ḅẹḅẹ, Jọdan mị ḅarị seri ẹkẹ, pịkị ideri pakaḅoarị mengi mị sọnị gbọrị anga mị anị koḅirima simeḅịaye-ẹ.”

Jọshụa 3:4

Mịanga jịn sịkị ma ó ḅokẹ, anịẹrẹchị ini ma anị ọ́ ḅọrọḅịa ateli mị se ó ḍieḅịaye-ẹ. Ọkụma Ọḅọkụ Igbe mị ómine anị na kpekima; kuḅu-a mẹndẹ oyiasi fịnjị laḅịaye ọ́ nwọse anịa ọḅụju sikima sime.”

Jọshụa 3:6

Anị ọ̀ nwọse agbamịẹapụma ḅẹye-ẹ na ini Ọḅọkụ Igbe mị deki se tọrọkọda tomonima pịrị. Ò ḍuko ḅara mị ini pịkị nwọ mịẹmẹ.

Jọshụa 7:13

Sịsẹ! Tomonima mịẹfịafịama se ḅụkarakarama ini se ị̀ tọrọkọ ḅo. Ḍuko ini pịrị na ini ḅụkarakarama ḅa mị ḅụ, anịatịḅị Ị̀rị̀ Izrẹl mị Nyana Tamụnọ Ḅe, à ḍukoḅịaye omi-ẹ: ‘Àrị ọ́ ḅẹ na ó sima nwọḅẹaye ma ḅụ daye ọ́mịna ḅara omi-ẹ! Ómine na tarakapụma tọrọkọ ómine ineda chịẹ ẹkẹ ma ayema ọ́mịna ogboku soka simeogbo!’

1 Samụẹl 16:5

“Iin,” ori nwọse ini pẹkẹrẹmẹ. “À ḅo agbamịẹ Nyanaḅọ Ḅe pịrị-ẹḅomẹ. Ómine ọ́ ḅụ mịẹfịafịama tẹmẹ anga ḅụ se ị̀rị̀ na mun.” Ò ḅo Jẹsi ḅe na oria owuapụ awọma na mịẹfịafịamamẹ tẹmẹ anga ḅụ, ọ̀ pịkị chịnḅịpị se ini pịrịmẹ na ini agbamịẹ nyọ mị ḅo.